PITAR BO KAN ZAWNG

Awle a hmasa in he Post lo chhiar tute ah ah hian a chhungte inlo awm ve anih chuan lo ngai haw lo hram turin ka ngen che u a amah hriatrengna ang zawnga min lo ngaihsak turin ka han ngen a che u.khua leh veng hi chu a ngai ngai in ka dah anga mihring hming erawh hming lem in....

Kum 2012 june thla ania,zantira kan thian ho titi lai chuan an Makpa hi kan zing ah lo kal in "Thanga Nu tlai leng alo la haw lova inbul leh kawm vel hi i dap teh ang u" tiin min rawn pun a kan han insem darh a kan zawng ta sang sang a kan hmuh loh avangin an In lamah kan kalkhawm a ro hran an han rel a kan han thual leh a hmuh tur a awm chuan si loh avangin an in lam ah bawk kan kal khawm leh chutah khawtlang pun in YMA hruaitu ten zau zawk a zawn an han rel zung zung a kan veng pum in kan rinna hmun theuh ah kan zawng leh ta hlawm a hmuh tih erawh kannei chuang lo..

Zan te alo rei zel a kan zawng reng tho a mahni eng (light) neih ang ang kan thawhchhuah pui ta hlawm a rei ngial kan inzawn hnuah pawh kan la hmulo ta fova..an in lam ah bawk kalkhawm leh in thingpui in chawlh kan nei a ro te an rel zel bawk a a chinchang hreawm ang tur kan han inzawt kual a chutih lai chuan kan veng tleirawl pakhat in "thimhlim khan ka dawr kal turin ka hma ah a kal beuh beuh hi ka hmu" tiin a Pa bulah alo sawi a chumi chu kan beisrina awm chhun chu ani ta rih ani..

Tichuan a zawn hna chu kan thawk leh ta sang sang a tleirawl hmuhna kawng chu Rin chhuiin kan han dap leh ta char char a hmuh tih kan nei lova khua pawn min var hnan chho ve zel a Tukthuan eiin kan han haw khawm zawk a ruah lah a sur seng seng mai si..mahse zawn chu kan thulh ta chuang lova..tichuan thuthar kan hre leh ta kan veng thenawm Tumpui helipad road ah (helipad road liam mai hi ramhnuai ani nghal tawh mai) nizan thimhlim khan a kal a nu pakhat in lo hmu in a kalna tur alo zawt a an In ah haw a tum thu a hrilh tih thu te kan han hre leh zel a kan beiseina pawh a sang chho ve ta zel ani..

Nileng in Tumpui veng chu kan han tuam a an veng mipui ten min rawn zawm ve nghal a Hmar veng(kan veng) leh Tumpui mipui ten kan zawng ta char char a hmuh tih kan nei chuang hlei law..ruah lah chu a sur cher cher bawk si kan han haw leh zawk a an In lamah bawk kan lut khawm leh a a zawng bawk a chhuak leh in tumpui ramhnuai chu a darh thei ang berin kan tuam a khuate alo tlai zel a khawchhe bawk nen kar lovah khua alo thim a kan trin khawm leh ta rih ani..

Kan veng gorkhali ho pawn an puithiam an lo rawn a a awmna tak hre lo mahse dam a ala awm thu te alo hrilh a tichuan Aizawl ami Nu pakhat (ahming ka hre ta lo) phone kal tlang in kan han rawn bawk a a then in manipur lam mi phone kaltlang bawkin an rawn a manipur pa chuan "in veng mawng building hlui ah tunah a awm mek" tiin a rawn chhang a kan chhuk thla ta huk a kan veng mawng tunhma a ONGC Building hlui chu kan han dap chhuak vek a hlawhchhamna bak hawn tur kan nei chuang lo...zan lamah tlaivar in kan men pui a ruah lah sur reng mai si rilru ah hian a riak reng a a tu ate pawn kan ngaihtuah em em vek mai a boruak pawh a rit ru hle ani..

