AWI KAREI !!VAWMBAL KUNGAH

1945 Aug. 15 kum Lal ban a nih kum khan, zing takah kan khawram Mualkil chhaklam ngawdur pui thim khup, pasaltha te pawn, "helam chu vaklo ila a thla muan thlak" an tih lamah keimah in zan 21 riak buhfai nen,silaimu tam tawk nen ka thawkchhuak a. Ka rip ang reng khawp mai..

Tlai thimah ka thleng a. Luite luan rik her herna kam tlema zawl zau deuhah chuan thingding lai behchhanin bukte ka zar sawk sawk a. Ka tihthan tawh tak anih vang chuan buk pawh chu ka zarzo thuai a. Zanlama chhem atan leh chaw chhumnan ka piah luite kam a thing tang tlema zawng chu ka samurai chuan ka va fik zuar zuar a, changel kungte pawh ka sat a.

Kar lovah ka zo thuai a. Tlai chawhmeh atan tiin zanriak vahrit han chiau leh tawk thin lam chu unau hmelhai awm velah chuan kasilai nen ka veh phei ta a..Ka kal zel a, vahrit riahna thingzar hlam hnih awmvela sang buklaih hnuai ah chuan ka tawp chat a. Fim khur leh thawm nei hauh lovinka han bih dek dek a. Rin loh lutuk maiin sakei awm var paw ruai mai hian min rawn zuan ta mai a.

Silaia han tin hman zia zang nitawh heklo le, tukhum vawthuai in leiah chuan ka tlu thuai mai a. Mahni mah pasalthat tawh mahnak laia chutia sakei tih angreng vel mai mai in min rawn zuan chu ka ti a, a awmdan chu ka ten em em mai a. Min la rawn bawh zui leh ta nghal a. Chutia min han bawhbeh reng takah chuan vawi leh khatah ka kut chu ti kak in kan phih chho zawtmai chu, ka phu nawn awn awn mai a ni.

Chu sakei emaw ka tih chu sakei lo lam zawk lo niin. Thingzar buk luih atanga lo tlathla hnah hlai em em mai, paw varvo mai hi alo ni a. Khawthim tawh nen ka sakei hmuh palh hi alo nia. Ka thinrim zak deuh bawk si chu ka thin hi a rim em em mai a. Hnah chu ka rap hrual nawk nawk a, hlado kan chham mai chu. Tlaia chawhmeh atana ka lo hualruk ran ran zanriak vahritte chu an tawmna thingzar atang chuan ral leh lamah an thlawk phei ta phur phur mai a.

Chumi tlai chuan luitea lo awm Ulawng Darpai ngat chu ka hmeh leh ta zawk a. Ngap rep rep tak a ni. Balu ka bar hi ni ringawt..Chuti maia pasaltha rammu dik tak Ulawng ringawt han hmeh chu ka rilru chu ana em em mai a. Hnahthel ro ringawt chu ka rilru ah chuan a awm leh nghal a, ka a mai dawn hian ka hre hman hial a.Tichuan zanriah te ka eikham hnu chuan ka kam ngap thut mai chu luitea thuahfai thuai tumin kapa min rochun ka Elhbun chu ka beng phei thak thak a.

Dik tak chuan kamthuah ringawt tur pawh hian silai hi kenzel ka duh tawh tlat..Chutia luite ka va thleng chu alo nal riau mai a. Hniaksum zet zet chuan ka kalphei zet zet a, vawilehkhatah, awi ka duhlo. Kam ngap em em chung chuan paatek lo awmah chuan ka tleng puat a. Ka kepahnih chu chunglamah ah ka pharkak vak a. Boruakah chuan rinloh lutuk maiin ka silai chu ka hmetpuak a. Buai mangan nen mahni bengbul mai a Elhbun ri han ngaih thlak mai chu ka thin hi a rim em em mai a.

Ka bengling hi ka tukhumah a rawn pawng zawrh hian ka hria a. Chu ai mah a ka huat zawk chu, 'pasaltha dik tak nive si, mahni in rinloh laitea silai han hmehpuah vak chu ka thinrim leh em em mai a.' Bukah chuan ka chho sawk sawk a, ka thawmhnaw chu phelh in meiah chuan ka zar a. A ro har em em leh nghal..Ka nghak ro peih lo chu ka ning nen saruaka sachan chu tumin sazu kawh lauh lauh in Phung leh ram huai sualte tamna ngaw chhung ah chuan ka vaklut ta a.

Hnahthelro lo awmte chu karap ri ruap ruap a. Thingding hmasaber palinaah chuan ka lawn ta vat a..Kekor ka halo nen chutia ka lawn laite chuan ka mawn gkua chu thli in a rawn chhem faifuk ri rut rut a. A kakpuiah chuan rem em em in ka thu ta a.Chutia sa lam hlir ngaihtuaha beng leh mit ka chhitlai chuan ka kap hi engemaw sehna ang hian a thip deuh huam huam mai a. Ka lawnna lamah ka thlan a tla deuh nen. Ka tisa in thing a han nawk chuan thak nasa tak a siam a.

A kakpuiah chuan ka ding a, ka kap chu ka hiat soh soh mai a. Sa lampangpawh a lang tawh lo, kapthak hlir a lang tawh. He ta tang hian kapthak hreawm zia hi a tak ngei a tawng ve tawh nite hian ka inhre deuh a..Chutiang chunga sachan chu thil harsa tak niin ka hre ta. Ka sihdet(torchlight) chu fimkhur takin kan ti eng a. Awikarei, ka lawnna chu Vawmbal thing alo ni a ni alawm mawle..

Hmahmawh takin in thingzar dangah chuan ka pakaiphei zawr a, ABC tipah chuan leiah chuan ka tum ri thuap a, buk lam chu chak em em in Thla eng hnuai ah chuan ka pan ta a..Buk ka thleng, ka kap thak lutuk chu luite ah chuan ka zuanglut nghal a. Mahse a hma aiin a hreawm zawk.

Chutia tuia ka zuanglut chu Vawmbal chuan Tui alo ngeihlo a ni chek a ni ang chu. A hma aiin ka kap chu a thak tawh zawk.Ka hiat ngam tawh si lo. Mei chu nasa takin ka vur alh zuai zuai a. Ka hiat ngam tawh si lo. Meiah chuanhem ila a ziaawm deuh ka ring a. Aug. ni 15 zanlaiah chuan Meipui alh vut vut chu hmachhawnin ka silai nen chuan ka lamhel ta mep mep mai a ni, ropui lem lo khawp mai.