Thihna hlimkawr !! Ruam

Min tanpui ru" tia au zuai raih raih ka hriat chuan mak tihna aiin hlauhna in min tuam nasa zawk a. Chulai ram pilril leh zanreh tawh ah leh nghal chuan khawilam hmeichhia nge au anga, mi nge sa a nih ang. Lasi nge ramhuai zawk tih chu ka hmulthi din suau rual leh ka taksa mur chuai rual a ka ngaihtuahnaa lut a ni. ka beng chhe ri a ni em? nge ka suangtuahna thangkhawk tih ka ngaituah lai chuan a hma aia zawi leh aw chau zawk. ti ril fan raih raih khawp a min tham thei awrawl chu ka hre nawn leh a. ka rilru in ka awmna a chhut a. ka bulhnai ah tunge awm thei ang a tunge chutiang a au tur chu awm ang khawi lamah nge ni reng reng tih ka ngaihtuah lai chuan a hma aia chiang leh rapthlak zawk hian a te leh ta vawn vawn mai le. Rang taka inperh tho in meichher ka siam sawk sawk a. thawm lo chhuahna lam ngaithla pah chuan ka in thlamuan ve na ber thin ka silai ah chuan a mu ka thun mawlh mawlh a. mahse amak a ni: ka tiril a khur hlawk hlawk a. ka tha a zawi zo a ka hmulthi ding sung s…