A va dak ve dêk dêk țhin a- LIFETIME MEMBERSHIP A NEI TA

12th January : Muhammed Khaled hi Syria mi niin Turkey a raltlan a ni. Kum 12 mi chauh a ni a, Refugee a nih miau avangin a thawh awm tawk thawkin pheikhawk nawtfaiin kawng sirah a țhu ve țhin.

A hnathawhna panna kawngah chuan Gym changtlung tak a awm a, a kal leh haw pah hian a thlek dûk dûk țhin. Gym a kal a, han in lak fit ve a, a thau chho mek zel pawh tih ziawm ve a chak țhin hle a ni.

Chutianga nitin a thlek fo chu he Gym neitu Engin Dogan hnuaia thawktu pakhat chuan a thla a lo la fuh hlauh mai a, Gym neitupa hian a hmuh chuan a lainatin a khawngaih ta hle a ni. He Gym ah hian Lifetime Member a thlawnin a nih tir ta tawp a ni.

Khaled hi a lawm hle a, heta tang hian taima takin he Gym hi hunbi neiin a kal ta ziah a ni. Engin Dogan chuan "Amah hi hre chiang turin ka hriattir nghal a,kan zawng hmu ta a ni. Keini pawh kan lawm hle a ni" a ti bawk.

             Pic : Muhammed Khaled