MIKHUAL PA THIL TAWN MAK:

MIKHUAL PA THIL TAWN MAK:

Vawikhat chu Tualbung Pa hi kan mikhuala (tunah chuan Kohhran Upa hial ani ta), zan riah kan han ei kham thingpui hang dawm pah a kan titi lai chuan, an khua Tualbunga a thil tawn mak danglam tak mai a sawi chuan zan muthmunah thil ho mai mai min ngaihtuah zuitir nasa khop mai…..

Ama sawi dan ang takin…..Nikum mai kha a la ni, hlothlawh vanglai ani bawka chhun lama ka hna thawk ka hah deuh avangin, zanriah hma takin kan ei a, kan ei kham kan insingsa fel chu ka nupui leh fate pahnih chu thenawmte inah TV en turin an leng chhuak a, keimah chauh chuan in ka nghak a…

ka hnathawk hah deuh bawk nen kawngkapui chu nem hawn theih a dahin keipawh chu kan room lamah chuan tluzal turin ka phei nghal mai a.**Zan a reh deuh bawk a niang, an in atanga hla vak lova khawhar ina khawhar in lenpui te khuang ri leh zai thawm pawh a hriat tlang tlang theih a (Kar hmasa lawk khan Putar kum 67 vel hi a boral a)Thingtlang khaw te tih takah khawchhung mi hi chu kan inhre pawhin kan innel tlang hlawm bawka…

chu Putar boral ta pawh chu a bawrh sawm hma chuan Sande Sikulah min zirtir thin a..amah pawh ka nel in a fel khop mai..Mei pak hlat2 pah chuan atuk lama ka thlawh hmabak te, ka thlai chin tur te rilruin ka ngaihtuah rauh rauh a.**

Chutia ka suangthuahna leh ngaihtuah na kara ka len vel lai chuan kan kawngkharpui chu a in hawng rirawp a (Kum 20 chuang deuh thaw ka thil ri hriat ngun ve tak anih avangin kawngkapui inhawng leh inkhar ri hi chu ka hre hrang ve khop mai)…chuan khumpui lam pana (kan room a tihna) rawn pen phei chet chet ri chuan a rawn zui nghal bawk a….kan room kawngkhar zawn ah chuan a ding chat a. kei lah chuan lo uksak lem lo chuan kan Nu-te leng lo haw thawm ah ka ngai mai a..

“Zari (ka nupui hming),in va lo haw hma leh si ve” tih pah chuan ka suangtuahna chhunzawm tur in ka zial chu kan pak khu leh vang vang a.**Mahse rei a rial lo, thawm hmasa ang bawk khan kawngkapui chu a ri leh rawp a, a ngai te bawk in kanroom lam pan chuan a rawn pen ri phei leh chet cheta, kan room kawngkhar zawn ah bawk chuan a ding leh ta chaih a.

Chutah zet chuan ka ngaih a tha lo ve ta deuh a… “Zari”, tih pah chuan ka thova kan room kawngkhar chu hawngin kawngkapui chu ka va pan phei a..

mahse a lo inkhar tha thlap bawk si, kan hawikual vela tumah hmuh tur an awm si lo, kawngkhar inhawnga mi lo luta kan room lam lo pan thawm chuka hre chiang ngei bawk si.Ngaihtha lo deuh chuan kan room lam chu ka pan phei leh ta a, room kawngkhar pawh chu khar duh lovin ka hawng huau a, han thlek deuh chuan kawngkapui pawh chu a hmuh theih a.Engmah hmuh tur om ta lo chu, khumah bawk chuan ka tlu zal leh ta a.**

Ka mit kham leh hnathawk hah deuh bawk chu ka mit ka han chhing vang vang a…ka han meng leh chiah chu…hman ni lawka kan vui liam tak Putar ngeimai, lu tuak var vo, thur bim bem, hmel chuar ve tak tawh, Coat suit (a thih ni a an hak tir) dum ha chu.. ka khum bulah dingin min lo en run mai chu niin….kan hmu thut mai chu…ka phu nasa ltk ka au chhuak thawt a…ka thlawk loh chauh hi ani ber…

engtik laiin nge khum atangin ka zuan thawh pawh ka hre lo….ka hriat leh chu pawn ka tlan chhuak tur kan kawngkapui nem hawn theih a ka dah ka va su bur chu ani mai.**Ka thu hnawk chu rang lutukin ka tho a ka pawt hawng sawk2 a, hnung lam pawh hawi tawh lem lo chuan pawn lamah chuan ka tlan chhuak ta a…thui vak lo ka tlan hnu chuan ka inngaihtuah thra a, patlinga pum pa chuti em em a han hlauh chu zia lo deuhin ka hria a, muangchang in thenawm te inah chuan ka lut ta a.

Engmah chu ka sawi duh lem lova. thingpui te kan in hnu chuan inah chuan ka va let phei leh a, engmah chu ka hmu ta lem lo.**Ka nupui fanau te lo haw pawh chu engmah ka hrilhduh lem ta lova kei aia an hlauha an buai zawh ka rindeuh avangin. Pa huaisen ve tak niin ka inhre thin a.mahse khami thil thleng kha chuan ka tha ah min man ve tlat...a ni tiin asawi.

Post a Comment

1 Comments

I ngaihdan han thawh ve teh le!