AM I GHOST WHISPERER?KHA NAUPANG KHA

Psychiatric OPD kawta ding chunga,ka piaha pitar upa tawh tak Eye OPD lama chho tur chu ka thlir vang vang a, a bulah chuan a pasal ni awm tak hian tanpui chak tak hian pitar step a chho tur chu bia in,akut vuan turin leh hmanhmawh lo turin, hmangaih leh lainat hmel zet hian a be mawlh mawlh a..Pitar chuan hria niawm pawn alang lo,step ah chuan muangchangin a kal chho det det a, thawk anla leh halh thin chuan step a a chhoh zelna tur chu a hupurh hle in ati hriat zual a,a bula putar chuan tanpui chak hle mahse a thei silo,a chhan chu putar chu mihring ani ve tawhlo a,thlarau mai ani tlat.

Tanpui chu chak sa teh mah ila,putar chuan min tih buai zui ka hlauh avang in,pitar chu ka pui ang nge,kapuilo ang tiin ka in ngaihtuah a, chutih lai tak chuan mipa naupang kum 6 mi vel cher leh dawl dang tak hian,ka kekawra rawn pawh pahin,''ka pu, i pui dawnlo ami,pitar khi a hah hmel e...putarte pawh khi a khawngaihthlak alawm, apui thei chuang dawn siloa''.Phawk zetin,chu naupang chu ka melh kawk a, a bula anu niawm tak chuan,

''Tlangval,hrethiam rawh,thil awmlo hi hmu hian a inhre tlat thin a,a natna vang hi anih ka ring,ilo hrethiam hram dawn nia'' tiin min rawn be vat a.''ka hrethiam alawm ka pi''tih pahin, nau pang biang chu ka piai zeuh a,pitar pui tur chuan ka tlan chho a,pitar kaih pah a ka hawi thlak chuan chu naupang damlohna vanga dång bam leh cher tak chuan,minlo nuih var var a, min chhuan hmel hle a,a nuam veng veng in ka hre hial.

Thil tha tak chu ka ti leh ta,mahse buaina zawng ka neih belh ang.mahse chung ai chuan kha naupang ka hmuh ang hmu thei khan ka rilru aluah zawk mah.Ka chhuk leh hnu chuan naupang te bulah chuan ka dinga ,Psychiatric doctor hmuh tum ve tho anlo ni a,a chhan ber pawh keimah ang anih vang anih ka ring. Naupang chuan min ngai na nghal mai a,mahse ahmuh kha ka hmu ve thei tih erawh hrilh ka tum lemlo.Chumi ni atang chuan naupang chu ka tlawh zing hlea,civil hospital a an awm lai te pawn a khat tawkin kakan thin a,ani pawhin a thil hmuh leh hriat te ka ngaihthlak sak thin avang leh ka tuipui thin avangin min ngaina em em bawk a,ka nihna erawh ka hrilh vengai chuang lo.

Thisen cancer anih avangin a zual chak a,Nazareth hospital ah te,synod hospitalah te pawh a awm in ka tlawh thin,kha naupang ka tluk loh zia kha aw, ka hmuh lai ngei pawha thlarau tanpui a ngah zia kha,kei erawh zawng ka theih chhung chu ka biru anisi a.Vawi 1 pawh hospitala a awmlaiin, mi pakhat damlo hi athi thut mai a,zing lamah pawh serious lutuk lo ani nghe nghe,mahse anupui inbual hlan in alo chatthla ringawt a,a nupui hamhaih leh rilruna luttuk kha,hmuh a hrehawm thlawt ani.

(damdwiin ka thlen hma in alo thi tawh)Ka thian naupang chuan,a natna khum chu harsa ti tak hian athawh san a,chu nu lusun rilru na tak chu akutah va vuan in,a bengbulah chuan thu tawite sawiin a biangah a chuk a,hmuh theihin chu nu hmel chu a danglam,a lung chu a chhe hle mahse a pasal a hmangaih tak khan, engmah sawilo in a kalsan lo.Naupang chu chauh hmel takin akhumah chuan arawn mu leh a,enge ava tih ti a kanlo zawh chuan''pimp,ka hmangaih che, i biang puar peng thin kha ka duh reuh luttuk, vanramahka lo nghak angche''.tih ka va hrilh lawk anih kha,ka pu hnenah khan ka lo intiam tawh sia,tiin min chhanga, amah hmu ve ula a taksa chak tawhloh zia leh tho chhuak thei hmel aput loh zia in hre ve mai tur.

Kum chanve vel chauh he naupang nen kan in hriatna la ni mahse,zan 1 chu dar 8 velah anu'in minlo phone a,a fapa dinhmun that loh thu min hrilh pahin, ka hming alam alam thu min hrilh a, hman hmawh takin damdawiin chu ka pan a,mahse damdawiin gate bulah chuan,nui sen sen hian''a u,min hmu thei tih ka hria lawm'' tiin, ka naupang thian chuan minlo bia a,ka mit sulh hian ka hria,ka lo ngaina hman hlemai.He khawvel ah hian ka mal leh ngawih ngawih dawn anih hi,he naupang bul chiah hi asin ka rilru zawng zawng hah dam taka ka dah zalen thin na kha.

Naupang nen chuan kan in zui chho a,natna tuar tawhlo ani bawk a,a harh phian mai,a khum kan thlenchuan ka thiana taksa chu puan in anlo tuam fel thlap tawh a,a bulah chuan anu leh pa leh a chhungte an tap a,min hmuh phei chuan an lungchhe zual ngei mai.'A u,ka ngai dawn hlemai che, anu te hi ka hmangaih vek ani tih min hrilh sak rawh aw,a pu bulah ka kal tawh dawn a,amah pawh min lam turin arawn thleng tep tawh ang''.

A sawi zawh rual chuan,putar hmeltha tak zahawm vuh mai hi kan bulah a rawn kal a,''mambawih kan kal tawh dawn mi,kan kalna hmun tur chu nuam iti ngawt ang''tih pahin putar chuan min siai sak a,an ralta riai riai a..kha putar tluka huhang ngah kha an vang khawp ang,a awm chhung khan engkim hi a lang fel thlup in ka hria.Kha naupang kha ka la ngai reng mai.... .

Tuna ka nun pumpui thupui nita chu,

''TANPUI THEI TU I NIH CHHUNG CHU TANPUI HREH SUH'' tih ani ta,kha nau pang vang kha ani ka tilo theilo.

Subcribe and enjoy.