London atanga rei lo te a tlan thlen theihna maia awm, English thingtlang khaw reh ang reng tak pakhatah chuan tualchhung loneitu pakhat hian invauna a dawng ta tlat mai. An dai kawngkhar banah chuan beram lu a lo intar a, vauțhaihna lekha "YOU NEXT" tih hi a lo in kilh bet bawk. Chu lehkha chuan a ziaktu chanchin hriat theihna tur tlemte bak a pholang lo. Mahse, awmzia tam tak erawh a nei thung si a ni.
England khawthlang lam tlang inkhawh thla hring dup hmuna khua awm te zingah chuan thingtlang khaw te takte pakhat "Horton" khua hi a awm a. Kawng pui pakhat lek awm dung zuiin a sir tawn tawnah In a awm khawm thup mai a ni. Lo neia eizawng an ni tlang pui. Nun a mawl mang a; an thawm ring viau lo mahse thlamuang takin tual an chai thung a ni.
Kum 1984 favang khan chu khua bengchheng lo tak leh muanawm tak ni thin chu Widden Hill Farm-a thil maksak deuh mai thleng deuh zawm zat chuan a rawn tichhe ta vek a. He farmah hian Kum 44 a upa, Graham Backhouse chu a nupui Magareth leh an fa naupang pahnih te nen an cheng a. Backhouse hian he farm hi a pa hnen atanga kum 1979 khan a rochun a ni. Tunhma lama sam siam thin Backhouse-a hi lo neitu ang chuan sum deh chhuah lamah a hlawhtling lutuk lem lo. Dereck Robinson, an thenawma cheng thin chuan, "Sumdawnna ah duhthlan tur nei lovin farm kha a enkawl a ngai ta a. Farm-a hna han thawh kha a hreh hle tih pawh a lang reng a. Mahse, farm atangin pawisa a thawk chhuak meuh lo tih pawh tlang hriat a ni" tiin a thenawmpa chanchin chu a sawi a ni.
March ni 30, kum 1984 khan Backhouse-a chuan thil hmuh chhuah rap-awm leh thințhawng tak a nei thu a sawi a. Beram lu hi an dai kawngkhar banah a lo intar vu a. A bul lawkah chuan lehkha phek pakhat, kuta ziah vauțhaihna thu " YOU NEXT (A dawtah nang)" tih inziak hi a lo intar bawk a ni. Police-te hnena a hrilh dan chuan tun tum hi vauțhaihna a dawn vawi khatna a ni mai lo va. A hma pawhin Phone call hmangin invauna a lo dawng tawh a. Chumi țum chuan thah an tum niin a sawi a ni. Chumai bakah lehkhathawn hmanga invauna a dawn thu pawh a sawi tel bawk a. Chu lehkha ah chuan "Ka farnu hring nun i tih chhiat sak a, Tenawmpa, ka la khawih ve dawn che" tih lampang hawiin a lo inziak a ni.
Kar 2 pawh a liam hmain chu invauna chu a takin a rawn thleng ta. April ni 9, 1984 khan Margareth Backhouse-i chu khawpui ah mamawh lei turin a kal dawn a. A car-ah khawl lam chian lohna a awm avangin a pasal car khalh chhuah a tum a ni. Car chhungah chuan a han lut a, chabi a han herh chu a puak ta dur mai le. Chutilai tak chuan a pasal chu bawng inah hna thawk a a awm lai a ni a. Radio ring taka a chhuah bawk avangin thil puak ri leh Margarethi'n mangang taka tanpuitu a au thawm te chu a hre pha lo a ni. Margareth-i chu eng tin tin emaw car chhung atang chuan a lo vak chhuak thei hram a. A bul hnaia vei vak ten lo hmuin chhanchhuahin a awm ta a ni.
