THEIHNGHILH KA DUH

Kan Eichawp dawr nghaktu ber ka ni a,nula tih takah hmelțha puaklo mah ila ka nghah ve hi chuan inleng ka nei ve thei riau,hemi zan pawh hian dawr khat tlatin an țhu leh tawh a.

Kuhva ro leh hring kan hralh tam êm avangin,inlengte pawhin kuhva rah thel in, a ro rah an chep sap sap hlawma,Top up thun alo ngai ve sek nen indaihlo ana kher mai..

Tlangval deuh vek anni bawka,fiamthu an thawha an nui deuh ham ham renga,keipawh buai chung chungin an fiamthu thawh ah chuan ka lo nui ve tak  uar uar a..

Zan dar8 velah Kan in chhak lawka U Parteii pasal(Rina) chu rui deuh hian dawrah arawn lut ve a,ani hian min fiam peih angrenga fiamthu pawh aduh viau,anupui hi amah aia upa daih ani a,kan inah hian arawn chuangkai tam ve khawp mai kan nel em em a,zû in țhin mahse mi pawi erawh asawilo khawp mai.

A rawn lut pawh ka inlengte thusawi hre ve chuanglo in arawn nui ve vak vak ringawta,Kuhva ro ₹10 man leh Capstan bawmkhat aleia rei pawh awmlo in a chhuak zui nghal daiha,zandangah ațhut rei theih tehreng nen mak ka ti deuh viau..

Kan inleng zinga naupang ber Bawihpuia chuan an class kal chung chang vel a sawia an miss chhelo deuh chanchin chu a țhiante chu phur fe hian a hrilh zuah zuah,țawngkamte lah chu a thiam hrep leh nghal an țhian ho chuan an nui deuh ham ham a,chu tih lai chuan,ka nau mipa hi hman hmawh zetin arawn tlanluta 'U Rina a thi' arawn ti  chiah chu kan hawi phawk hru mai..

Kei lah chuan a fiamthu emaw tiin ahnungah ka benga,u?ûanna chi anilo nia mawl viau suh ka tia,Midang ho pawh chuan an awihloh thu an lo sawi sap sap bawka.

Awihlo pawh ni ila a awm reng,nichin lawkah a lokal a,kuhva pawh arawn leia,a haw ațangin darkar khat pawh aliam tawp lo ang, tuman ka nau thusawi chu kan awihlo..

"Au Mam ka ti tak tak an inhnuaiah a inawkhlum"ala ti tak deuh deuh a.

Mak kanti tlâng vek..dâwt sawina chi anih loh avangin ka inleng tlangval ho chu an tho phak phak a,kal chhoh an tuma..

Nula ka nih ve tho avangin minlo nghak ru ka lo chho ve dawn tihpahin dawr khar tur chuan pawnah ka chhuaka,ka inkalh fel chhungin ațhen chu an chho tawh,Bawihpuia leh Joela'n min nghaka,ka thin aphu zawih zawih mai,kan inah alo chuangkai tam ka tih tawh kha...

Ka hlau chu a nichiahlo mahse rilru a  nuam viaulo,engtik laiin nge alo inawhhlum hman a haw chhohna kha ala rei em em bawk silo,ka nau in minlo hrilh lai khan dar9 ala rilo deuh chuan ka hria amak hle mai.. tih bak chu sawitur pawh ka hre lo..

Kei,Bawihpuia leh Joela nen kan chho ve ta a,Mi anlo pungkhawm tam viau tawh,U Rina te hian a Nu leh Pa te inhnuai anluaha azau angreng viau, an inkawtah mi anlo awm țeuha ka țhiante rual chuan luhve ka tum ngawt pek anih kha,YMA President Pu Sangkima chuan "hmeichhia chu luh kan phallo,police an rawn thleng țepa engmah khawih danglam theih pawh ala anilo,Hmeichhia hrim hrim chu tumah kan la luhtir lo" ati hmaka.

Ka van ngei tak,Kei lah hi mithi awmse anruang hmuloa ka awm chuan ka ngaih a țha tlat ngailo,in âwkhlum anih vang nge  U Rina pawh chu ka hmu chak zek zek maia,mawnga hawlh ang mai ka ni,Joela'n  "chho rih mai rawh kan va lut ve lawk nge" atih phei chuan hmuh ka châk telh telh zialo thei țhin..

Mahse an phallo chung luh luih kha thil mawi anih lemloh avangin in chung panin stepah chuan ka chho ve a,kawt zawlah Nula ho pawh anlo ding țhup a,enchak fe fe chu an awm ve tho ang mizo hi chu kan hâwkdak ropui si..

