KA PA KA HAW TAWH LO CHE A SIN

"... I pa athi," chu thlaphang mangang thu sawi ri chu ka bengah chuan dar benthek ri ang vel mai mai a ni. Ngatanmah ka ti lova, ka thawhuai zawkin ka hria. Kum 4 mi lek ka nih laiin ka nu in min boralsan a, fahrah tak a hun hmang turin nun bul ka tan chho ve ta, mihausa kan nih loh avangin ei leh in ringawt pawh ka pi leh pu te tan chuan abuaithlak a, eizawngtu ber ka pa lah zu ngawlvei niin ahlawh pawh zu manah ahmang zo chu a ni zel mai si. Kei ngei pawh phurrit ka ni ta der mai, mahse, ka pi leh pu te chuan min hmangaih em em a, thu tha min hrilh a,"i pa hi i hmangaih tur a ni, nang chauh fapa anei che a, eng ang pawhin awm mahse i pa a ni tho tho a, englaimahin thlahthlam ngai suh aw..," tih chu an inkar a min mut tir pahin min hrilh fo thin, ka vawng ve viau pawhin ka hria. Mahse, thim hian thuah alo nei thin tih ka hriat meuh chuan ka nun chu beidawnna in alo khat hman tawh a, nikum hmasa maiah ka pi ka sun a, niminah min hmangaihtu awmchhun ka pu kan vuil…