KHA TLEIRAWL KHA

Lunglei-a ka zin chu duhaiin ka chámrei ta phian a. Ka hnathawhna lam atanga min rawn phone-sék pawh chu a awm takzet mai.

Chawhnu dar 1 vel ah chuan ruahsur tam lutuk pawh a ziaawm phian tawh a. Haw tur chuan ka insiam a, petrol vel ka lak fel hnu chuan Lunglei khua chu ka chhuahsan ta a.Furlai anih avangin ruah chu tam vak lovin atla cherh chérh reng mai bawk a. "Mahni chauha zinkawng zawh aichuan min lo phartu awm se, titipui tur tal," tiin ka ngaihtuah neuh néuh a.Ka tlanchak lém lo naa, rinaiin khawkar kawng zawhnan hun ka hmang tam lo phian. Darkar 2 vel ka tlan tawh ang tihchuan khaw pakhat ah (a khaw hming sawi lo mai ila) inhnawhpuar turin restaurantah ka chawl lut a, ruah atla tawh lova, ni pawh chhúm karah a rawn lang ve déde tawh.

Ka ril alo tam tawh ani chék aniang chu; pum lamah ka thawnliamthla mawlh² mai a, puar pawh ka puar narawh e!Reivak lo ka thut khaw muang hnuin ka zinkawng zawh chhunzawm leh turin chu khua chu ka chhuahsan leh ta a ni.Ka restaraunt chawlhna ah khan sumo driver ho leh passenger ho khan khawkar kawngah accident a awm thu kha an sawi a, zawhchian nachang ka lo hre lo tawp mai kha; á ka intileh hnuhnawh viau mai.

Reivak lo ka tlanleh hnuchuan ka hmalam(kawngngil lai); yard 40 vel ah chuan motor leh mihring anlo tlîm hmûr mai a, accident thlenna hmun ani ngei ah ka ngai.Sumo chesuala chuang zingah, naupang kum 3 mi chauh chu damchhuak awm chhun a ni. Ka thiam ang ang a ka tanpui hnu ah chu chhiattawhna hmun chu ka chhuahsan a. Khatiang chetsualna rapthlak kha atak ah ka la hmuh ngai loh avangin ka thau ah min manin ka tiril chhung a khur der der thei hial a ni.Car tape a hla ngaithla chungin ka tlanzel a.

Chutia tluang taka ka tlanlai chuan ka piah deuh, kawngsir rualrem laia tleirawl lo dingchuan ka mit ala ta zawkmai. A lo dinna bulah chuan ka car chu park thain chu tlerawl chu khawia kal tur nge anih ka zawt a. A incheina leh a hmel atang chuan eng ang mi nge anih hriatthiam a har phian mai. A hmeltha hle tih chu ka hria, mahse, a nun a hlim tehchiam lo niin a lang bawk."Hetah hian ka thianpa ka nghak a, alo thleng tep tawh ang"Ami chhanna chu mak ka viau mai. Ram hnuaia a thianpa a nghak mauh mai chu a mak ve bawk a ni."Nangmah chauha nghah aichuan ka'n lo nghahpui ang che, ka hmanhmawh tehchiam hran lo bawk a" tiin kawmnel tumin ka be bawrh² a, engmah phei chu a sawi lém hleilaw. .

Ka biakin a rùl mawi tawkin min chhang a, ka biak loh erawh chuan lungtum bula awm ang mai a ni. Min biak a tum lem lo.Reife inbe lova a thianpa kan nghah hnu chuan ka ning ve ta deuh a. "Ka kalsan phawt mai ang che aw, i thianpa pawh chu a rawn thleng hnai ve tawh ang," tih leh motor kawngkhar hawn chu ka rual a."Ka lo kalve mai ang a tlai tawh si," tiin chuan ve chumin dil leh hnuhnawh a.A front seat-a thut a duh loh avangin a hnungah ngawi rengin pawnlam thlirin a thu a. A hming chu mawite-i anih thu leh zin veivak ve mai² ani tih bak a chanchin hriat ka neilo. Ka biak lovin tawng a tum silo a, ka be kual peih rei bik lo.

