CHHIAR TEH LE (NUPUI/PASAL) IN NEIH HI

“In ka thlen a ka nupuiin chaw ei a siam lai chuan a kutah vuanin, thil hrilh duh che ka nei a nia ka ti a, a ni chu ngawi reng a thru chungin chaw a ei a. A mit ka va en chuan a thinlung a na hle tih ka hai lo. Sawi chhuah dan tur ka van em em a, mahse ka thutlukna chu hrilh ngei ka duh bawk si. 'Inthren ka duh a ni'. Tichuan a dam thei ang berin ka sawi chhuak tran ta a, ka thil sawi chu ngaihsak awm pawhin a lang lo, Engvangin nge? tiin min zawt let a.

A zawhna chu chhan dan mai ka thiam loh avangin thil dangah ka pen san a, chu chuan a ni chu ti thinur a, a fian ken lai paih pah chuan 'Nang hi mipa i lo nilo a nih hi' tiin min ankhum zui a. Chumi zan chuan inbe lovin ngawi rengin kan awm dun a, a trap a ni tih ka hria, Kan nupa inkarah hian enge thleng ta tih a ngaihtuah a ni. Mahse kei lah chuan a lungawina tur ang chhanna ka pe thei silo. Jane-i lakah ka thinlung a hlauh a ni. Ka hmangaih thei tawh silo, khawngaihna mai lo chu.

Inthiamlo em em chungin kan inthrenna tur lehkha chu ka ziak ta a, chutah chuan a ni chuan kan in, kan car leh ka company atrangin 30% chanvo a nei bawk ang tiin ka ziak a ni. Chutah a ni chuan lehkha chu an en a, ngawi rengin a pawtsawm vek a. Kum 10 chhung ka lo chenpui tawh chu ka lakah mihrang a ni ta. Khang hun liamta te kan ngaihtuah khan hrehawm ka tiin ka khawngaih em em a ni, mahse Jane-i laka ka thinlung ka lo pek tawh chu ka la let thei silo, ka hmangaih em avangin. A tawpah chuan a ni chu ring takin ka bulah chuan a trap ta a, chu chu ka lo rin lawk dan pawh a ni a, a thawventhlak letling phian zawkin ka hria. Tunah chuan inthren ka duh em em thrin kha kawng a inhawng dawn ta niin ka hria.

A tukah chuan tlai takah ka haw a, ka hawn lai chuan a ni chu dawhkan ah hian thil a lo ziak a.  Chaw ka la ei lo na in khum lam ka pan ta nghal a, Jane-i nen hun kan hman dunna lamah ka chauh em avangin rang takin ka muhil nghal mai a. Ka thrang harhin ka ve en chuan a ni chu dawhkanah lo la awmin a lo la ziak a ni. Engahmah ngai duh lovin ka inher a ka mutthilh san leh ta nghal mai a.

Zing alo nih chuan inthrenna tur lehkha a ziah chu min lo pe a, a ziak danah chuan ka lak atrangin engmah a duh lova, mahse inthren hma in thla khat hun a mamawh tur thu a ziak tel a ni. A ziah zel dan chuan chu thla khat hun chhung chuan kan pahnih a theih tawp chhuahin pangngai taka awmdun kan tum tur a ni, kan inthrenna tur thu in min tihbuai a duh loh thu a zep tel bawk a ni.

Ka tan chuan pawm harsa lo tak tur niin ka hria a. Mahse thil dang a la tel, kan inneih ni a mo kawr ha chunga ka pawm lai vel te kha ngaihtuah let turin min ti a, Chu thla khat chhung chuan tuktin kan mut pindan atranga kawngkapui thleng pawm chhuak ziah turin min ngen a. A aa zo tawh ni berin ka hria, mahse kan awmdun hun chhung tur rei lote a hahthlak lutuk loh nan a ngenna chu ka pawmsak ta a ni.

