MAK VE TAK ANI

Nikum khan he thil mak tak hi ka tawnga,mahse midang hriat a han ziah/sawi hi ka duh vak lova,a chhan pawh a tawng ve lo tu tan chuan thil ho tak leh awihawm vak lo thil anih theih avangin ziah kher pawh ka duh lo kha ania,mahse hetiang ang tawng hiin lo awm ve tak mial in tih thu ah ka rilru ka thlak lehhnuhnawh ani e..

Thian kawm tam lem lo leh mahni a chet tlat nuam tichi hi ka ni ve hrim2 a,thian ten chumi kha mi ah kal ang hmiang ti a min sawm anih loh chuan tumah hi ka sawm ve vak ngai lo..Lui kal nuam ti mi ka nih avang hian Lui hi ka kal ve deuh reng thin a,chhun lamah ka kal hman thin loh avangin zan lamah ka kalmai thin a,chhun a ka kal aiin zana ka kal atam zawk ang..mihuai sen ti a sawi tur ni lo mah ila zan thim hian ka tum min thulh tir lem lo..

nikum august thla ruah sur duh hun lai khan chhun lamah ruah asur deuh reng a,tlai dar 3 bawr vel ah ruahsur chu areh ta..tui alian dawn tih ka hria a,tui alen chuan kawrte ah sangha an lut dawn tih pawh ka hai lo..

phur takinlui kal tur chuan ka in siam mawlh2 a, rei lo te ah lui kal tur chuan ka in peih ta..tichuan lui lam panin keimah in ka kal ta nal2 a,a hmun ka thlenin khua alathim lo deuh..khaw nghah thim pahin ka chaw fun chu ka han bar sawk2 a,khua pawh arawn thim tan ta..ka lui kal tumna vaukam ah chuan ka thu vang2 a,ka hman hmawh lem lo..

dar 8 thleng ka nghak a tichuan muangchangin sangha chu ka man chho ta a,ka beisei ang ngeiin man tur an lo tam phian mai..kawrte chu ka zawh chho zel a,ka nghabawm pawh a khat chu ani der mai..hlawhtlingin ti takin haw tur chuan ka in siam mawlh2 a..ka insiam zo teptawh..

ka thlang lawkah chuan lui kal ve ni awm tak..eng pahnih rawn de va2 hi ka zuk hmu a,haw rualpui tur an awm dawn e,lo nghak teh ang tiin ka loen reng a,an lo hnai zel a,an tawngri pawh ka hre theia,mahse enge an sawi erawh ka hre lo..

ngawi renginka lo thu a,an hlawhtlin ka ring chiah lo,ka kal zo chauh a,ka hnungah an rawn kal ania,eng tak man ang maw tiin ka rilru ka lo kawm melh2 a...an mahni chiah ka en emaw ka in tih laiin ka êng hmuh chu ka hmu ta hauh lo mai..

ka han hawi kual a,a thim hian athim mup hi ani ringawt..an peng daih ani ang han tidawn ila penna tur a awm der silo,lui kawr tawn2 hi kopang vek ania an pengin ka ring lo..an let leh ani ang han ti dawn ila,kawng zuk pawh lehna tur ahla tawh bawk si,let leh ai chuan ka awmna hi rawn thleng chho law2 se nuamsa takin kawng pangaiah akal theih tih ka hria..

a ngaihna hre lo taka ka hawi kual ka hawi kual lai chuan ka chhak lawk ah tawngrika hre leh ta..ka han enchhiang a,lui hnar lam panin êng pahnih chho chu ka han hmu leh a,ka ngaih athathei tawh lo..a chhan pawh ka awmna lai hi kawng pangai ani a,he kawrte hi kawng hian atan tlanga,khawi atang mahin ahel theih loh..

mahse ka hmuh miah lo mi pahnih an kal tlang tlat..kawr kam aawm ka nih avangin mihring pangai nise ka hmuh lohna chhan tur a awm lo..hlauhna in min rawn zem a,rang takin kawng chu ka zawh chho a,hnung lam ka hawi zeuh2 bawk a,ka bike awmna ka thlen veleh ka ti nung nghal a,ka awm anuam thei tawh lo..

zan dangah pawh mahni in ka ram chhuak fo a,thil eng2 emaw pawh ka lo tawng ve tawh thin...mahse zanin ang em a ka hlauh leh mak ka tih hi ka la tawng lo..hmanhmawh takin ka tlan nghal a,kawngpui pangai ka han thlen chuan tlemin ka hlauh pawh anep deuh ta.. tichuan ka theih anga chakin ka tlan zel a,ngaihtuah loh ka tum pawn ka mitthla ah alo lang leh thin..

ka mitvai ka tih dawn chuan ani bawk silo..kha mi te pahnih kha ramhuai an ni angem..?mihringpangai chu nise ka hmuh ngei ka ring bawk si..mak ka tih na leh ka hlauhna kha buk dawn ta ila a in buk tawk viau in ka ring.. tichuan harsatna tawk lovin ka tlan zel a,motor tawh tur lah chu an awm der lo..a reh hian areh thiap ani ber mai..chhum azing mup2 a,tlan chak pawh ahar ta deuh..

ka tlan zel a chhum zing lohna lai deuh ka han thleng ta..ka hma lawkah chuan min tawk zawng hian motor pakhat hi arawn tlan a,a lite en dan atangchuan truck emaw bus emaw anih ka ring a,mahse athim em avangin engmah ka hmu fiah thei lo..kan in hnaih zel a motor lian ani tih pawh ka hrechiang ta..kan in tawhna lai tur hi kawng chep lai anih dawn avangin lo site mai ila atha a nge tiin ka lo ding a,mahse chu motor chu athawm areh ta hmak mai..

ka hma lam chu ngun deuhin ka han en a,êng hmuh tur a awm lo..min lo nghak zawk amawn le tiinka bike chu ka han ti nung leh a,tichuan hma lam panin ka kal a, ka kal zel a motor pakhat mah ka hmuta hauh lo mai... a lite êng ka hmuhna lai ka thlen phei pawn eng motor mah hmuh tur a awm lo..an che sual anga kawng thlang lamah hian an tlan liam ta em ni?

tlan liam ni tase an thawm chu hriat loh chi ani silo..a hma a ka thil tawn lo hlauh ruk tawh nen..hlauhna bawk chuan min rawn zem leh ta mup2 mai.

kawng chhia leh chhe lo ka ngaihtuah tawh lo,ka theih anga chakin ka tlan vawk2 a,zanin zet chuka lui kalna ah hlawh tling mah ila ka tawn loh tur ka tawnga,nuam tihna pakhat mah ka nei lo...hemi zan a ka thil tawn hi tun thleng hian MAK ka ti tawp thei lo...