Pathian zawlnei ropui Daniala'n (12:4) "Hun hnuhnungah chuan hriatnate a la pung dawn a ni" tia a lo sawi lawk tawh ang khan tunlai khawvela hriatna/ finna pung chak em em mai hi mithiamte'n an chhut dan chuan minute tin hian mizo chhiara fullscape phék 2500-a ziah khah dal ang hi a pung char char angin an chhut a ni. Chutiang taka khawvela hmasawnna/ changkànna nasa tak mai lo thlengte chu Setana chuan hmanruaah a lo hmang țangkai em em zel a. Chúng khawvel changkànna leh hmasawnnain a ken telte zinga mi, Setana'n hmanruaa a lo hman zinga țangkai leh hlawhtling ber leh huap zau ber bawk si chu țhalaite ngainat em em MUSIC hi a ni tlat mai. He rimawi hmang hian pawisawi lo țhalai sang tam takin nitin mai hian hremhmun kawng an zawh mup mup mek a ni.
Țhenkhatte chuan hengte hi chu rimawi a ni ve mai a, kan ngaithla a ni mai a, eng'e a pawina an ti mai thei, heng hla thu leh țhalaite nungchanga a lan chhuah dan han chhut hian engtiang takin nge pawi a khawih theih dan chu a hriat theih a ni. Chuvang chuan khawvela lar tham khawpa Rock Band leh MUSIC lo chhuahna bul tlem i lo thlir hmasa teh ang.
ROCK MUSIC
Rock Music lo chhuahna bul hi Africa ramrila hnam changkang lo leh hnam mawl takte'n Ramhuai an biaka, khuang an tlir dur dur țhinna (Voodoo) ațanga lakchhawn a ni a. Negro sala an hralh mihàng ho khan America ramah an senglut a, America ramah khan an chíng zui ta zel a, chuta țanga lo darh zauin, reiloté-ah he music hian khawvel a rawn dengchhuak ta a ni.
Chuvangchuan tunlaia auditorium ropui tak tak chhunga concert (hla kutpui) a an music ri chhuai chhuai te leh Africa ram hnuaia Ramhuai an biaknaa an music kha thlúk thuhmun chiah a ni tih hi hmuhchhuah a ni a. Chuti a nih chuan kan chènna rama concert hrang hranga music heavy tak tak kan hriat țhin, zai paha an tlan vak vakte, an sam sei suau mai nena an bu suau suau țhinte, țingțang an hmet țé tuar tuar te, khuang (drum set) an vaw bur burte nen hian a la inlaichìn veka, an chétzia reng reng pawh hi a rapthlak hle a ni.
CHúng Rock Band hrang hrangte chanchin chu i'n thlir teh ang u hmiang lee..
1) AC/DC: An group hming lampum chu "Anti-Christ Devil's Child"( Krista dodaltu, Setana fachuam) tihna a ni hem mai zu nia. Anmahni ho erawh an pha nasa mai thung."Alternating current/ Direct Current" tihna asin an inti ve zaih. He music group hlun tak mai hi i lo hre ngai tawh em le? An zingah hian zaithiam 5 an awm a. Chúng zinga mi Bon Scot-a chu zuin a sehhlum tawh hnge hnge a. A hla record hnuhnung ber chu
"HREMHMUN LAMTLUANG KA ZAWH MEK, MIN LO DANGBUAI TUR AN AWM LO.SETANA'N MIN RAWN LÀMPUI A, KA BAT MIN TLAKSAK. MIN LO THLIR TEH U. MIN LO THLIR TEH U,RAMTIAM PANIN KA KAL MEK" tih ngat a ni a. He hlahian țhalai rual sang tam tak leh a satu chawp hian nitin mai hian hremhmunah mi a hruailut nguah nguah reng a, a satu a thih tawh hnu thleng mai hian 'Setana chanchin țha' chu a la sawi zel a nih hi.
2) LET ZEPPELIN: Anni group hi Heavy Metal tichhuaktute an ni. An Guiterist Jemmy page-a chu kan Pathianin a duh loh em em Dawithiamna ngaisang mi, Setana duhdana nung tlat mi a ni. An hla sak lar ber leh Radio-ah pawh miin an thlan huai huai țhin pakhat chu "STAIREWAY TO HEAVEN" (Vanram panna kailàwn) an ti a, Setana fakna hla zu ni daih a.