KA nupui inthrenna lehkha leh a duhdan te ka hrilh chuan Jane-i chuan atthlak a tiin a nui nasa khawp mai, engtiang pawhin tihdan tur ngaihtuah mahse a thren tho che a ngai dawn lawm a ti a.

Inthren chungchang ka sawi atrang khan kan taksa hi a la insi leh lo reng reng a. Chuvang chuan a tuk khatna a ka pawm chhuah chuan kan lai dun hle a ni. Chutia kan inpawm a hmuh chuan kan fapa chuan kut beng chungin 'ka pa in ka nu a pawm e' a lo ti a. Chu chuan ka rilru khawih hle mai. Mut pindan atrangin thrutna pindan ah, chuta trang chuan kawngkapui ah, metre 10 vel zet ka pawm a nih chu. Ka pawm lai chuan a ni chuan a mit chhing chungin 'kan fapa hi kan inthren tur hrilh miah suh aw' a ti a, kei chuan ka lu ka bu a. Tichuan pawnah ka va nghat a, a ni chu a hna lama kal turin bus a chang ta nghal a, kei pawh Office lam panin ka liam ve ta nghal a ni.

A ni hnihna a kan inpawm chhuak chu tlemin kan lai lo ve deuh hlek tawh a, ka awmah a bei a, chutih lai chuan a perfume rim te chu ka hre thei a ni. Ka ngaihtuah let a ka nupui hi rei tak chhung chu ka lo enchiang ngai tawh lo a lo ni.  A kum a naupang tawh lo tih hriat takin a hmel te pawh a lo chuar ve tran ta a lo ni a. Kan inneihna hian a lo eichhe chak hle a ni tih min ngaihtuah tirin a chunga ka thil lo tih tawh te min ngaihtuah let tir nasa hle mai.

A ni li na a ka pawm leh tur chuan ka nupui chu ka ngaina sawt viau a ni tih ka hrechhuak a. He hmeichhia hian kum 10 chhung a nun ka tan a lo hlan tawh a ni. A ni 5 na leh 6 na phei chuan kan in ngaina leh tawh viau a ni tih ka hria. Mahse Jane-i chu engmah ka hrilh ngam lo. Kan inpawm zing tulh tulh a, nuam kan ti tulh tulh a, keimah leh keimah ka in tichak chho zel a ni tih ka hre thar zel a ni.

Tuk khat chu a thawmhnaw hak tur a lo thlang vel mek a, a thlan kual ngial hnu pawh chuan a duhthusam a hmu thei lo. Thawk deuh hap pah hian "Ka thawmhnaw te hi an lian zo vek tawh' a ti a. Chutah tak chuan a lo cher tawh em em a ni tih ka chhuak a, awlsam taka ka pawm theih thrin nachhan pawh kha a lo cher tawh em vang a ni tih ka hrechhuak a ni.

Chutihlai tak chuan hrehawmna leh harsatna nasa tak a lo pai thrin tih ka chhuak a, engtiklaiin nge ka va pan tih pawh ka inhriat mang lohvin a lu ah hian ka va dawm a. Chutah kan fapa rawn lut chuan 'ka pa, ka nu i pawm chhuah a hun leh tawh nia" a rawn ti reuh a. A tan chuan a pa in a nu a pawm chu thil kalphung pawimawh tak a lo ni der tawh mai. A nu chuan zaizir a va bia a, chutah ka bulah rawn kalin mi rawn kuah ta a. Ka rilru hrehawm lutuk chuan lehlam ka hawi ringawt a ni. Ka thutlukna lo siam tawh pawh chu ka sut leh mai ang tih hlauhawm khawpin min khawih a ni. Tichuan a nu chu ka pawm a, mutpindan atrang chuan ka pawm chhuak leh ta a, ka pawm lai chuan a ni chuan ka nghawngah min kuah tlat a, keiin nghet takin ka pawm bawk a, kan inneih ni min hriatchhuah tir nasa hle mai.