Bomb chu changkang tak a ni lo nangin a thawk na ang reng hle a. Driver seat hnuai chiahah dah hi a lo ni a. Bomb dik tak a ni chiah lo, shot gun ngen mu leh nitroglycerine inpawlh hi a ni ber a. Thir pipe, inches 2 hawltlang a lian atanga siam a ni. Car chu fuse box leh heater te nen an lo thlunzawm a. Margareth-i chuan hliam na tak tuar mahse vannei thlak takin a dam chhuak hlauh mai. Achhan chu Driver Seat hnuai rinawm taka siam chuan bomb tha chakna kha hnuai lamah a kal tir vang a ni. Tichung chuan Doctorin Margareth Backhouse-i taksa atangin pound 1 vel tura rit ngen mu leh thir them a la/zai chhuak a ni. Chu bomb puak chuan khaw chhung mi te chu a barakhaih tak zet a. Tunah chuan Graham Backhouse ten vauțhaihna an dawn chu fiamthu satliah mai zawng a ni lo tih an pawm ve ta a ni. Invauna phenah chuan thil eng emaw tak chu a awm ngei niin an ring a. Kha bomb kha Graham Backhouse thah nana kam ngei niin an ngai bawk a ni.
Graham Backhouse thih chu tu nge lo duh a, eng e a duh chhan chu ni ta ang?
Car-a bomb puak vanga Margareth Backhouse na taka hliam a tawrh ni takin1
Backhouse farm chuan invauna lehkhathawn an dawng a. Chu lehkha ah chuan
" CAME TYCE
LAST WEEK
BUT THE PIGS
WER ABOUT
SEE YOU SOON" tih a lo inziak a. Kan hmuh ang khian thumal pahnih "TYCE leh WER" te khi ziah sual a ni. "TWICE leh WERE" ni zawk tur awm tak a ni a. Expert-te rindan chuan thumal ziah sual khi chu tum reng vanga ziak sual lui niin an ring a ni. Investigator-te chuan beram lu bula lehkha them hnutchhiah "YOU NEXT" ti inziak pawh chu ngun takin an han zir chiang a. Kutziak thup tum rana ziah invauna lehkha ah chuan hmu chhuah tur an nei meuh lo. Mahse, mupui mit ang maia meng fing Mike Hall, Docement Examiner, Birmingham Forensic Laboratory chuan ngun taka a han zir chuan chu thu ziak ah chuan hnu han chhui zui theina tur hmanrua lo awm chu a hmu ta a ni. Lehkha phekah chuan lehkha kan ziak a kan ziahna phek hnuai chiah a hnuhma lo lang riai riai ang hi awm ze nei lova inthai (Doodle) a hmu a. Lehkha pheka doddle han siam hian a ziahna hmanrua a tha pekna avang khan a phek hnuai chiaha lehkha phek ah pawh khan a chung zawka ziah ang chiah hlimthla a siam ta thin a. Chutiang hlimthla chu Oblique Lighting Technique hmangin fiah takin a hmuh theih a. Light hmanga an han chhun khan hlimthla zawnah khan hlim (shadow) a siam thin a ni. Tichuan chu shadow chu a thla lak theihin a lo awm ta thin a ni.
Police-te chuan Graham Backhouse-a chu amah lo tina duhtu ni thei awm ang tur tawh phawt chu finfiah turin an han ti a. Chu mai bakah tu te nge a hmelma ni a tu te nge a bialnu hlui tih te thlengin an zawt bawk. Backhouse chuan Police-te hnen ah chuan rinhlelh ni thei tur pakhat hrilh a nei a. Chu pa chu David Hutkinson, tunhma a Quarry-a thawk thin a ni. Backhouse sawi dan chuan Hutkinson-a nupui nen tum khat chu an mu dun tawh a ni awm e. Hutkinson-a hian puak thei thil neih theih dinhmunah a din mai bakah Electrician niin motor Wiring lam chu a thiamna bik a ni.
Hutkinson-a chu an han chhui zui a. Kha bomb puah ni tak khan Hutkinson-a chu holiday hmanga ram pawn lama a zin lai tak a lo ni a. Bomb puah hma ni 3/4 hma lamin a lo zin chhuak tawh a ni. Chung an thil hriat te chu a dik ngei a ni tih an finfiah hnu chuan Police-te chuan Graham Backhouse thenawm zinga pakhat Colyn Bedale Taylor chu an chhui bing leh ta a. Ani hi Engineer chawl tawh, kum 2 hmalama car accident-a a fapa Digby Ciles Bedale Taylor thihna vanga depression nasa tak nei a ni a. Bedale Taylor leh Backhouse te hi inhmun lo ram chungchang vanga inhmu thiam lo leh inrem hlei thei lo te an ni. Yard 200 a inhlatin an khawsa a. Chung loneitu tlem te zingah chuan Colyn Bedale Taylora hian ngainat a hlawh hle a. Thing mistiri niin hna tenau leh a rem rem thawk thin mi a ni. Bedale Taylor leh Backhouse te karah Innghirhona awm mahse Police-te chuan Car bomb chungchangah kha chuan an ringhlel lutuk lo va. A inhnamhnawihna chiang kuang tak an hmu mai lo a ni. Chutianga hnu han chhui chhunzawm tur a awm tak loh avang chuan Backhouse chhungkua te chu Bomb puah hnu lawk atangin chhun-zan zawma Police venhimna pek nghal an ni.