Reivak lo kan tlanhnuin khua a thimzui a.Khaw pakhat kan tlanlut tep tihchuan ka phurh nula chuan chhuk a duh thu a sawi ta tlat mai pek a! Makti viau mahila a chhan ka zawt kual peih bik lo a ni. A hmelthaiin a pian analh hle tih loah chuan he tleirawl hi ka ngaina thei tlat lo a ni. Enge kawmnel ka tum viau chung pawha ka lakah thatchhuah tumna pakhatmah alantir lo ei. .!Kawngsir ah ka dinga ani pawh chu a chhuk zui ta nghal a. Tawngkam engmah pawha inthlah lém lo chuan kan inthen zui chu ani mai.

Khawchhung ka tlanluh chuan khawlai ah mi anlo kát nuknúk a, mitthi anlo nei chu niin. .He khua ah hian kan chhungte an awm avangin reilote chawlh tumin an in lampanin ka tlan a. .ka rilru ah erawh; kha tleirawl kha ala cham reng lawi si. .Chu khua-a kan chhungte chuan riak turin min duh hle naa, riak thei ah kan indah silo. Dik tak chuan Lunglei ah khan ka chamrei mah² a ni, lalngovi vangvek!Zan dar 10 rik hma deuh chuan ka zinkawng chu ka zawh leh ta nge nge a.

Mak ka tih deuh chu; ka tleirawl phurh te kha ka thinlung ah a cham reng mai a, theihnghilh tumin hla ring deuh deuha play-in ka ngaithla a, awmzia a nei thui tehchiam lo.Thuife ka tlan leh tawh tihchuan kawngsir, motor light-in a chhún eng phak si atang chuan tuemaw hian min lo phar leh ta tlat mai a. Ka hlau lo naa mak chu ka ti a ni. Tlantlang tur nge din tur tih pawhka hrethiam tawh lo. A lo dinna piah deuh ah chuan ka ding leh ta nge² a. A dinna atang chuan zawi muangin a rawn phei a, hoodlight ka lo ON eng vat bawk.Lut tura k tih hnu chuan a rawn thu lut nghal a. A hmel hmuh chian ka duh avangin ka lo thlek ngun viau nghe nghe a ni. A lu a khuh tlat avangin a hmel ka hmu chiang thei lo.

A thutfel hnu chuan thil ka hrechhuak ta thut mai le!Mawite-i khan jeans pawl a ha a, T-shirt dum inbelinshawl uk a bât bawk anih kha. .tuna ka mi phurh pawh hi chutiang chiaha inthuam chu ani tih ka hre ta!"Mawite, nangmah bawk maw," ka titham tuak a."Aw. .i bulah lo chuan ka thlamuang thei ngang lo, ka thianpa khan min hre tawh lo ani ngei ang. .," ati ta reuh a. Ka hrethiam lo tulh tulh mai. He tleirawl hi a chiang chiah lo nge niang' aw. .khaw luh hmain chhuk min dil a, khaw pelh dawn ah min lo phar leh lawi si. .Dik taka sawi chuan he tleirawl hian min ti hlau deuh tawh a ni. Min pharna hmasa zawk kha chu thil thleng thei ani teh meuh mai. Mahse, zanrei lama min han phar leh zel hi chu mak ka ti deuh a ni. Mahni chauhin zanrei lamah; chu pawh khaw pawn ah lehnghal!

"Mawite, i chanchin kimchang leh i kal duhna hmun min hrilh loh chuan ka phur thei tawh lo ang che, nang pawhin min hrethiam mai a niang' chu," tiin a mit ah tak enin ka duh chu ka sawi chhuak ta pháwng mai a.Chechang lova min melh reng hnu chuan,"Ni e, sawi nachang ka lo hre lo a ni. .min ngaidam dawn nia. .," ati a, pawn lam hawi chhuakin a ngawi zui leh vang vang a. A hnu deuh ah chuan,"Aizawl a haw tur ka nia, rem itih chuan i ruala kalve hi ka duh a," ati thawp sat a. A hmel ka en a, ka lainat thar ta riau mai. A hmela inthlahrunna lo lang leh a taksa dâng bel mai ka hmuh chuan ka khawngaih thar leh hnuhnawh.