3) THE ROLLING STONE: Anni group pawh hi Setana tirhkoh ropui tak an ni ber mai. An hla hi Setana pawl fakna deuh vek a ni. Setana a va'n lawm dawn em!
4) MOTTLEY CRUE: Anni group pawh hi a intimak zawng leh punk lutuka khawsak tum hrim hrim, zak lo leh inthlahrung hauh lova ramhuai betu an nih thu khawvel hriata inpuang ngat an ni. Mipate pawhin hmeichhia ang maia hnawihsen inhnawih tài túk a luak tichhuak thei ang bera inchei uar tak, music awmze nei mang lova ri buai nuaih chunga Setana fakna satute an ni. An album-a an hla khungte chu thisen chhuah duhna te, țawngkam bawlhhlawh leh zahmawh tak tak hlirin a khat a ni. An hlate hi a awmzia i hria emaw, hre lo emaw pawh ni la, an music duh vang hrim hrim pawhin Setana an fakna hi tui takin i lo ngaithla thei a, fimkhur a țul hle.
5) KISS: An hmingpum chu 'King's in Setan's Service' (Setana rawngbawl hotute) tih a ni a, mite hipna'n leh mak tih turin mihring luruh ro lem thil tlarte hi an awrh tuarh țhin. Thim lalpa Setana chungchang bak chham/ sak tur an hre thlawt lo a nih hi tih mai tur an ni.
6) TWISTED SISTER: Anni ho hi pawl hlauhawm leh turu deuh mai, tharum thawhna chawisangtu leh tharum thawhna hlaa faktu an ni a; mahse, țhalaite ngaihsan hlawh em em si anni.
7) JUDAS PRIEST: Anni group hian an hla sak duh berte chu 'THARUM,THARUM' tia tharum chhuah tur ngawt zawnga țhalaite chawh thawh tumin an zai laiin an țé tuarh tuarh țhin a ni. Hla țha ngaihthlak tlak an sa ngai lo, Setana missionary rinawm tak an ni ber a ni mai.
8) BLACK SABBATH: Hemite group-a an zaithiam Ozzy Osbourne-a hla sak chuan mitthi ruang, mi á dahkhawmna, drugs, ramhuai leh indona tih ringawt a hla thunawnah a hmang a. Group rùrà tak an nih tawh vei nen an hla satu Ozzy Osbourne- a chetdan chu a lutuk an ti ve leh chhãwng a, an pawl ațangin an hnawtchhuak hial a ni.
9) W.A.S.P: Anni hi an group hming pum chu "We are Sexusl Pervert"(Hurherh ho kan ni!) tih a ni hem mai. He khawvelah hian zah a va awm tawh lo em! Zahna pawh hi a zak ve tawh ang tih ang chauh a ni ta e. Setana pawl chhinchhiahna, arsi letling (Pentagram) chu an pawl chhinchhiahna atan an hmang a. An hla sak țhin pawh an pawl hming ang chiah khian Sex lam hawi vek zuk ni a! A rapthlak hle.
10) OZZY OSBOURNE: Anni hian Black Sabbath a chhuahsan hnuah group dang ama hmingin a din a, a intihlarna'n a zai laiin Țhuro nung chung a keih bung a, hetia a tihna chhan chu Țhuro hi Pathian Thlarau Thianghlim entirna'na hman a nih vang a ni an ti.
Jeff Godwin-a chu a tleirawl laia Rock group zinga lo tel hrep tawh, chuta țanga piangthar chu ani a. Ani sawi dan chuan tunlai Rock Star lar chin reng rengte hi Setana malsawmna dawnga ti vek an lo ni a, chung Rock music átchilhtu țhalaite lah chu heng music hian dawi ã tlat bawk a. Dik tak chuan Rock music hmuchhuaktu leh tilartu bulpui ber pawh ho tumah dang an ni lo, Setana ngei mai hi a lo ni tih chhuichhuah a lo nih tawh thu Godwin-a, Rock music kum tam tak lo luhchilhtu chuan a ziak tlat mai le!
I thlir zel teh ang..
Pi Elaine-i inpuanna chu..
