KHAWVELA INTELLIGENCE AGENCIES ZINGA THA LEH CHAK BER PAWL CIA TAN N.KOREA RAM ENTHLAK A HARSA HLE! ENGE A CHHAN?

Ram dangte enthlak na lama khawvel a intelligence agencies zinga chak ber pawla ngaih leh hmanrua lam pawh nei tha CIA te meuh pawhin an luhchhuah țhat theih miahlo ram awmchhun chu North Korea hi ani.

Thawhlehni a North Korea in Japan thlawh khuma missile a kahchhuah pawh kha an kahchhuah dawn darkar tlem a awm tihah $80 billion zet sum leh pai hmantur nei US intel ten an hreve chauh ani. Engvang nge  US intel te hian N.Korea enthlak hi an harsat em em chhan ni ta ang?

.

Hun kal tawh thlirin ramdangte enthlakna lakah N.Korea hi a inveng hnehinva inthup thiam hle a, Kum 2011 December thla a North Korea ram hruaitu Kim Jong II a thih pawh khan darkar 50 ral hnu N.Korean TV in a puan hnu chauhah American intelligence agency ten Kim Jong II thih thu kha an hria ani. Kum 2010 khan  American expert  pakhat chu an nuclear siamna hmanrua uranium enrichment plant thar an hmuhtir a, hetiang thil anei tih hi tunhmain  khawvela intel agencies hrang hrang ten an hre ngailo ani.

.

American  Intelligence agencies lama thawk mek leh chawltawh tepawhin ramdang enthlakna ah N.Korea ram enthlak chu target har ber pakhat ani tih an sawi a, an ralthuam dahna leh siamna etc chu tlang hnuai leiverh lei hnuai hlir anih avangin electronic thiamna hrang hrang satellites, internet etc. thiamna hmanga luhchhuah theih an nilo tih an sawi bawk. N.Korea hi khawvel ram zingah enthlak har ber ram anih loh chuan khawvela ram enthlak harsa ber ram zingah a tel ang tiin director of national intelligence, Daniel Coats chuan kumin May thla khan Congress a lo hrilh tawh nghe nghe ani.

.

US intelligence te hian ramdang enthlak nan thil pathum an hmang bera mihring spies, electronic communication lo intercept  leh vansang lam atanga  satellites hmanga enthlakna ani. Mahse heng zawng zawng hian N.Korea ram enthlakna ah awmzia anei tam teh chiamlo ani.

.

The people problem : N.Korea hi thuneihna mimalin a pum hmawmna ram ani a, an ram Supreme Leader Kim Jong-un thuthu anih avangin  a duh chuan chhungkaw members pumpui pawh concentration camp ah a khung vek theihna ram ani a, miten sorkar dodal leh mit tikham thei tur zawnga chet an hlau em em vek a,  N.Korea ram hi Russia leh  China nen khaikhin chuan heng ramte hi chu 'lehkhabu keu sa" ang mai anni tiin former CIA analyst  Bruce Klingner,  chuan N.Korea ram enthlak harsat zia a sawi. N.Korea ah hian  U.S. embassy leh  American business community hrim hrim a awmloh bakah American hrim hrim hi an huain an ringhlel vek a, enthlakna hna thawk turin CIA te pawhin  case officers  tumah an intirlut theilo hrim  hrim niin Klingner chuan a sawi bawk.

S.Korean agents tepawh an buai tho tih sawiin  an tawng dan kalhmang dialect a danglam vang ani a, 'thuruk pawi mawh leh sang tak tak chin hre tura i beih chuan reilote ah rinhlelh ini nghal ang' tiin former CIA analyst Daniel Klingner chuan N.Korea enthlak nana human spies hman a harsat zia a sawi.

.

Internet/electronic communication problem : N.Korea ram enthlak nan hian tunlai thiamna changkang ber hmanrua hmangin National Security Agency ten computers, cell phone leh email te lo chhuiin lo intercepts thin mahsela awmzia a nei thui lemlo hle. A chhan chu N.Korea hi internet hmanga inthlunzawm vek anihloh bakah internet leh cell phone hmang hi mi tlemte an ni a, thuruk pawimawh hetiang ang tanga neih chu a harsa hle niin expert te chuan an sawi.

'Asia ram chhung ram hrang hrang  satellite picture [of Asia] zana i thlir chuan satellites atanga signal hmuh theihloh leh eng awmlohna hmun khat lai dark area a awm ang a, chu chu North ani ang' tiin N.Korea ram enthlakna tana internet/electronic hmanrua hman chu a tangkai nep hle niin Daniel Coats chuan US congress a hrilh bawk.

.

The imagery problem : US hian N.Korea enthlak nan satellites hmangin an sipai leh nuclear chetpui vel dan engemaw chen chu an hrethei ngei a, hetiang hmanga in enthlakna hi"Intelligence, Surveillance and Reconnaissance," (ISR) tih hming an vuah a, Mahse, N.Korea hian hetiang ang thil US thiamna hi an hriat ve miau avangin tlang hnuaia leiverh hrang hrang siamin tan hmun an khawh thunga ISR hmanga chunglam tanga enthlakna pawhin awmze thui tak anei theilo ani.

An nuclear ralthuam leh missile te hi heng leihnuai chunglam atanga hmuh theihloh ah hianban dahtha thei a, an missiles leh launchers te hi zanah chunglam atanga hmuh theihloh laia la chhuakin kah chhuah theih turin puanin chhungah an dah a, ISR hmanga hriat zung zung chu thil harsa tak anih thu David Albright, a nuclear weapons expert and founder of the Washington-based Institute for Science and International Security chuan a sawi.

Daniel Coats pawhin N.Korea enthlak nan hian ISR theihna kan hmang thei tak taklo a, ISR hmanga enthlakna hi  North Koreans ten an hrethiam ve vek a, tlang hnuaia leiverh tamtak siamin chunglam atanga enthlakna lakah an inveng thiam hle niin a sawi ve bawk. Hetiang ang anih avang hian US intelligence agencies te tan N.Korea thuruk hriat hi kawng hrang hrangin a harsa bik hle ani..

Share and subcribes enjoy.