A thianpa chungchang pawh zawh ka tum kha a nia, ka zawt zui duh bik ta lo.Tichuan, chu lai hmun atang chuan kan tlanchhuak ta a. A front seat ah ka thut tira min hnial ta bik lo. Ataksa dâng bel mai chu hmuh hrehawm k ti a, ka jacket ka tir ta bawk a. Inbe tam lo mahila a hma aichuan a zia ta zawk.Ka hming a hriat ve tawh avangin a khat tawkin minko ve reng bawk.Aizawl luhnan hun tam angai tawh lo ang tih chuan zunram thiarin kawngsir ah kan ding a, ani chu car chhung ah hla ngaithlain a thu thung a. Car chhungaka lut fel chiah tihchuan,"u pui, i tlanna kawng ah khan motor accident ilo hmu em?," ati chhuak nawlhmai a.Ka hmuh ve thu ka hrilh hnu chuan,"khatah khan ka telve asin," a rawn ti chhuak phâwng mai le!"Mawite, ka accident hriat ah chuan a chuangte an boral deuh vek asin, naupang kum 3 mi tih loh chu..khawi laiah nge accident chu intawh?," mak titakin ka zawt a.

An chetsualna hmun a sawi chiah tihchuan ka hik mup a, ka thil hriatin min barakhaih êm avangin motor pawh ka control hman lo thelh a ni. Ding meuhin mawitei chu ka zawt nawn leh ngat a. Eng motor nge? Tute nena chesual nge? Engvanga hliam leh thawmhnaw bal miah lo nge a nih? A thianpa 'ka nghak' atih thleng khan chipchiar takin ka zawt ta a.He tleirawl hmeltha tak ka phurh hi mihring damlai anih ka ring thei ta lo. A taksa dâng bel te, a tawng tlem ém ém te chuan ngaihdan min neih tir a ni. A nui hmel ka hmu lo a, ka jacket ka haktir laia a taksaka khawih fuh palh pawh khan pangti lum a nei tawh lo réng a ni."Engtia tihtur nge ni ang" tia ka inngaihtuah mék lai chuan,"u pui, i ngaihtuah chu ka hria a lawm. .min trih tih pawh ka hria asin. .

Aizawl a ka chhungte hmuh hram ka duh; chu chauh chu min tihsak rawh,"tahawh deuh reuh hian min ngen ta tlat anih chu(h)!Mihring ani tawh lo tih chu ka hre tawh; mahse hlauh enah ka en miah lo kha a mak pawh ka inti hle. Hlauhna aimah chuan amah ka khawngaihna chuan min hneh zawk tlat a, chu tleirawl hmeltha tak chu ka thlir ta ngawih² mai a ni. A chhip atanga a ke ler thleng mai chuan sawiselna tur ka hmu lo, thisen a nei tawh lo tih hriat taka a taksa dáng bél tih chauh lo chu han sawisel tur ka hre lo a ni.

Mahni'n vawi tam ka zinchhuak ve tawh a, hetiang ang hi ka la tawng ngailo mai pawh nilovin mi sawi pawh ka la hre lo. Tunah a takin ka tawng si! 'Mithi tawh chu an thlarau a chhuak a, an taksa a tawih ralthung thin' tih hi ka hriat dan ani a, tunah mitthi tawh ka bulah thuin ka titipui mék chu ani si a. .Chutiang zawng zawng ka ngaihtuah lai chuan min lo melh reng mai hi alo nia, ka ngaihtuahna khawvelatang chuan ka harh chhuak thut a, a kutvawt thler mai chu vawn sakin, a chhungte bula hruai thlen ngei chu ka tiam ta a ni.