Kum 17 lai Setana rawngbawl a, Puithiam nihna sang hial lo chelh tawhtu leh America ram chhunga sawrkar hruaitu pawimawh lo ni tawh Pi Elaine-i chuan a thil lo tih tawh zawng zawngte chu kalsana a lo pianthar hnu-ah chuan Rock music chungchanga a inpuanna thu chu tihian sawi a-
"Kum rei tak dinhmun sang tak ka chelh chhungin America leh ram danga Setana hnathawh țhalo tak tak thlen tura a buaipuitute zingah ka lo tel tawh țhin a. Setana hi a tak taka awm a ni. Ramhuai ho pawh chuti bawk. Keima thil lo tawh tawhte ațang hian a chiang a; mahse nemhngehna'n chuan ka thusawite nilovin, Pathian thu hi chhiar mai rawh u.
"Thil dang tam takte ang bawkin Rock Music tana beihpui thlakna pawh hi a tìrté ațangin Setana leh a chhiah hlawhte'n uluk tak a an lo duan sa vek a ni. Tihpalh thila lo awm mai a ni lo. Fimkhur taka rem lo ruattu pawh tudang nilovin Setana ngei mai hi a lo ni.
"Rock Star lar ho pawh mimal malin ka lo kawm tawh hlawm a. Sum leh hmingthanna an hmuh dawn phawt chuan Setana rawngbawl hi an lo hnial hlawm dér lo. An duh ang pawh an hmu ngei hlawm a; mahse, an beisei tel loh lam thlengin an dawng țeuh mai. An thlarau leh anmahni nun pawhin a chhiat phah dèr hlawm a,'An tuh rah seng' an ni tih hi an inhai hauh lo. zawi zawiin țhalai maktaduai tam tak chu Setana rawngbawl turin an zirtir chhãwng ve mek a ni tih pawh hi anmahni pawh an inhai lo. America ram dung leh vãnga Rock music an record-na hmunpui-ah chuan ka tel ve deuh zel a. Record leh tape hralh chhuah tur copy apiangah ramhuai bet tel zel turin dàwi hla kan chham hnan țhin. A chang chuan heng record phèna aw lo thun ve tur hian ramhuai ho pawh kan ko chhuak fo bawk. Record an zaitir apianga ramhuai tam tak koh chhuah an nih theihna'n lang lo lam (Music ri-in a khuh bo si) ah dàwi hla hlir kan lo chham mial mial mai bawk țhin a. Chúng music lo play-tu leh a lo ngaithlatute zawng zawng thlenga sawisa turin ramhuaite hi hla record-na hmunah tel ve tura koh an ni țhin.
"Chutiang ramhuai aw thun telin a tum ber chu rilru in-control sak a ni. Chû rilru control-in a tum chhàwn leh chu music ngaihthlak paha Setana thuchah an lo hriatthiam theihna mai nilovin Isua an mamawhna hre thei lova hliah tlat hi a ni.(11kor.4:4)
"Chuvang chuan Rock Music hian awmpuitu ramhuai thlarau an nei tlat hlawm a nih chu. I awih lo a nih chuan Rock music ngaithla țhang i nih chuan ngaihthlak tawh loh han tum chhin teh. A nihloh leh, midangte ngaithla tui lai tih tawp sak han tum chhin teh,music phèna thawktu ramhuai hi eng'e a nih i hre mai ang.," tiin Pi Elaine-i chuan a hun lo tawn tawh chanchin chu a ziak a, a puang bawk a ni.
I thlir zel teh ang..
Heti lama inthlah dah pawizia pakhat lek han tarlang ila, January 1988 khan New Jersey khawpuia tleirawl kum 14 leka upa Thomas Sullivan-a, lehkha zir taima tak țhin chuan ama nu ngei mai a vit hlum a, amah pawh a intihlum ve hngal bawk a, ama pindan chhung an han enchian nák chuan Heavy metal Rock Star ho lem hi a lo tar del dul mai a. Chu tlangval chuan tihian thu hnutchhiah lungchhiat thlak leh run thlak tak siamin "Fate'n eng music nge an ngaihthlak țhin tih hi nu leh pate'n enfiah țhin rawh u," tih hi a lo hnutchhiah tlat lawi a nih chu.
A pain a sawi dan chuan a fapain a nu a thah hma khan "I nu that la, thisen chhuah rawh" tih hla Rock group ho sak chu kar tluanin a lo ngaithla a lo ni a. Chú hla tui ti tak leh ngaihnawm ti em em a a lo ngaihthlak chuan amah leh a nu nunna chu a láktir ta a ni. A va'n pawi em!
