JOANA-I LEH TYREL WOLKE-ATE NUPA INTAWN DAN HI A ROPUI DANGDAI HLE MAI

Kum tina an tihthin angin American naupangte chuan an Kristian pui naupang’ ram rethei zawk amite tan Christmas Present an thawn thin a .

Tichuan naupang duhawm tak Tyrel-a pawhin a hming leh address felfai taka ziakin a Kristian ramdanga mi rethei zawk te tan Present a thawn ve a ni .

Philippines rama Kristian naupangte tana Christmas Present an thawn chu an han sem sang sang mai a . An lawm em em maia an thil dawn te te chu an inah theuh an hawn ta a . Chung naupang zingah chuan a hming Joana-i chuan a present dawn chu inah a han hawn chuan a lawm em em mai a .

Tichuan a rawn thawntu American Kristian naupang Tyrel Wolke-a chu a theihnghilh thei ta reng reng lova .

Present bawm leh address leh a thawntu hming chu a thinlung phekah chahbi lian takin a khung tlat mai a .

Kum 17 alo vei meuh chuan facebook khawvelin min rawn nangching ta a . Joana-i pawh chu puitling rim alo nam ve tan a .

Tichuan facebook ațangin Tyrel Wolke-a’ US, Idaho khua tiin a zawng ngar ngar thin a . Tukkhat chu a mi zawn ang hming pu leh address pawh dik chiah chu a hmu fuh tahlawl mai a . Chu ve leh friend request a thawn nghal a’ mahse Tyrel-a chuan a mihriat thin anih loh avangin alo pawm duh lova .

Mahse Joana-i vethung chuan beidawng duh lovin sms a thawn ta a .

Thian duh tak’ keihi kum 17 kaltaa Christmas present i rawn thawn nu kha ka ni e’ i present thawn pawh ka lo hmu e’ ka lawm lutuka ka theihnghilh thei tawh lo che’ tiin a thawn a . Chu lehkha thawn a hmuh takah chuan Tyrela pawh chuan a hrethiam ve nghal a . Tichuan fb khawvel ațang chuan an inbepawp zel a .

2013-ah khan Tyrela chuan fb khawvel a a hmelhriat’ a mi chhar Philippines nula Joanai hmu tur chuan philippine-ah a rawn zin ta a ni .

Fox News-a Joanai Interview-naah chuan khatia ataka a hmel ka han hmu kha chu ka mur chum chum’ haaaa, sawi ngaihna ka hre lo, ka sawi fiah thiam lo’ ka lawm a nitawp’ tiin a sawi .

Tichuan an inkarah hmangaigna alo piang nghala’ kohhran dan thianghlim in an innei ta a ni .

An inneih present zawng zawng chu mi rethei zawk te an sem tavek mai’ engvang nge tih chuan an intawnna kha present thil ațang anih avangin kha mi hriat reng nan tiin an sem darh vek a ni .

US hian kumtin Samaritan Purse’s Operation Christian Child hi an nei thin a . Christmas dawn a piangin ram rethei zawk amitetan present an thawn chhuak thin a ni . Tyrela leh Joanaite intawn dan hi amak dangdai in a ropui ru hlêa’ Joanai chuan Pathian malsawmna liau liau a ni’ a ti .