Ka țhiannu Kuri ka hmu hlauha abulah ka va phei ve a,YMA bench ah chuan kan țhu duna Police lam lah chu an rawn thleng har zêk lehnghal..

" Mate,U Rina hi tinge tianga awm le,mak e,rui ve țhin tho mahse in awhhlum êm chu atih duh ka lo ringlo sin le" zawite in arawn ti sap sap a,kei lutpawh ka ngaihdan chiah tho ania ka sawilang ve ta lemlo mai pawha..

Thil pakhat ngaihtuah chhuah zawk ka nei,a inkhailai hi ka hmulo nih chuan ka ngaihtuah leh ngut ngut dawn tih ka hria,Kuri hi enpuiah sawm ta ila...

U Rina te kawmthlangah hian vawkin a awma,Chhanhima te vawkin ani. chumi bul ațang chuan hmuhdan awm dawn tlat hian ka hria a,ka phûr teh nia
Kuri "Rina inawkhlum lai zuk en ang".

"An phalloh kha YMA in,"

"Phallo mahse arukin enna ka hria minlo zui rawh" ka tia

" Mate iti rapthlak lutuk ka ngam teuhlo mai," maktih hmel zetin minla melh zui..

I duhloh leh keimahin ka en nga nimai lawm tihpahin ka tho chhuak nghala,

Chhanhima te inlamah chuan ka phei ta,an vawkin panin ka chhuka athim bawk sia ka phone ti engin ka chhuklui zela,thaw huai chungin ka thlengthla ve mai, Vawkin bul țang chuan ka hawi chho a,chiangkuangin engmah ka hmu thei awzawnglo,Engati teh reng nge ni ka enchâk tulh tulha,țawngthawm pawh ka hre pha veka,thih leh thih tih rilru pu in ka kekawr ka thlep chhing sauh sauha vawkin chungah chuan kan lawn tehreng anih kha..Ka dingngil chiah chu ka phu nasa lutuk..

An inchhunga in awkhlum emaw ka tih kha alo ni awzawnglo,verandah ah alo inkhai reng anih chu mawle...

Ka hmuchiang kher asin..ka melh hnai angreng khawp mai,Kan dawra alo kallaia athawmhnaw hak ngai kha ala ha a,Parachute hrui hian alo in awk hlum nih chu ,thli athaw deuh bawk nen a chhem thên deuh lehnghala,a mit chuan min melh rû a,alêi lah chu vei zawngin a seh tut bawk..ka ráp lutuk....

A hmel râpawm dan chu'h rang mang khengin vawkin chung ațang chuan ka chhuka phone light pawh hmang tawh lo in ka tlan chho nghal...

Chhanhima te in kawt ka chhuak chho tur chiah  ka hnungah min pawttu an awm chiang ka hawi lêt chiah chu, URina chuan hnai setsawtah min lo melh a,rak țhawt pahin ka theihtawpa chakin ka tlan ta tehreng a nih kha...

Ti em em hian ka tlanchak tih ka lo hrelo reng reng,Bawihpuia'n minlo pawt dinga  'tinge a,i haw dawn mi i va hmanhmawh ve' arawn ti zui, thaw halh halh pahin ka awmna lai kan enchiang chu..Mithi in bul zunin panna kawngpui ka lo thleng reng tawh lo ni in,Mak tih hmel deuh hian minlo en țhap zui ka zak ve chem chem nula pumpa baklêka han tlânchiam chu zialo ka ti viau,Bawihpuia chuan ka chhanna ala nghak reng tih ka hre thuta,

"Nia inah chhuk ka tuma" ka ti ta ringawt anih kha..

"kan chhukrual dawnnia ka zawng nasa lutuk che,luh an phal silova i haw daih maw ka ti hman lawm" atia

Kan in lam panin kan chhuk ta ringawta engmah ka sawi ngam teuhlo,min zawt zui tawh bik lemlo..

kan inah lutin thingpui kan ina,tlaivar ngai dawn bawk si,rilru anuamlo duh hle mai, ka hlau lutuk khan ka ngaihruat mai mai nih te ka ring deuha Bawihpuia lah hian min en leh vung vung zela ngaih ațha fahran lo..

Ka rooma ka lut te chu ka ngaih angam thei hlawllo ka tiril hi a khur dar dar renga, Rina hmel kha ka mitthla ah alang zel leh nghala ahmel nunna nei tawhlo tih hriat fahrana dâng lap te,a mitmeng kur leh a lêi seh tut kha arawn lang zel mai, ka lo en ta kher kher kha aw....

