KA THLA KA HMU EM NI?

Mizote hian thlachhuakte, damlai thla nei chanchintesawi tur kan nei fo va, hetiang lam tawn hriat sawi tur nei pawh kan tamin ka ring. Tu emaw leng haw ina thlen hmaa a kawngka kik thawm an hriatte, a tawng thawm an hriatte pawh an sawi kan hre fo thin. Tin, damlai thla hmuh theih a in larte pawh sawitur an awm zauh zauh bawk. Hmanah kan thianpa pakhat hi a dam sam lo va, chhunah roomah amah chauhva awmin a mu a, a lo muhil a.

A harh leh chuan thawh tumin a thu chhuak, a mutna lam a’n enlet chu ama taksa ngei mai tui taka la mu a zu hmu a, a hlau ngang mai, “rang deuhvin ka mu thla leh vat,” a tia lawm.Mizo zingah chang ni lovin sap ho leh hnamdang ho pawh hian hetiang lam tawnhriat sawi tur hi an lo neive nasa mai a. Tun tuma ka rawn thailan tur pawh hi hetiang lam a tawnhriat neite zinga mi pakhat, Kelly Melis-i'n ama tawn ngei hetiang lampang forum pakhata ziak ami ani dawn ani. Ka thu rawn post tur hi a hmawr bawkna mumal a awm loh avangin comment-tu comment-na hi a tlipna atan ka rawn hmang nghal law law mai bawk ang e. A thui loh nan kan thuah lut dawn ta nghal mai ila. Ama'n a ziak ang hian ziak chhunzawm ta mai ila........

He thil thlen hun hi ka chiang ta chiah lo va, a nuam lo ve det tih chauh hi ka hriatthiam chhun chu a ni ta mai. Tin, ka thil sawi tur hi thlahrang emaw, hmuithlalampang a ni lem lo va(a hmuh chu ka hmu ve tawh).He ka thil tawn hi a hming han vuah mai tur ka hre lo va, thla chhuak(Out of body experience) a ni ber ang chu. Ka chhiar zauna atanga ka hriat danin hetiang thil hi thil thleng zen zen lo a niin, mi an thih dawn hnaih emaw, thi tepa an awm emaw chauh va thlengthin a ni a, ka chunga a thlen chhan tak erawh ka ngaihtuah thiam mai lo.

Chhiartute’n min han bengvar ula a lawmawm hle ang. Tin, hetiang thil tawn hriat nei tawhte khan han sawi bawk ula ka duhkhawp mai.He thil hi zana ka mut laia thleng a ni a. Chu zan chu a vawt khawp mai a. Minit sawm emaw vel ka mut men kar hnu chuan choka lama in tur engemaw lak tumin ka tho chhuak ta a. Ka rawn let leh lamah chuan inthiarna bula pawhdawh atang chuan blanketsin belh tur ka rawn la phei pah bawk a. Ka rooma kaluha ka thil tawn chuan ani mi ti hrilhhai ta em em ni.Ka roomah chuan ka lut phei a, ka in tur lak chu khumbula dawhkanah chuan ka’n hung tha te te a, blanket chu khumah chuan ka theh thla deuh thuai bawk a. Blanket thehthlak paha khum ka zu en zuk chu keimah ngei mai ka lo la muhil bawrh bawrh lai ka zu hmu a nih chu. A mak ka ti ngang mai.

Ka khum bulah chuan dingin ka muhil lei ngei mai second rei vak lo chu ka thlek deuh vang vang a, a bak chu ka hriat chhunzawm ta lem lo va. A dawt leha ka hriat hmasak ber chu zingah ka harh a, ka khumah pangngai takin ka lo mu a, ama’rawhchu, nizana ka blanket lak phei kha ka lo la sin a nih chu. Mumang mai a nih ringin ka han hlip thla bawk a.

A hnuah ka nuin zan lama mi rawn sintir a nih ringin puan mi lo sintir avang leh ka khum bula intur mi lo chhawp sak avangin lawmthute ka va sawi a, a hrethiam lovin hrilhhai zawk ngei mai!  Tichuan, nizan lama ka thil tawnte chu ka hrilh ta a, Mak kan tidun lutuk ringawt!A hnu atang chuan hetiang lam hi ka tawng ta zeuh zeuh a.Mak ka tih thin em em chu hetianga ka awm hian mihring taksa pangngaiin a khawih a kan thil hriat theih ang chiah chiah tho hian hriatna ka nei lawi si a.

Kan inchhung bungrua reng reng ka han khawih chhin vel hian ka harh pangngai laia ka hriat(feel) dan nen a danglam miah lo nia. He ka chunga thil thleng thin hi mumang mai chu a ni awkawng lo chuan ka hre ve ngei mai. Kar engemaw zat chu awm nuam lo vin min siam a.He thil hi enge a awmzia ni ta ang le? Keima thla ngei ka hmu tihna a ni thei ang em le?(Chhiartute chha nna)

Hetiang thil deuh hi ka thian hnaitak pakhat hian a tawng tawh a. Khatih lai khan kan la naupang ang reng, kum 6 emaw, kum 7 vel emaw lek kan la ni ang. An inah ka va riak a. Zinga kan harhchuan hlauthawng zet hian a mumang min hrilh a, khum atang chuan zanah tho chhuakin tukverh a hawng a, pawnah thenawmte in bul velah a lo va tei kual chiam a. A rawn let leh chuan kan pahniha kan muhil lai chu mi rawn hmu a, a ni pawh chuan a hnu leh a hre chhun zawm lem lo.

Zana kan mut khan tukverh kha kan kalh tih kan chiang si a, kan thawh chuan a lo in hawng daih nia.... A nuam lo ve khawp mai. Tun thlengin kan thiandun chuan kan la dam chu a nia. I thil tawn ang chiah chu ka hrethiam ve chiah lo nain ka thiannu thil tawn atang hian ngaihdan i siam thiam mai ka ring.

Thlachhuak(Out of body experience/ OBE) i nei a nih ka ring, kei pawh kum 10vel bawr ka nih laiin hetiang deuh hi ka tawng tawh a.

Inchung chhohna kailawn bula thutthleng insawi thei ah hian ka thu ar ar a, vawilehkhatah kailawn tawp inchung lamah chuan ka awm deuh thut a, keima taksa ngei thutthleng a la thu chu ka zuk hmu a. Second reilote chhung chauh tiang hian ka awm. Ka taksa a ka zu kir leh chuan ka thaw a hah thelh a lawm le. Kum engemaw zat hnuah chauh a awmzia ka hrethiam ve chuah a, ka hriatthiam hma chu tu hnenah mah ka sawi chhuak lem lo bawk. Kawng lehlamah chuan kha ka thil tawn kha a engemawti nawm lehling phian a, a hlauhawm lem loh bawk a. Mahse i thil tawn ang hi tawngin mahni taksa ngei khuma muin han in hmu mai lai aw! Awi ka rei!

Ka thilchhiar leh ka tawn hriat atanga ka rin dan chuan thlachhuak(OBE) an tih ang hi a nih dawn hi. Hlauh tur a ni lem lo va, tin, thih dawn hnaih emaw chauhva thleng a ni lem lo bawk. Ka rindanin nangmah tak tak i tho chhuakin thil i va tiang a(thil i khawihsawn dan atangin), i rawn let leha ihmuh kha i taksa ni lovin i thla zawk a nih hmel.A nihna takah chuan hlauh tur a awm lem lo va, thil pangngai, duh vang reng ni lo va mihring nunphung athleng ve thin pakhat mai a ni e