Kar khat chhung venhimna an pek hnuin Graham Backhouse-a chuan Police venhimna hnuaia awm reng chu a hne deuh a ni ang dar kar 24 chhung Police ten venhimna an pek chu titawp turin ni 18 April khan a ngen ta a ni. Mahse, an inhnuhdawh hmain Police-te chuan Backhouse-te In leh Police Station thlunzawmin alarm an vuah sak a. Kar hnih a liam chauh tiin alarm chu a ri ta tlat mai le.
Police-ten Backhouse-te farm an rawn thlen chuan thisen leh thihna rap-awm zet mai an rawn hmu a. Thisen te chu chhuatah a lo far nuaih a, thutthleng te pawh a thal remrum a ni. Pindan inkalpawhna tawpa awm leilawn bul thutah chuan Backhouse thenawmpa Colyn Bedale Taylor a chu a lo thal reng mai a. A awmah vawi hnih kah a ni a, a kut dinglam chuan Stanley chemte, a fawnga a hming lamtawi CBT inker awm ngei chu nghet takin a lo hum a. Backhouse-a pawh a hmai leh awmbawra inzaina kak atanga thisen chhuak avangin a lo thi hnuang bawk a ni.
Backhouse-an Police-te a hrilh dan chuan Bedale-a chuan bomb puak avanga hliam tuar, hospitala awm an nu chu eng e a an tiin a lo kan a. Chutia an inkawm mawlh mawlh lai chuan inrinlawkna pawh awm hauh lovin Bedale-a chuan thinrim eng phiarin Backhouse-a chu Stanley chemte nen a bei thut a. A car-a bomb kamtu a nih thu leh a nupui ni lovin Backhouse-a zawk chu a tuartu tur zawk a nih thu a sawi a. A fapa phuba a lak tur thu sawiin a thiltih chu Pathian hnathawh angin a chhal bawk niin a sawi a ni. Chutia an inchai karah chuan Backhouse-a chu pindan inkalpawhna ah a tlan pheiin a shot gun chu a la a, tawlh hnung turin a ngen a. A tawlh hnung duh loh avangin mahni inven nan Bedale Taylor-a chu a kap ta a ni.
Police-te chuan Farm chu tlawhpawh thei lova siamin Forensic Detective-te chu Farm enfiah turin an ko ta a. Forensic Detectives-te chuan ngun takin hnuhma chu an han belchiang a. Thisen far dan; an hmuh phaka awm leh an hmuh thei loh te, chu an ngaihven bik hle a ni.
Sawi tawh ang khan Graham Backhouse-a chuan Bedale Taylor-a khan Stanley chemte hmanga a bei vangin mahni invennan a thah thu a sawi a. A sawi zel dan chuan Bedale-a khan a car-a bomb kha ama kam ngei a ni tih a inpuan thu a sawi tel bawk a ni. Chu mai bakah kha bomb kha a nupui thih nana kam ni lovin amah Backhouse tana kam a ni thu pawh a sawi niin Backhouse-a chuan a sawi bawk. Tichuan, Police-ten Bedale-a in leh lo an han dap chuan bomb puahna nen inkungkaihna nei Evidence an hmu ta a. A in bul rawtah chuan thir pipe an hmu a. Chumi pipe leh bomb puahna hmuna pipe them an chhar chu an han vuah zawm chuan a lo invuahrem thlap mai. Chumi ina a lantir chu kha pipe bomb kha huana pipe atang ngeia siam a ni tih hi. Mahse, Forensic Detective-te chu inbeina hmuna an thil hmuh chuan bangbo leh angaihna hre map lovin a siam a. Pakhatnaah chuan choka chhuata thisen far awm dan chuan thil thlen dan a lantir ngei mai. Mahse chu thil thlen dan leh Backhouse-an thil thlen dan nia a sawi kha a inmil thei tlat lo a ni. Thisen far te chu a bial val raih a. Chutianga chhuata thisen far bial chu inbeina tangin a awm thei lo va, thisen chhuahna pa chu chechang lova dinga a awm chauhin a bialin a far thei a ni. Chunglam atanga chechang lova thisen tih far chauhin a tlaknaah chuan a bialin a awm thei tihna a ni. Mahse, inchai laia thisen far ang chi leh taksa che lai reng atanga thisen far ang chi ah hi chuan thisen far kha a zum tih tih deuh thin a. Mei ang tak a nei thin, chu chuan thisen theh/per hawi zawng kha a entir a. Khawi atangin nge tih leh eng lam hawiin nge a per tih a hriat thei thin a ni. Entirnan, thisen-ah i kut chiah ta la, han vai chhin teh. I kut vei dan hawizawng milin thisen per/far kha a bial ni lovin a sawl zum, mei ang tak neiin a lo awm mai dawn a ni.
