CATALAN INDENPENDENCE A HNAI EM? SPAIN SORKARIN ELECTION RESULT A CHHAN DAWN?

Spain atanga Catalonian hoten inlak hran tuma independence an puanna chu Spanish PM Mariano Rojoy kaihhruaiin a pawm loh bakah, Constitution Court in a hnawl hnuah Catalan Region Parliament hruaitute thenkhat chu man niin, Catalan President Carles Puigdemont erawh man hlauvin EU Hqrs awmna Brussels ah a tlanchhe daih a, Dec 22 a inthlan an buatsaih thatah Pro-Independence party te chuan seat an la tam ber a, hei hian Spain sorkar lu a tihai hle.

Parliament seat 135 ah pro-independence (Separatist bloc) party te hian seats 70 an la a, Spanish PM Rojoy a party conservative People’s Party-ho erawhin seat 11 zet an hloh a ni. Chutih rualin pro-independence lam hian seat 2 an hloh ve thung bawk.

Catalan President hlui Carles Puigdemont chuan vote thlak dawnin, Catalan mipuite chu vote thlak theih turin leh tun tum inthlan chu inthlan naran lo tak a ni, tiin a ral tlanna hmun atangin a fuih a ni. Result puan hnuah Puigdemont chuan PM Rojoy chu Spain ram chhungah ni lo, EU Hqrs awmna Brussels khawpuiah hmuh a hreh lo tih a puang a ni. PM Rojoy erawh chuan Puigdemont chu a kaihhruai thin party hotute hmu turin thurawn a pe ve thung a, Separatist bloc lam vote belh khawm zawng hi 47.6% chauh a nih vangin, PM Rojoy chuan “Catalan mipui zawng zawng ai an awh zo lo a ni” a ti.

Carles Puigdemont a party-Catalan Citizen Party chuan seat 37 changin, vote tla zawng zawnga 25.4% chauh an hauh pha thung a ni. Spain ram Constitution Article 155 in Catalan independence a rem tilo a ni@

CT Lalrinawma