LADC HNUAIA RODY H. VANLALHRIATPUII HNA HMUH THAR HI !!!

Lai nula, Mizoram aiawha Miss India thlannaa Mizoram mai nilo, India mipui ten an ngaihsan em em leh ngaihzawn chu kan LADC chuan chawimawiin hnathar a pe niin ka lo hria!

A hnathar LADC in a pek hi Lai House-a Receptionist (contract) @Rs 10,000/- (fixed) per month a ni awm e.

He a hna LADC in a pek hi ka lawmpuina aiin ka lawm lohna a ti tam zawk. Enge a chhan?

1. Miss India inelna/ thlanna (contest) kha rampum huap thil a ni a, a ropui em em. Mizo Idol, Youth Icon, etc te nen phei chuan a inthlau tak a ni ngei ang.

2. Hetiang rampum huap inelnaa tel tawh chin chuan mimal hlutna leh zahawmna an nei tel nghal thin.

3. Tuten ka thuziak lo haw lo se, India rampum nula nalh leh tha kalkhawmnaa semi-finalist meuh leh mipui thlir thupin Receptionist (one year contract) Rs 10000/- hlawh hi chu mimal zahawmna a tihniam (degrading) a ni.

4. Northeast India tlangmi te zingah rampum huapa hriathlawh kan nei ve nual a, heng mi hlawhtlingte hi an state sawrkarin an dinhmun leh zahawmna tawkin a chawimawi thin. Entirnan, Group A emaw B officer chinah tal an dah thin. An qualification in a tlin lo chung pawhin special in an recruit thin.

5. Chutiang chiah chuan Rody hian professional khawvel a rap chho mek a, mimal hlutna leh zahawmna a keng chho mek a ni. LADC hotute hian an duhsaka an chawimawh duh anih chuan hei ai zahawm (dignified) zawkin a lanchhuah tir ve tur a ni. Rody hian thiamna lamah Master Degree (MSW) hial a nei a, special recuitment in Group A or B tala chawimawi hi a mimal hlutna leh zahawmna vawn nun nan pawh a pawimawh.

6. Rody ang hi Mizo nula Miss India inelnaa tel Mizoram hian kan la nei ngai lo a, tin amah ang hi Lai disrict pawh hian kan nei leh zen zen tawh lo maithei. Tute tan pawh thik lam aiin lawmpuina tur thil ani dawn a, precedence tha lo thleng tur pawh a dinhmun tawn leh zirna lama thiamna te hian a veng vek dawn a ni.

7. Kan Lai District Council hruaitute hian Rody mimal zahawmna leh mawina tawka chawimawi hi an tlin lo anih chuan tih loh mai hi a tha zawkin ka hria.

8. Hmuhsitna emaw deuhsawhna lam ni lo se, Rody hian professional khawvel ala rap chho dawn chauh a, mimal hlutna leh zahawmna kengkawh a hun lai tak a, (keini te chuan engzat company te hian nge dawr tawh ang le? Kan lo tih lai a.) Lai House-a Receptionist contract hi chuan a hlutna a ti hniam thei zawk tlat.

9. LADC hotute hian duhsakna leh chawimawina nen Rody hi he hnathar hi an pe ang tih chu rilru in hrereng mah se, a kawng zawh chhohna zel turah a phu tawk zahawmna leh hlutna siamsak hi an tlin rih lo anih chuan tih rih lo mai a tha zawkin ka hria.