ARSI CHANCHIN TLEM

when we look at stars at night, those are very far away that we are 'looking back in time.
.
#. Zan boruak thiang tak karah van lam thlir changin Arsi phe leuh leuh te chuan hun liam tawhah min hruaikirin sulhnu leh hlimthla tam tak an rawn keng tel thin a, khing enna kan hmuhte khian Lei mihringte mit hmuh phak a rawn inlan turin zinkawng thui tak tak rawn zawhin a kum chuang fe hnuah min rawn thlenchilh chauh thin ani, kum tam liamhnua i thil tawn hlimlaini leh thiante leh chhungkhatte nen kimlaini te chu he khawvel kan zinkawngah hian hunin a herliam pui thin a, chung hun ngai reng reng a hun i hmanlai chuan zan boruak thiang tak karah Arsi engte chuan chung hlim lai hun leh lungchhiat hunlaite chu a takin min chennawn tir theilo mahse an rawn her chhuahpui leh thin ani.
.
#. Kan chenna Universe-ah hian Galaxies tam tak awmin chung zing a pakhat milky way galaxy chhung a solar system pakhatah keini kan chenna khawvel pawh hi a awm a, Galaxy tinah chuan Arsi chhiarsen loh tam tak an awm a, milky way galaxy-ah ringawt pawh hian Arsi tam tak awmin chung zing a Arsi pakhat Ni(sun) heltu planets zing a pakhat ni ve turin Km 150,000,000 a hla atangin darkar khat a km 96000 a chakin Ni khi chawl map loin kan hel reng thin a, he khawvel atang a Arsi hnai ber Ni eng(light) chu an awmna hmun atangin second khatah metre 300,000,000 a chaka rawn thlawkin minute 8 hnuah nang leh kei chhawr phak turin kan hnen a rawn thleng chauh thin ani.
.
#. Eng hian kal chak zawng nei mahse mihringte nunah a ran(fast) em avangin anghawng hi kan hre theilo mai chauh hi ania, mahse light years tam tak a hlaa awmte chuan nghawng rawn neiin scientists-te chuan Arsi chanchin zir nan an lo hmang tangkai thin ani, a ai a kal chak lo zawk Ri(sound) in kan nun a nghawng aneih dan atangin sawifiah tum ila, ri kal chak zawng chu second khatah 340 metres niin Field zau tawk mai 1020 metres vel a sei awm tase atawpna ve veah chuan i thian pakhat nen dingin pakhat zawk chuan rawn au vak ta che sela a ka atang a AW achhuah atang a second thumnaah i hriatphak turin a rawnthleng chauh dawn tihna ani(3x340=1020metres). kawlphe(lightning) kan hriat thin pawh eng rawnkal hmasain riin a rawnzui leh thin ani, achhan chu kha lightning khanin eng leh ri chu rawn chhuah rual mahse eng a kalchak zawk miau avangin eng rawn thlen hnuah sound in arawn umpha ve chauh thin ani.
.
#. Van lam i thlir changa Arsi eng i hmuh thin te khi hun kal tawh a enna ten an rawn chhuahsan tawh kan mit hmuh a rawn inlan chauhte an ni a, tuna anlan dan ni tawh loin eng kan hmuhphak ten an rawn chhuahsan hunlai awmdan chauh an ni tawh. Ni tel loa Arsi hnaiberte chu Alpha Centauri Tripple Star niin an zinga pakhat Proxima Centauri chu chhim vanlaizawlah a eng hmuh theihin arawn inlan thin a, khi enna kan hmuh khianin kum 4 ngawt i hmuhphak a rawn inlan turin a zingkawng a rawn zawh thin ani, kum 4 kaltaah khan enge i lo tih thin, hlimni emaw lungchhiatni emaw i lo nei ani thei, nunhlui liam tawh chu kan zanin khawvelah min chenpui turin an enna te chu an rawn inlan leh thin. light years 2016 ahla atangin telescope chak tha tawkin he kan chenna khawvel hi mithiamten rawn en ta sela chuan Bethlehem-ah Isua piang lai chu rawn hmuin khawchhak mifing pathum kawngbo mekte nen lam an mit hmuhah an khawsa ho mek dawn tihna ani. I naupan lai hun leh hlim taka school i kal thin hunlaite, harsatna leh lungngaihna reng rengin nunah mi a tihbuailoh hun laite, kawppuite nen a inthen tawh lo tur emaw tia hlimlaini te chu hunin liampuiin tawng leh ngai tawh loh turin herliam tawh mahse chung hunlai kum kalta tluk a hla a awm Arsi te enna chuan tunah min chenchilhin zanlaiah vanlaizawlah an rawn inlan mek ani.
(love story lamah kal daih a va awl dawn ve awww,hahaa.
.
#. Galaxies tam takte chu Space and Time hmangin hla tak tak a awm an ni a, kan chenna atang galaxy hnaiber Andromeda khi half million light years a hlaah a awm ani, Virgo cluster Galaxy phei chu kan galaxy atangin 60 million light years lai a hlaah a awm a, Virgo Cluster Galaxy atangin khawvel rawn en ila chu ‘pre-historic reptiles’ hunlaiah chengin Dinosaur ho vanglai tam tak hmuin an ni chu he khawvelah awm hlawm tawh lo mahse an hlimthlate nen kan cheng ho dawn tihna ani.
.
#. Lei hi khawthlang lam atangin khawchhak zawngin a vir a, Zing khawvar dawn hunlai dar 4-6am(ni chhuah hma si) velah khawchhak lamah eng em em in morning star(venus) a rawn inlan phei hi chuan universe mawi tak chuanin zing thawh hma nun zuk ti hlim veng veng thei hial thin nia, chutiang khawvel atang chuan nunhlui thlir kir reng rengin hun thain a her liampui che hmain he i chenna hi nuam leh hlim taka hmang turin duhsakna ka hlan a che, achhan chu vawiin i hun hman mek te hi nakinah Arsi eng ten an la rawn hmanpui leh dawn che tih i hrereng dawn nia.