Rock group kan han ziah ták bákah khian Rock group dang leh an chanchin hrang hrang tam tak a la awm a, sawi vek sèn a ni lo. Tun hmalama mite kha chuan ramhuai betu niin an insawi ngai lo va, tunlai khawvela Rock group ho tam tak chuan inzép khawmawi vel pawh hi ngai an ti tawh lova, Setana pawl nih chu an chapopui tawh zawk a ni. Tunah phei hi chuan inti punk ho, a hurherh thei ang bera tisa chákna hmang ho, han hman sual leh ngaihna pawh hre tawh chuang lote chuan hriamhrei hmanga insawisak lamah an țuan ve leh thung tawh a. Ramhuai zawl ang chiahin an tál báwráw a, an hmuite, an bengte leh an biangte an vit tlang bawk țhin a. Chutianga an inhngaisak ațanga nawmchenna chu "DADISM" an ti a ni. Mihring mihrinna kawng atan pawh hian a chhia leh a ze hniam leh hnuaihnung ber a ni hialàwm e.
Thlir zel ang..
Tv ațanga heavy metal
Kan sawi ták ang khan heng Rock music ri chhuai chhuai karah hian Setana thuchah a inphúm ru deuh vek a ni kan tih tawh kha. Entirna țhenkhat lo tarlang ila: BLACK OAK ARKANSAS in "When electricity comes to arkansas"(Arkansas-a electrict éng a rawn thlen tirh khan) tih hla an sak țhin kha a let zawnga play chuan ri mak deuh mai- "Satan! Satan! Satan! He is god! He is god! (Setana! Setana! Setana! pathian a ni! pathian a ni!) tih a lo awm reng a nih kha, a letzawnga play hi record player-ah a chiang bík a; tin, tape pangngaiah pawh i rewind a țeng leng leng tia rang taka ri-ah khan ngun takangaihthlak chuan a lo ri tel a ni.
THE BEATLES pawl hotu John Lennon-a hla sak "Kiss Kiss Kiss" tih kha a let zawnga han play chuan 'Setana a lo kal e, paruk paruk paruk John Lennon-a kan káp' tih a lo awm reng a, a mak hle mai nia. Kha album a siam zawh ațanga rei vak lo-ah khan amah ngaisangtute zinga mi pakhatin ramhuaite thupek ni-a insawiin a kap hlum ta tak tak a nih kha. Setana hnen ațanga thiltihtheihna dawn hi eng'e a hlawkna? Chatuan Hremhmun kalna mai chauh a ni si a.
Michael Jackson-a BAD album phèna thuchah awm pawh, 'Hail Satan, hey lord you're the main,'(a awmzia chu: Chibai Setan, lalpa, nang hi mi takzeta chu i ni) tih a lo tel ve reng bawk. Jackson-a i ngaisang em? a hla sak hi țha i ti em? hmanni lawk khan a thi a, a thih dan pawh a chiang thei lova, vawiin thleng hian an la chhui zel zawng a nih hi. Diabola thiltum chu mi thinlung hneha, an nunna lak sak a, a tawpa chatuan hremhmuna tlaktir hi a ni.
in inThilmak deuh mai pakhat chu Kristian Rock album-ahte hian Setana fakna a báng chuang lo. Mi țhenkhatte hi chuan Kristian Rock music te hi chu a pawina àwm a awm àwm pawh kan hre vak lo a ni mai thei. Mahse, kan khingpui Diabola hi tar-át nei hlek lo a ni a, a fing em em reng a. Pathian fakna hla kan tih țhenkhatte hi chu ama ta ang thlapin a hauh ngam ve tho, chhui mite'n an chhui dan chuan.
STRYPER ho album-a 'In God we trust'(Pathian kan ring) tih hlaa Setana thuchah lo inzep ru ve chu 'Chibai Lucifer' tih leh 'Setana hmaah kan kûn' tih a ni tlat mai. DANIAL BAND te siam 'Rise up' tih album phènah chuan "Tunah Setana chibai i búk ang" tih teleh "Setana ka hmangaih ang" tih te a lo awm reng a ni. Heng lo pawh hi Kristian Album țhenkhatah Setana thuchah a awm nual a, kan tarlang séng rih lo-ah ngai ila.
"Setana pawl music te nge Kristian Rock hla-te hi hlauhawm zawk ang tiin zawt ta ila, Kristian Album-te hi an hlauhawm thei zawk daih ang" tiin Jeff Godwin-a chuan a sawi. A chhan chu Pathian hla phèna lo inphum ru a nih vang a ni. Chutiang thila Kristian te inring lo lai han bum vel kha Setana nuam tih záwng tak a ni dawn si a.
