DAWN VE TEH! HRINGNUN

Mi pakhat hian nula hmeltha deuh mai hi nupuiah neiin a hmangaih em em mai a, Ni khat chu a nupui chuan vun natna a nei ta tlat mai le. A mawina chu a lo chuai ta tial tial a, a pasal chuan a nupui chu zin turin a chhuahsan ta. A rawn haw lamah chuan chesual palhin a mit a del ta. Chuti chung pawh chuan an nupa nun chu hlim takin an hmang dun zel a.

      Hun a lo kal zel a, a nupui chuan a mawina a hloh zel a, a pasal mitdel chuan a mawi lohna chu hmu thei lovin an nupa nun chu a danglam chuang lo. An inhmangaih tawn em em reng tho mai.

     Nikhat chu a nupui chu a thi ta a, chu thihna chuan a pasal chu a khawih na hle mai. A nupui sunna hun a hman zawh chuan, chu khawpui chu chhuahsan a tum ta a.

    A hnunglam atang hian mi pakhat hian a rawn ko a, " I hun kal tawhah i nupui duh tak chuan duat takin a tanpui thin che a, tunah engtinnge nangmah chauhin i kal theih ang le?" a han tih chuan, heti hian a chhang ta.

    "Ka mit hi a del tak tak hlei nem, mitdel lemah ka chang mai zawk alawm, a vun leh a hmelchhiatna ka hmu tih a hriat chuan, a vun natna aia na zawk rilru natna a neih phah dawn tih ka hria asin. Nupui tha tak a ni a, hlim taka awmtir reng ka duh avangin MITDEL LEMAH KA CHANG TA ZAWK A NI.

A zirtir: A chang chuan hlimna vawngnung tur hian midangte tlinlohna haider a, mitdel lema chan fo hi a tul thin asin.

         Hâ hian lei hi seh fo mahsela, an cheng dun tlat tho asin, hei hi ngaihdamna zepui chu a ni.

       Mit pahnih hi an inhmu tawn thei lo na a, thil an hmu dun a, an khap dun a, mittui an seng dun thin asin. Chu chu inpumkhatna chu a ni.

     Heng hi mihring min thlunzawmtu ropui tak chu a ni e. A huho lo chuan mahni ngawt chu engmah kan lo ni love.

Ngaihtuah zui tlak : Blade hi hriam hle mahse thing kih nan a tlak lova, Hreipui hi khawng tha viau mahse hmul ziah nan a hman tlak loh.

     Mitin hian pawimawhna tak an nei vek a, an pheikhawk i en duh a nih ngawt loh chuan tumah hi enhnuai ngawt suh ang che.