Bawihpuia nen mithi inlam pan chuan kan chho leh a,Police pawh anlo thleng fela an lathla tawh niawm tak ani.
keini pawh inchhungah lutin țhuthmun kan rem ve a,tumah țap an awmlo reng reng anupui pawh ațap chuanglo athihdan hian min țhawng hlawm ém a,ka hawikuala mi reng reng chu zawite te in an phun sep sep a,aruang an endik meka,khumah anla rawn mut lemlo,kan țhutna ațang hian khum chu chiangtakin ahmuh theiha,chuvanga thlang chat ka ni reng ani.

" In dawra kuhva alei pawh pakhat chiah a ei, ala ak vek i kuhva khawr a pai dawn anih kha" Joela'n ala rawn ti zui..rum zetin ka melh vak ringawt..
nuam viau lo..

Țawngri mur mur areh tak țhupah chuan ka hawi chhuaka,aruang chu khumah an rawn daha,puana antuamna chuan a khuh țha zo meuh lo,a kephah chiang takin ka hmu ala bal em em zui,rei en duhlo in ka hawi sawn ta daih a.

A nupui pawh arawn țap ve ta,fa an neihloh avangin a hrehawm duh ngawt in ka ring,U Rina hi pa hmelchhe lemlo tak ani a,kum 33 chauh ala ni ka rinai in a naupang zû a in ve avang hian alang upa zawk mai mai ani.

Aruang chu ka melh leh zeuh zeuh țhina,an hmui an khuh tel tlat avangin amit leh ahnar chiah alanga,engvanga mahni nunna la ta mai nge anih hriat ahar khawp mai engmah thuziak hnut chhiah anei bawk silo,an țhenawm te leh anu leh pa takngial pawn hriat thiam har anti khawp mai,an nupa an inhau khât viau anti lehzela, țhenkhat chuan a rui lung puamin ati anih ang ring ber..chulo chu puhtur avang ve êm ani.

Ka sana bunlai ka enchuan zinglam dar2 alo ri reng tawh,mutchhuakin min zem chiai chiai a,Intih harh tumin pawnah ka chhuaka,

Kuri leh ațhianpa pawhin minlo zui ve nghala,ka lawm rilru hle mai mahni chauha chhuah kha ka huphurh viau mahse hlau anga lan ka duh dêr lo.

Reife pawnah kan dinga,zunin lam ațang chuan min enrengtu awmtlata hriatna ka neia,ngam leh ngamlo chuan ka va hawiphei a zunin bul theihai kungah chuan U Rina chu ahmaa ka hmuh angchiah khan alo inkhai reng a, Minlo melh leh kur anihchu a inthên lep lep lehnghal,ka țawngchhuak theilo,ka kutin ka kâwka Kuri leh ațhianpa Sangpuia pawhin ka kawhna lam chu an en ve nghala,ka hlau lutuk chu vawilehkhatah ka khur chiama engmah ka hre zui tawh lo.....

Ka harh leh hmasak ber chuan ka bulah,Kuri,sangpuia,Joela,Kanu leh pa in minlo țhut huala,ka harh hun anlo nghak țhap mai,Darkar1 vel chu eqngmah hrelo in ka lo awm anih hmel.

Zawite in tui ka lam a,min rawn pe vat ka nu in  "Mate engatinge khatia i awma,tlaivar tum ve loh mai tur i țhiante i ti mang ang lutuk" atih chuan ngawi rengin Kuri ka va melha,alo nui țhaw lehnghal engmah kha anhmu ve lo nih ka ring ta bera,hmu ve se nuihna tur awm hian ka hrelo,mak ka ti rilru viau a, hmuse chuan an sawi chhuak em em ang.. achuvangin ka sawi ri duh bik lo.

" I Bp a hniam lutuka,tlaivar ve chi pawh i nilo i zâwr si " minti tu Sangpuia chu ka melha

Mahni chauha awm ka hreh avangin Kuri chu chho tawhlo turin ka tia ,midang ho chuan min chhoh sana ,kanu leh pa pawh an chho ve nghal daih a.

"Mate minti hamhaih tawp tikhan tinge mi á ang maia i awma,zunin lam i kâwk vu bawk sia" mâwl mintih hmel zetin Kuri chuan atia.

Engmah anhmu ve lo tawp tih ka hre thiam mai,ka hrilh tawp mai dawn mi aw..rilru abuai duh hle mai a dawih ve ropui sia zanah chuan hrilh chi țhakloh nidangah hrilh ka tum ta zawk a.

Hemi zan ațang hian vawikhatmah U Rina te inah ka kal leh tawhlo,hmuh leh hi ka hlau takzet keimah phei chuan khawiahmah ka kal duhlo hrim hrim tuma bulah ka la sawi ngam ta chuang lo..

Kum tamfe aral ta ka theihnghilh thei meuhlo ka  mitthla ah hian arawn lang fo mai...mahse mit lawnga hmuhtheih chuan arwn lang ngai tawhlo..