Nm, Khitiang khi a nih avang khi nge maw ni dawn ni kan zoram zimté ar-hmai tia lek, Kolkota nu ho pawh zah lo zinga heti tak maia Satanist an lo pung nasa ta hluai mai te, Zu leh drugs chi hrang hrang, uirèna te, kum tling lo páwngsual te, tualthah leh insuam, rúkrúk leh mahni inthahna lo tam ta em em mai te hian ngaihtuah a ti tam țhin hle mai.
Țhenkhatte chuan hengte hi chu rimawi a ni ve mai a, kan ngaithla a ni mai a, eng'e a pawina an ti mai thei, heng hla thu leh țhalaite nungchanga a lan chhuah dan han chhut hian engtiang takin nge pawi a khawih theih dan chu a hriat theih a ni. Chuvang chuan khawvela lar tham khawpa Rock Band leh MUSIC lo chhuahna bul tlem i lo thlir hmasa teh ang.
ROCK MUSIC
Rock Music lo chhuahna bul hi Africa ramrila hnam changkang lo leh hnam mawl takte'n Ramhuai an biaka, khuang an tlir dur dur țhinna (Voodoo) ațanga lakchhawn a ni a. Negro sala an hralh mihàng ho khan America ramah an senglut a, America ramah khan an chíng zui ta zel a, chuta țanga lo darh zauin, reiloté-ah he music hian khawvel a rawn dengchhuak ta a ni.
Chuvangchuan tunlaia auditorium ropui tak tak chhunga concert (hla kutpui) a an music ri chhuai chhuai te leh Africa ram hnuaia Ramhuai an biaknaa an music kha thlúk thuhmun chiah a ni tih hi hmuhchhuah a ni a. Chuti a nih chuan kan chènna rama concert hrang hranga music heavy tak tak kan hriat țhin, zai paha an tlan vak vakte, an sam sei suau mai nena an bu suau suau țhinte, țingțang an hmet țé tuar tuar te, khuang (drum set) an vaw bur burte nen hian a la inlaichìn veka, an chétzia reng reng pawh hi a rapthlak hle a ni.
CHúng Rock Band hrang hrangte chanchin chu i'n thlir teh ang u hmiang lee..
1) AC/DC: An group hming lampum chu "Anti-Christ Devil's Child"( Krista dodaltu, Setana fachuam) tihna a ni hem mai zu nia. Anmahni ho erawh an pha nasa mai thung."Alternating current/ Direct Current" tihna asin an inti ve zaih. He music group hlun tak mai hi i lo hre ngai tawh em le? An zingah hian zaithiam 5 an awm a. Chúng zinga mi Bon Scot-a chu zuin a sehhlum tawh hnge hnge a. A hla record hnuhnung ber chu
"HREMHMUN LAMTLUANG KA ZAWH MEK, MIN LO DANGBUAI TUR AN AWM LO.SETANA'N MIN RAWN LÀMPUI A, KA BAT MIN TLAKSAK. MIN LO THLIR TEH U. MIN LO THLIR TEH U,RAMTIAM PANIN KA KAL MEK" tih ngat a ni a. He hlahian țhalai rual sang tam tak leh a satu chawp hian nitin mai hian hremhmunah mi a hruailut nguah nguah reng a, a satu a thih tawh hnu thleng mai hian 'Setana chanchin țha' chu a la sawi zel a nih hi.
2) LET ZEPPELIN: Anni group hi Heavy Metal tichhuaktute an ni. An Guiterist Jemmy page-a chu kan Pathianin a duh loh em em Dawithiamna ngaisang mi, Setana duhdana nung tlat mi a ni. An hla sak lar ber leh Radio-ah pawh miin an thlan huai huai țhin pakhat chu "STAIREWAY TO HEAVEN" (Vanram panna kailàwn) an ti a, Setana fakna hla zu ni daih a.
3) THE ROLLING STONE: Anni group pawh hi Setana tirhkoh ropui tak an ni ber mai. An hla hi Setana pawl fakna deuh vek a ni. Setana a va'n lawm dawn em!
