January 2, 2018 ; Hmangaihna dik tak chuan harsatna leh buaina karah pawh a tawp rat a thlenpui țhin. Hei hi hmangaihna dik tak chu a ni. A mipa hi a va fakawm em. Hetiang ang mipa ang hi hmeichhe tam tak te lo suangtuah țhin a nih ngei ka ring.
A mipa hi David a ni a, a bialnu Heather Mosher chuan hnute Cancer vangin damdawi in ah thi lek lek in a awm. Mahsela David hian a bialnu chu thi thei mai a ni tih hre reng chung pawh in a kalsan duh lo a, hmangaihna kut chuan nghet takin a chelh țang țang.
A bialnu Heather Mosher hun tawp dawn lek lek ah hian a tan thil Special tak mai chu buatsaih in damchhunga a nupui ni turin a lo inneihpui. Inneihna hi Hartford a St. Francis Hospital ah neih a ni a, monu hi Wedding Dress nalh tak nen khumah chuan Oxygen pe pah reng chungin David hi “Yes! I Do” a lo tihpui ve a ni.
An inneihni hian an hlim tlang hle a, monu pawh natna khirh tak karah hlim hmel a rawn chhuah. Mahsela an hlimni erawh a rei lo lua deuh a ni. An inneih ațanga darkar 18 hnuah a nupui Heather Mosher chuan a pasal David chu damchhunga hmel inhmu tawh lo turin a lo kalsan zui.
He thu lungchhiatthlak leh hmangaihna diktak chungchang miten an hriat chuan an thinlung a lo khawih hlawm hle bawk. David bialnu/nupui Heather Mosher pawh khan van ațangin hetiang khawpa hmangaihtu leh ngaihsaktu a hun tawp dawn pawha kalsan miahlo tu a neih avang khan vanneih a intih ve ngei a rinawm.
Share and subcribes enjoy.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!