ROOM MAK TAK MAI CHU

Anand-a chu sikul kan kal lai atanga ka thian, midang zawng zawng ai pawh a ka kawm tam ber ani a. Keimah ang tho in thlahrang leh a kaihhnawih thil lam reng reng hi a tui ve hle a. Amah nen ngei pawh chutiang thilmak chu kan tawng ve nghe nghe.Kan pahnih chuan engineer chu zir zo in kan hna lamah kan buai ve thin hle a, inbiaka han ti ti na hun pawh kan nei ta mang mang lo a, mahse phone leh e-mail hmang ten kan la inbe pawh ve reng tho.Kum hnih vel liam ta a Mumbai a kan thil tawn chu hei hi ani. Sorkar chawlh chu kar tawp nen a inzui avangin ni 5 vel lai chawlh kan nei thei dawn a. Ni tam tak chhung hna a buai reng reng a kan lo bur ve tlut tlut thin avangin kan nu chuan tuipui kama ni 2 chhung vel va hawi khawthawn a chak a. Anand-a te nupa chu anlo tel ve theih beisei in ka va phone nghal a, a nupui Jyo pawh chuan keini nena chutia hun hman ho chu alo chak ve hle a, kan phur tlang nghal khawp mai.Mumbai atanga 180km a hla darkar 3 kal, Murud lam chu kan pan ta a. Murud chu beach…