TLANHLUA LEH RAMHUAI

He thil hi kum 1991/1992 vel bawra thil thleng a ni a,a hun lai chuan he khua leh a chhehvel khuaah chuan a lar hle a ni. He thil thlenna hi VANKAL khua, champhai district a ni a. He khua hi khaw lian lo tak a ni a, he thil thlenlai hi chuan motor kawngpui pawhala lut lova, tunah erawh kawng tha vak lo a lut a ni awm e. He kaw mite hian khaw thenawmah chakkhai lain an kal ve renga, chuvang chuan kei pawhin ka lo hriat ve phah a ni.

Lo neia eizawng kan ni a, hlo thlawh tul vanglai tak mai a ni a. Tul a nat em avangin ramriah mai chu ka rilruk ta a. Ka chhungte erawh chu langin feh mai se ka ti a. Ramriah ka tum tukah chuan hma takin ka tho a a tul ang ang ka in dap khawm a. Hna thawhna hman rua, thawmhnaw, mutbu te ka siam mawlh mawlh a. Mahni mai a riak tur ka nih avangin khawhar hnemah tape recor der te ken ka tum bawk a. Tichuan tuk thuan eikham chuan lo lam panin kan chhuak ta a.

Lo kan thlenga rei vak lo kan thut chawlh hnu chuan kan bung tan ta a. Tul a nat avangin chawlh pawh kan chawl meuh lo. Chhun chaw fakin kan chawl zawk a hna pawh chu kan chhun zawm leh nghal a. Tlailam a lo ni a lo sul haw a hun chuan ka chhungte thil hawn tur chawhmehte ka lak pui a, tichuan an ni chu an haw taa kei erawh ka bun chhunzawm leh a. Khua a thim dawn hnai tihah chuan thlam lam chu ka pan ve ta a ni.

Thlam ka thlen chuan eirawng ka bawl chhunzawm nghal a. Ka bawl zawh meuh chuan khua pawh a thim chiang tawh hle. Eng te ka chhi a zanriah ei tur chuan ka inbuatsaih tan a. Chawei ka siam zawh chuan pawnah kut ka va sil a. Thlam chhung ka lut leh chiah chu ka la beisei ngai reng reng loh thil ka tawng ta le!!! Ka chawei tur chu an lo kil khat hung tamai. Panga paruk vel niin ka hria.

Ka ril atam tawh em avangin kei pawh chuan ka kil ve nghal mai bawka. Ka chaw chu an lo bar mawlh mawlh tawh hlawm a. Chaw chu ka bar ve nghal mai bawk a. Vawikhat ka bar hnu chuan ka chaw chu a kha(bitter) ta nghal vek mai a. Han bar luih ngial ka tum pawn a harsa hle a ka thei ngang lo. Ti hi chuan a tha dawn hauh lo tiin haw mai ka rilruk ta a. Haw tur chuan ka insiam ta a. Ka haw lah chu an phal lo bur mai lehnghal a. Engpawh nise haw chu ka tum lui tho tho a.

Haw lo tur chuan min thlem ngat ngat a, a vau ten min vau nasa hle mai a. Mahse haw kha tha zawka ka hriat avangin ka tum lui ta tho a.Kan lo kawngah hian sangha dil hi kan nei ve a, ka haw lui a nih chuan he sangha dilah hiah I tla tho thoang ti te in min vau reng bawk a. Mahse ka haw lui taa.

Chutia ka haw chu ramhuaiho chuan min zui ve ta char char a, kir leh mai turin min thlem reng bawk a. Engngah mah ngai duh lovin ka kal zel bawk a. Sangha dil ka thlen dawn hnaih atang chuan fimkhurlehzualin ka kal a, tlak ka hlauh em avangin bawkvakin ka kal ta ringawt mai a ni.Vanneihthlak takin in chu himdam takin ka thleng thei ta a.

In ka thleng chu ka chhungte chuan ka hawnachhan te min lo zawt a. Mahse engmah ka sawi duh lo a. Ka hmel an en chuan an ngaih a tha ta lo hle mai a, kei pawh chuan ka hrilh ta a. Tui an luma ka han inbual a, ka inbual zawh chuan ka mitmeng an han hmuh chuan an ngaih a tha lo hle mai a. Mu turin min tita a, tichuan ka mu ta a.Chutia ka mu chu ramhuaiho chuan min kalsan hlen tawh turah ka ngai mai a mahse a ni hauh lo.

Ramhuaiho chu rawn kalin min rawn kawm a. Chutia kan inkawm fe hnu chuan ka rilru an hneh ta hle mai a. Ka rilru an hneh hnuah chuan ka mutna atangin min hruai chhuah an tum tan ta a.Hemi hnu hian ka rilru a mumal tawh lova eng vakmah chiangkuangin ka hre ta lo. Ka rawn sawizawm tur pawh hi ka chhungte min hrilh leh dana ni.

Tichuan chhuah puiah min sawm chu zui chhuah ka tum ta a. Ka chhungte chuan min dang zel a. Ramhuai ho chuan min hneh ta hle mai a, kei man a ngaihin ka ngai vawng vawng ta zawk a pawn lam atanga min koh chhuah tumin min au reng bawka. Ka lung a leng em em mai bawk a, ramhuaiho chu kei man zui ka tum ta phet zawk a.

Ramhuaiho chu ka chhungte chuan an hmu ve lem lo. Ramhuaiho chuan min kalsan duh bawk si lo. Zan rei tak thleng min thlemchhuah an tum a, hemi chhung zawng hianka chhungte chuan min dang char char a, a tawp a tawpah chuan ramhuaiho chuan min kalsan ta a ni.

THU BELH: A ramriahna atang khan haw ta lo se engtin nge a awm chhun zawm ang le? Ka rilru a lo awm mai mai chu ramhuaiho khan an hmin hneh hle anga thlam atang khan an hruaichhuak ngei bawk anga. Khawilai kham ko kal har takah emaw khawi lai pukah emaw an hruai anga khawmu chawi kan tih ang hian a bo mai lovang maw? A haw ta khan a nunna a chhan himah ka ngai kei chuan. Amah Tlan hlua hi ala dam a, khaw thenawmah a rawn kal chang pawh hian ka chhungte hi ala rawn tlawh fo a.Mahse he thil han zawh hi chuan a sawi duh ta der lo.

Blog share la subcribes rawhle. Enjoy.