A tuk ah chuan a ni hnih nan Tumpui lam bawk chu kan han tuam leh a group 5 ah inthen in kan han zawng leh ta ngat ngat a nichin a ka sawi Aizawl nu kha phone a han bia in ti hian alo chhang a"Tunah hian Thakthing tlang a tang in ka rawn thlir reng che u a in zawng lai pawh ka rawn hmu vek che u tunah khan in bul lawk lawk ah khan amah Hruaitute nen an awm a in thawm a ring deuh a a hruaitu ten an bihruk pui hman zel anih kha amah kha a let in a chak tawh a a mit pawh a sen rum tawh" a rawn ti ta mai a rawlthar deuh ho chu  an phawk hru a alai lum an chuh deuh rap rap hlawm ani..kan han zawng tran leh a thawm dim theih ni hek lo le hmuh tur a awm si loh avangin tumpui veng tuallai rem ah kan chhuak khawm leh ta ani..

Tichuan thuthar kan han hriatbel leh a chu Tumpui nu pakhat zing bazar turin "kan veng kawng phei ah zingkar dar 4 am vel khan pitar pakhat nen kan in tawk a kapi khawnge i kal dawn ka tia a phun bul bul a kei lah ka hman hmawh sia ka kalsan leh ta a" atih thu chu kan hre leh zel a chu nu chu kan han zawt chiang a a pian hmang awm ang a sawi te nen kan mi zawn lai hi a inmil viau mai ani..

A tukah chuan a ni 3 nan Kolasib khaw chhung a YMA BRANCH zawng zawng chu in pun khawm in Mahni veng Tlangau na ah theuh kan inhrilh darh a zawng tur a kan inpuahchah lai takin Tumpui veng a ram kal tur ten an hmuh thu kan hri a kan va tlan phei ta nghal a helipad mual mawng ah amah la turin kan kal a kan hruai haw thei ta ani..Tumpui ramkal tur ten an hmuhna hi Aizawl nu ka han rawn in a a sawina lai bawr vel kha zu han ni tlat pek a!!Tin,mak deuh mai chu 2013 khan kan veng pa pakhat serlui b ah a len deng tur a che sual a hei pawh hi a khaw nawt bak ah kan chheh vel khua ten min pui a kan zawng nasa a Aizawl nu bawk hi kan rawn a "tunah khan tui mawng ah a muhil a a rawn chho hret hret mek a rawn chhuak trep e" alo tia reilote hnuah a rawn lang chhuak lap nia!..

Ama sawi dan in"Khatia ka thiannu te in atanga ka haw chhoh khan kan in peng kha ka hai miah lo eng in nge min mawlh ni..ka kaltlang ta zel a reilote hnuah nula leh tlangval hian min hruai ta char char a hah pawh ka hrelo sa te artui te min ei tir a min zawng tu te pawh kha ka hmu vek che u kan bul lawk lawk ah in lo kal a mahse min hruaitu ten tawng rik an phal lova..chhun ah chuan ramhnuai ah kan awm a zan ah erawh khaw chhung ah kan awm thung" tiin......

Kan zawn lai hian ruah a sur deuh reng a mahse an hmuh hian a thawmhnaw leh amah hi engmah a huh lo a hul vek ani...

Nu pathum leh patling pakhat ram kal tur anni a "kan ram kal tur thui pawh kan la kal hma in Nupui (a fanu hming)tiin kawng chhak atang hian min rawn au va kan han ngaithla chiang a kawng chhak hnim pik kar ah kan han sam chawp a kan va hmu ta mai ani"tiin..he alo awmna hi thalai tan pawh kal harsa kawng mumal awmlo leh hnimpik kar ania pitar tan chuan kal theih na ziazang ani lo heta alo awm mai hi mitin mak tih a tling reng ani...

Pitar pakhat chuan A fapa hnen ah"I nu hi ramhuai hruai bo ngei ani..a bo zan khan thim hlim ah ka mu a ka thosi len an rawn keu va hawh i kal ang le an rawn ti sek mai a ka ning lutuk chuan nangni ramhuai ho kalbo rawh u in ninawm tiin kalo hnawt a an beidawng in I Nu hi an rawn hruai ta anih hi" tiin a sawi...

Subcribe and enjoy.