VILLAGE OF THE DEATH

Kan chenna khawvel ah hian thilmak leh dangdai, thilthleng tak tak nisi mahse han awih mai harsa tak hi a tam khawp a. A dik tak chuan khawvela kan lo awm ve ngawt mai te hi thilmak lutuk a ni phawt maia, nunna lo pianchhuah dan ngat phei hi chu a mak chungchuang lutuka vawin ni thleng pawhin khawvelscience thiamna sang ber pawhin suangtuahna leh ngaihruatna bak lo chuan a la chhui thiam lo a nih hi maw!!! Khawvela thilthleng mak leh a chhan chhuichhuah hleih theih loh tam tak zingah Canadian ram, Anjikuni dil bula thingtlang khaw pakhat, "Inuit" khuaa thilthleng pawh hi sawi hmai phal chi a ni awm lo ve. He khuaa mihring cheng zawng zawngte thawklehkhata an bo tak thut dan hi a mak a, Canada rama thil thleng mak ber pawla sawi a ni hial reng a ni.Inuit khua hi, mi thenkhat chuan,"Village Of The Death" tih pawhin an sawi hial thin. A innghahna hmun hi, Angikuni Lake, Kivalliq Region, Nunavut, Canada hmar kila awm a ni a, a huam chin ringawt pawh 197 sq miles a zau…