STOCK ROM VS CUSTOM ROM

Android chu kan hriat theuh angin Operating System turu leh tha tak,Googlein an siama ni a. A thil tih theih leh a that zia hi sawisel bo deuh thaw a tih theih awme. Hei vang hi a ni ang khawvel puma smartphone hralh chhuah zawng zawng deuh thaw hi Android hmang an nih. Android hmang tu te chuan Stock ROM leh Custom ROM tih an sawi kan hre teuhin a rinawm a.Heng ROM te hian that na leh that lohna lai an nei ve ve tho a. An pahnih hi vawiinah hian kan zirchiang dawn a ni.

Anih na takahchuan ROM chu khawih danglam mai mai theih loh (Read Only Memory) a ni a, mahse vawiin niah chuan android ah bik chuan heng ROM te hi duh ang angin kan khawih danglam thei thung a.Stock ROM & Custom ROMStock ROM kan tih chuan phone siamtu (Samsung, Sony, Htc, Micromax, etc.) ten an phone siam, mipuia an hralh chhuah - a tir ami ang thlapa system (phone) awm dankha a ni mai a. A tawi zawngin Phone system khawih dang lam loh (stock/firmware) a ni mai awm e. Chutih laichuan kha phone vek a kha a system (ROM) chhawm sa chu mi thiam (developer) ten an duh ang in an han khawih dang lam emaw, phone dang ROM kha kha phone a hman theih tura an port (an siam chawp) emaw te kha Custom ROM tiin an sawi thung a ni.

Eng vangin nge Stock ROM kan hman ang?Stock ROM chu sawi tak ang khian a tir atanga kan phone a lo awm sa kha a ni a. Hengah pawh hian phone siamtu company te chuan android chu tlema khawih danglamin an phone atan bik an siam danglam hlek thin a (eg.: Samsung TouchWiz, Htc Sense, etc). A khawih a nuam a, official-a tih chhuah a nih avangin a him bik hle a ni.WarrantyStock ROM I hman chuan warranty I nei a. Iphone engemaw vanga a lo chhiat palh emaw pawhin warranty in a huam chuan warranty I la la (claim) thei tihna a ni a. Hei vang hian mipui vantlang hman atan chuan a him bik em em a ni.

Chutih laiin custom ROM I hman ve thung erawh chuan warranty I nei thei lo thung.Premium AppsStock ROM ah chuan application tha tak tak - phone siam tu ten anmahni phone atan chauha hman theih a an siam tangkai tak tak te an bilh tel thin a. Hei hian mipui ahip hle bawk thin - entirna Sony chuan anmahni phone hman tur bik TrackID an neih ang te, Samsung in S Voice an neih ang te hi.Premium FeaturesStock ROM ah chuan company in an chhawr mi thiam tak tak ten an phone atana tha thei ang ber tura an ngaihin an system chu an han duang a.

Heng thil tam tak hi Custom ROM ah chuan a awm ve thin lo a. Engemaw dik lo (bugs) te hi stockROM ah chuan a tlem bik em em a ni.Trust for SecurityPhone company in an siam ROM ah chuan security te a tha leh zual a, heng malware, spyware, backdoor kan tih ang te hi a awm lo anga ngaih a ni a. Rintlak taka siam an tum thin avang hian a hmang tu tan a him bik em em a ni.

Engvangin nge Custom ROM kan hman ang?Sawi tak ang khian Custom ROM chu tu-in emaw stock ROM a khawih danglam kha a ni a. Stock ROM ina a tih theih loh tam tak kha custom ROM chuan a ti ve thei thung. Developer rualin an ngaihdan tha tak tak anthawh khawm atanga a tha thei ang ber tura an ngaih in an han siam a, hei vang hian mi tam takin custom ROM an hman phah a ni.Root AccessRoot kan tih chuan thingkung ang deuhin han ngaihtuah ta ila - a zung kan zung khawih thei tihna a ni mai.

Stock ROM in a chhawm sa application kan hman ngai loh paih theih si loh te kha kan paih vek thei a. Chutianga a zung (a root) khawih thei tur chuan phalna (permission) kan nei ta tihna a ni a. Chumai bakah thil dang chi hrang hrang - clock speed tih san te, performancethat nan thil te a tih theih bawk. Hei vang hian mi tam takin an phone an root thin reng a ni. Mahse kan hriat reng tur chu hetia rooting kan tih chuan kan warranty kha kan ti chhia (void) a ni tih hriat reng a tha.

Rooting hi Stock ROM ah pawh a tih theih tho bawk.Regular Updates Custom ROM siamtu lian deuh (eg.: CyanogenMod, AOKP, Slim, PacMan, etc) te chuan an custom ROM siam chu a that lehzual nan update an pe chhuak reng a. Stock ROM in a dawn ve theih loh android version (Kitkat, Lollipop, etc) te an upgrade thei thin bawk a.

An ROM siamah a dik lo lai (bug) a awm a nih pawhin a hnu lawkah an rawn siam tha (fix) leh zung zung zel thei a ni.Easy to Change Custom ROM pakhat I hman tawh chuan a dang dang pawh I hmang kual thei thin a. Nangma'n tha I tih tih ah khan I ROM chu I thlak kual zung zung thei thin a. Hei hi kuthlei ho leh thil ngai ning tan chuan a thatna chhan tak pakhat a ni leh awm e.

Better PerformanceSawi tak ang khan custom ROM ah chuan asiamtu ten an siam aia tha leh chak zawk ni thei turin developer te chuan kha ROM kha an han khawih danglam (tweak) a, internet chak zawk, phone chak zaw, etc ten an siam chhuak mai thin a ni.Heng a chunga kan han sawi tak hi han ngaihtuah vang vang la, nangma'n I tana tha ber tur chu I thlang mai dawn a ni. Mahse heng phone lar lo tak (eg.: India company kan tih mai - Intex, Spice, Lemon, etc.) kan tih ang ho te hi chu mi tam berin an hman loh avangin duh ang anga customROM hman tur a awm lo a ni tih hre tel leh bawk ila. Chuvangin phone kan lei dawn reng rengin mi tam berin an hman tlanglawn ang lei hi a fuh leh bawk a ni.

Share and subscribe enjoy.