4) MOTTLEY CRUE: Anni group pawh hi a intimak zawng leh punk lutuka khawsak tum hrim hrim, zak lo leh inthlahrung hauh lova ramhuai betu an nih thu khawvel hriata inpuang ngat an ni. Mipate pawhin hmeichhia ang maia hnawihsen inhnawih tài túk a luak tichhuak thei ang bera inchei uar tak, music awmze nei mang lova ri buai nuaih chunga Setana fakna satute an ni. An album-a an hla khungte chu thisen chhuah duhna te, țawngkam bawlhhlawh leh zahmawh tak tak hlirin a khat a ni. An hlate hi a awmzia i hria emaw, hre lo emaw pawh ni la, an music duh vang hrim hrim pawhin Setana an fakna hi tui takin i lo ngaithla thei a, fimkhur a țul hle.
5) KISS: An hmingpum chu 'King's in Setan's Service' (Setana rawngbawl hotute) tih a ni a, mite hipna'n leh mak tih turin mihring luruh ro lem thil tlarte hi an awrh tuarh țhin. Thim lalpa Setana chungchang bak chham/ sak tur an hre thlawt lo a nih hi tih mai tur an ni.
6) TWISTED SISTER: Anni ho hi pawl hlauhawm leh turu deuh mai, tharum thawhna chawisangtu leh tharum thawhna hlaa faktu an ni a; mahse, țhalaite ngaihsan hlawh em em si anni.
7) JUDAS PRIEST: Anni group hian an hla sak duh berte chu 'THARUM,THARUM' tia tharum chhuah tur ngawt zawnga țhalaite chawh thawh tumin an zai laiin an țé tuarh tuarh țhin a ni. Hla țha ngaihthlak tlak an sa ngai lo, Setana missionary rinawm tak an ni ber a ni mai.
8) BLACK SABBATH: Hemite group-a an zaithiam Ozzy Osbourne-a hla sak chuan mitthi ruang, mi á dahkhawmna, drugs, ramhuai leh indona tih ringawt a hla thunawnah a hmang a. Group rùrà tak an nih tawh vei nen an hla satu Ozzy Osbourne- a chetdan chu a lutuk an ti ve leh chhãwng a, an pawl ațangin an hnawtchhuak hial a ni.
9) W.A.S.P: Anni hi an group hming pum chu "We are Sexusl Pervert"(Hurherh ho kan ni!) tih a ni hem mai. He khawvelah hian zah a va awm tawh lo em! Zahna pawh hi a zak ve tawh ang tih ang chauh a ni ta e. Setana pawl chhinchhiahna, arsi letling (Pentagram) chu an pawl chhinchhiahna atan an hmang a. An hla sak țhin pawh an pawl hming ang chiah khian Sex lam hawi vek zuk ni a! A rapthlak hle.
10) OZZY OSBOURNE: Anni hian Black Sabbath a chhuahsan hnuah group dang ama hmingin a din a, a intihlarna'n a zai laiin Țhuro nung chung a keih bung a, hetia a tihna chhan chu Țhuro hi Pathian Thlarau Thianghlim entirna'na hman a nih vang a ni an ti.
Jeff Godwin-a chu a tleirawl laia Rock group zinga lo tel hrep tawh, chuta țanga piangthar chu ani a. Ani sawi dan chuan tunlai Rock Star lar chin reng rengte hi Setana malsawmna dawnga ti vek an lo ni a, chung Rock music átchilhtu țhalaite lah chu heng music hian dawi ã tlat bawk a. Dik tak chuan Rock music hmuchhuaktu leh tilartu bulpui ber pawh ho tumah dang an ni lo, Setana ngei mai hi a lo ni tih chhuichhuah a lo nih tawh thu Godwin-a, Rock music kum tam tak lo luhchilhtu chuan a ziak tlat mai le!
I thlir zel teh ang..
Pi Elaine-i inpuanna chu..
Kum 17 lai Setana rawngbawl a, Puithiam nihna sang hial lo chelh tawhtu leh America ram chhunga sawrkar hruaitu pawimawh lo ni tawh Pi Elaine-i chuan a thil lo tih tawh zawng zawngte chu kalsana a lo pianthar hnu-ah chuan Rock music chungchanga a inpuanna thu chu tihian sawi a-
"Kum rei tak dinhmun sang tak ka chelh chhungin America leh ram danga Setana hnathawh țhalo tak tak thlen tura a buaipuitute zingah ka lo tel tawh țhin a. Setana hi a tak taka awm a ni. Ramhuai ho pawh chuti bawk. Keima thil lo tawh tawhte ațang hian a chiang a; mahse nemhngehna'n chuan ka thusawite nilovin, Pathian thu hi chhiar mai rawh u.
