MAK LEH DANGDAI*SAKHMÊL THLÂK(FACE TRANSPLANT)

                            (before)

USA tlangval Richard Lee Norris hi Hillsville, Virginia a cheng a ni a.Kum 21 mi chauh a nih laiin kum 1997 khan Shotgunin a inkap palh a. A hmai a chhe nasa hle. A hmui, Khabe ruh leh Hnarte thlawh darhin hmai tihtlak a nei ta lo..Hetianga vanduaina a tawh hnu hian hrehawm takin a hringnun a hmang chho ve zel a.

A dam khawchhuah theih nan theih tawp a lo chhuah ve ngar ngar a ni.Mi hmuh loh theih tur ang berin a inthup a. Inah a tawm chawt a. Mamawh a lam duh chuan zanah chhuakin hmaikawr hmangin a inthup țhin a ni..A chanchin hriaten an khawngaih țhin hle a. A hmai chu fel fai zawka zai anih theih nan kawng hrang hrangin hma an lak pui a. Chutiang chuan kum 15 vel zet hun a hmang chho a ni.Kum 2012 khan mi ngilnei leh lainatnaa khat a a tawng ta.

Tlangval pakhat Josua Aversano, kum 21 mi chu Car accident avangin a boral a. Joshua chhungte chuan Richard Lee Norris hmai atana pawimawh zawng zawng chu Joshua hmai ațanga lak an remti ta a ni..Kum 2012 March 19 khan R. Adams Cowley Shock Trauma, University of Maryland Medical Center a medical team te chuan darkar 36 chhung zet Richardhmai chu zaiin Joshua hmai ațangin nalh takin an siam sak ta a ni.

                    (josua avarsano)

A hun lai chuan Face Transplant hautak ber niin an sawi a, hei aia zai hun chhung rei hi Face Transplant bikah chuan a la awm lo niin hriat a ni.. Transplant team leader chu Eduardo D. Rodriguez, M.D., D.D.S., Associate Professor, University of Maryland School of Medicine leh Chief of Plastic, Reconstructive and Maxillofacial Surgery ni lai a ni a.Rin phak bakin an hlawhtling a, an lawm hle a ni.

A dam hnu chuan Richard chuan hmel pangngai tak puin tumahin an hre hrang tawh lo hial a. Engkim Khabe, Lei, Ha, Hmui, Hnarte chu a thar hlaka thlak a nih avangin țawng te pawh a zir țha leh a ni..A dam chian hnu hian Hmai thar a neih theih nana a unaupa thi ta Joshua hmai petu Rebekah Aversano pawhin a tlawh a. A unaupa nen pawh inang a tiin, a naupan tet ațanga a chenpui Joshua hmel ang mai niin a sawi a ni..

Kum 21 a nih laia vanduaina tawh avanga hmel mumal nei tawh lo Richard Lee Norris chuan kum 36 a nih kumin hmel pangngai a nei leh thei ta a ni.

(after)

                   
                             (after)