A ni tela a rihna tlahniam tulh tulh chuan ka ngaih a ti thra lo em em a, a ni hnuhnung berah phei chuan amah ka ngaihtuah nasat lutuk na lamah ka pen pui hlei thei tawh lo chu ni ta. Kan fapa sikul kal a chhuak tawh a, chutah nghet taka pawm chungin a hnenah chuan 'In ngainatna kan lo tlachham nasa hle tawh mai tiraw' ka ti nghe nghe ni. Office lam panin ka kal nghal a, car kawngkhar pawh kalh lovin ka chhuak nghal a, ka rilru ka thlak leh hma a thil chinfel vat vat ka duhna chu lian khawp tawh mai. Hmanhmawh takin step ah ka chhova, Jane-i chuan kawngka min lo hawn a, chutah, a hnenah chuan, 'Jane, pawi ka ti khawp mai, ka nupui hi ka thren thei lova ni' ka ti ta a.

Jane-i chuan makti taka min en pah chuan ka chalah a rawn khawih a, 'i khuasik a nilo maw' a rawn ti a. A kut laksawn pah chuan "Jane, ka hrilh tawh che kha, ka thren dawn lo, kan nupa kar boruak chhiat thrin chhan kha chu kan khawsak dan phung leh thil tihte inhlutsak nachang kan lo hriat loh vang alawm, kan inhmangaih tawh loh vang a lo ni hlei nem. Tunah chuan ka hrechiang tawh asin, kan inneih ni a ka nupui pawm kha a thih ni thleng a pawm tur ka ni tih hi". Jane-i chu harhchhuak zawk ang mai hian a meng kawk a, chutah na zet maiin ka hmaiah min beng a, kawngka khar sawk pah chuan a trap zui ta nghal a.

Ka haw pah chuan pangpar dawrah pangpar lei turin ka lut a, a zuartunu chuan thil ziah duh te i nei em a ti a, kei chuan"Thihna in min thren hma loh chuan nitin ka pawm ziah ang che" tih kha ziak rawh ka ti a.

In ka thleng a, rilru thawveng taka pangpar keng chungin inchung lamah ka tlan chho nghal a. Ka nupui hmel hmuh hlan nghakhlel em em leh ka thutlukna hrilh hlan nghakhlel em em in pindanah chuan ka va lut a. KA nupui chu khumah a lo mu a, chutah "Duhtak" tih pahin a biang ka va khawih chu a lo vawt thlep mai a, ngaih thralo zetin kan kuai let a kan enchian nak chuan ka hmangaih chuan he khawvel hi a lo chhuahsan tawh a lo ni. Ka nupui hian Cancer natna a lo vei a, kei lahin Jane-i ringawt ka buaipui nalamah engmah ka lo hriatpui lo chu lo niin. A va na teh reng em!! A thi thuai dawn a ni tih a hre lawk a, kan fapa in a min dem lutuk tur laka min chhan a tum a lo ni, lo inthren hman ta ila chuan min va haw dawn em!!..Ka nupui lakah Pasal thra ka nilova, ka nupui zarah ka fapa tan Pa thra angin ka lang ve thei chauh a lo ni...

Inhmangaihna ah hian thil ho te te emaw kan tih te hi thil ropui tak a lo ni thrin. In lian leh ropui lam a ni lova, car changkang, bungraw thra, sum leh pai lam a nilo. Hengte hi chu nun tinuamtu satliah an ni ve lek chauh, hlimna tak tak min pe thei lo. Chu vangin i hmangaih nen khan hun tam tak hman tum la, thil te lua a awm lo tih hre rengin engkimah trawiawm zel tum ang che. Hetianga i tih thrin chuan in inhmangaihna a zual anga, inthlehlel em em in in hringnun in hmang liam thei dawn a ni.

I RILRU A HNEH VE A NIH CHUAN MIDANG PAWH SHARE VE NGEI ANG CHE