"Thil dang tam takte ang bawkin Rock Music tana beihpui thlakna pawh hi a tìrté ațangin Setana leh a chhiah hlawhte'n uluk tak a an lo duan sa vek a ni. Tihpalh thila lo awm mai a ni lo. Fimkhur taka rem lo ruattu pawh tudang nilovin Setana ngei mai hi a lo ni.
"Rock Star lar ho pawh mimal malin ka lo kawm tawh hlawm a. Sum leh hmingthanna an hmuh dawn phawt chuan Setana rawngbawl hi an lo hnial hlawm dér lo. An duh ang pawh an hmu ngei hlawm a; mahse, an beisei tel loh lam thlengin an dawng țeuh mai. An thlarau leh anmahni nun pawhin a chhiat phah dèr hlawm a,'An tuh rah seng' an ni tih hi an inhai hauh lo. zawi zawiin țhalai maktaduai tam tak chu Setana rawngbawl turin an zirtir chhãwng ve mek a ni tih pawh hi anmahni pawh an inhai lo. America ram dung leh vãnga Rock music an record-na hmunpui-ah chuan ka tel ve deuh zel a. Record leh tape hralh chhuah tur copy apiangah ramhuai bet tel zel turin dàwi hla kan chham hnan țhin. A chang chuan heng record phèna aw lo thun ve tur hian ramhuai ho pawh kan ko chhuak fo bawk. Record an zaitir apianga ramhuai tam tak koh chhuah an nih theihna'n lang lo lam (Music ri-in a khuh bo si) ah dàwi hla hlir kan lo chham mial mial mai bawk țhin a. Chúng music lo play-tu leh a lo ngaithlatute zawng zawng thlenga sawisa turin ramhuaite hi hla record-na hmunah tel ve tura koh an ni țhin.
"Chutiang ramhuai aw thun telin a tum ber chu rilru in-control sak a ni. Chû rilru control-in a tum chhàwn leh chu music ngaihthlak paha Setana thuchah an lo hriatthiam theihna mai nilovin Isua an mamawhna hre thei lova hliah tlat hi a ni.(11kor.4:4)
"Chuvang chuan Rock Music hian awmpuitu ramhuai thlarau an nei tlat hlawm a nih chu. I awih lo a nih chuan Rock music ngaithla țhang i nih chuan ngaihthlak tawh loh han tum chhin teh. A nihloh leh, midangte ngaithla tui lai tih tawp sak han tum chhin teh,music phèna thawktu ramhuai hi eng'e a nih i hre mai ang.," tiin Pi Elaine-i chuan a hun lo tawn tawh chanchin chu a ziak a, a puang bawk a ni.
I thlir zel teh ang..
Heti lama inthlah dah pawizia pakhat lek han tarlang ila, January 1988 khan New Jersey khawpuia tleirawl kum 14 leka upa Thomas Sullivan-a, lehkha zir taima tak țhin chuan ama nu ngei mai a vit hlum a, amah pawh a intihlum ve hngal bawk a, ama pindan chhung an han enchian nák chuan Heavy metal Rock Star ho lem hi a lo tar del dul mai a. Chu tlangval chuan tihian thu hnutchhiah lungchhiat thlak leh run thlak tak siamin "Fate'n eng music nge an ngaihthlak țhin tih hi nu leh pate'n enfiah țhin rawh u," tih hi a lo hnutchhiah tlat lawi a nih chu.
A pain a sawi dan chuan a fapain a nu a thah hma khan "I nu that la, thisen chhuah rawh" tih hla Rock group ho sak chu kar tluanin a lo ngaithla a lo ni a. Chú hla tui ti tak leh ngaihnawm ti em em a a lo ngaihthlak chuan amah leh a nu nunna chu a láktir ta a ni. A va'n pawi em!
Rock group kan han ziah ták bákah khian Rock group dang leh an chanchin hrang hrang tam tak a la awm a, sawi vek sèn a ni lo. Tun hmalama mite kha chuan ramhuai betu niin an insawi ngai lo va, tunlai khawvela Rock group ho tam tak chuan inzép khawmawi vel pawh hi ngai an ti tawh lova, Setana pawl nih chu an chapopui tawh zawk a ni. Tunah phei hi chuan inti punk ho, a hurherh thei ang bera tisa chákna hmang ho, han hman sual leh ngaihna pawh hre tawh chuang lote chuan hriamhrei hmanga insawisak lamah an țuan ve leh thung tawh a. Ramhuai zawl ang chiahin an tál báwráw a, an hmuite, an bengte leh an biangte an vit tlang bawk țhin a. Chutianga an inhngaisak ațanga nawmchenna chu "DADISM" an ti a ni. Mihring mihrinna kawng atan pawh hian a chhia leh a ze hniam leh hnuaihnung ber a ni hialàwm e.
Thlir zel ang..
Tv ațanga heavy metal
Kan sawi ták ang khan heng Rock music ri chhuai chhuai karah hian Setana thuchah a inphúm ru deuh vek a ni kan tih tawh kha. Entirna țhenkhat lo tarlang ila: BLACK OAK ARKANSAS in "When electricity comes to arkansas"(Arkansas-a electrict éng a rawn thlen tirh khan) tih hla an sak țhin kha a let zawnga play chuan ri mak deuh mai- "Satan! Satan! Satan! He is god! He is god! (Setana! Setana! Setana! pathian a ni! pathian a ni!) tih a lo awm reng a nih kha, a letzawnga play hi record player-ah a chiang bík a; tin, tape pangngaiah pawh i rewind a țeng leng leng tia rang taka ri-ah khan ngun takangaihthlak chuan a lo ri tel a ni.
THE BEATLES pawl hotu John Lennon-a hla sak "Kiss Kiss Kiss" tih kha a let zawnga han play chuan 'Setana a lo kal e, paruk paruk paruk John Lennon-a kan káp' tih a lo awm reng a, a mak hle mai nia. Kha album a siam zawh ațanga rei vak lo-ah khan amah ngaisangtute zinga mi pakhatin ramhuaite thupek ni-a insawiin a kap hlum ta tak tak a nih kha. Setana hnen ațanga thiltihtheihna dawn hi eng'e a hlawkna? Chatuan Hremhmun kalna mai chauh a ni si a.
Michael Jackson-a BAD album phèna thuchah awm pawh, 'Hail Satan, hey lord you're the main,'(a awmzia chu: Chibai Setan, lalpa, nang hi mi takzeta chu i ni) tih a lo tel ve reng bawk. Jackson-a i ngaisang em? a hla sak hi țha i ti em? hmanni lawk khan a thi a, a thih dan pawh a chiang thei lova, vawiin thleng hian an la chhui zel zawng a nih hi. Diabola thiltum chu mi thinlung hneha, an nunna lak sak a, a tawpa chatuan hremhmuna tlaktir hi a ni.
in inThilmak deuh mai pakhat chu Kristian Rock album-ahte hian Setana fakna a báng chuang lo. Mi țhenkhatte hi chuan Kristian Rock music te hi chu a pawina àwm a awm àwm pawh kan hre vak lo a ni mai thei. Mahse, kan khingpui Diabola hi tar-át nei hlek lo a ni a, a fing em em reng a. Pathian fakna hla kan tih țhenkhatte hi chu ama ta ang thlapin a hauh ngam ve tho, chhui mite'n an chhui dan chuan.
STRYPER ho album-a 'In God we trust'(Pathian kan ring) tih hlaa Setana thuchah lo inzep ru ve chu 'Chibai Lucifer' tih leh 'Setana hmaah kan kûn' tih a ni tlat mai. DANIAL BAND te siam 'Rise up' tih album phènah chuan "Tunah Setana chibai i búk ang" tih teleh "Setana ka hmangaih ang" tih te a lo awm reng a ni. Heng lo pawh hi Kristian Album țhenkhatah Setana thuchah a awm nual a, kan tarlang séng rih lo-ah ngai ila.
"Setana pawl music te nge Kristian Rock hla-te hi hlauhawm zawk ang tiin zawt ta ila, Kristian Album-te hi an hlauhawm thei zawk daih ang" tiin Jeff Godwin-a chuan a sawi. A chhan chu Pathian hla phèna lo inphum ru a nih vang a ni. Chutiang thila Kristian te inring lo lai han bum vel kha Setana nuam tih záwng tak a ni dawn si a.
Nm, Khitiang khi a nih avang khi nge maw ni dawn ni kan zoram zimté ar-hmai tia lek, Kolkota nu ho pawh zah lo zinga heti tak maia Satanist an lo pung nasa ta hluai mai te, Zu leh drugs chi hrang hrang, uirèna te, kum tling lo páwngsual te, tualthah leh insuam, rúkrúk leh mahni inthahna lo tam ta em em mai te hian ngaihtuah a ti tam țhin hle mai.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!