Thil felhlel dang a la awm leh ta tlat mai. Backhouse sawi dan chuan choka atangin ama nun chhanhim nan silai la turin pindan inkalpawhna ah a tlan phei a. Mahse, Police-te chuan choka leh silai awmna inkarah chuan thisen far an hmu tlat lo. Choka ah khan nasa takin Backhouse-a thisen kha a far a ni a; eng tin nge choka atanga feet 15 a hla pindan inkalpawhna a a tlanna lai khan thisen far/thloh miah lovin a awm theih?.
Police-te chuan thil dikhlel hmuh an nei leh ta. Backhouse chuan a hmai leh awma zai a nih hnuin Bedale-a kha a kap niin a sawi a. Mahse silai ah chuan a thisen hmuh a ni lo thung. Silai a kah hmain bei kha tawk ni ta se mahni inven nana silai a hmeh puah lai khan a hmai leh kut atanga thisen chhuak te kha silai ah a far/kai ngei tur a ni. Chung thil pawimawh tak chu silai ah chuan a awm lo va. Silai a lak lai leh a kah lai khan a thisen a chhuak lo tihna a ni.
Mitthi Bedale Taylor-a khan Stanley chemte kha a kut dinglamin nghet takin a lo hum a ni kha. Forensic Pathologist chuan chu thil chu thil nih dan phung pangai lo niin a hria a ni. Mi tu emaw chu a awmah vawi hnih kah ni ta se a thi nghal ngei ang a. A kut chu zawi zawiin a inphelh ang a, chemte chu a kut atangin a tla ngei ang. Nghet takin a hum a rinawm lo a ni. Chumai ni lovin Bedale Taylor kut phah dinglam ah chuan thisen a kai nuaih bawk a. Inbei laiin miin chemte hum ta se chemte khan kutphah zawng zawnga thisen kai tur kha a lo dang/hliah tlat dawn a. Chemte in a hliah na chin kutphah ah khan thisen a kai ve dawn lo tihna a ni.
Backhouse awma chemte a zaina hmuamhma awm dan pawh chu inbei lai emaw inchai laia chemte inzai dan hnuhma nen a inmil thei lo bawk. Dan naranin chemte hmangin han vih or zai khan an vih a taksa kha a phu emaw a che emaw a ni ngai a. Eng tin nge mal leh mal inbeina ah koki zawn atanga dul zawn thleng, hmun khatah chauh bahlah miah lova inzaina a awm theih? A dik zan lo a ni.
Chumai bakah dan narana miin chemtea bei an tawh laia an lo inven zawnga hliam an tawrh ang chi (defensive wounds) chu Backhouse-a taksa ah hmuh tur a awm lo bawk. Inven tumna lamah kut emaw kut zungtang ah emaw hliam a awm thin a. Kuta lo indang a nih chuan kut hnung lamah hliam an tuar tlangpui thin a ni. Chutiang chi chu Backhouse-a kutah chuan pakhat mah hmuh tur a awm ve lo a ni.
Tichuan thil pakhat, te thamte, pawimawh em em si a la awm leh ta cheu mai. Police-ten Backhouse-a lehkha chhiarna an han dap chuan note pad an hmu a. Chu note pad zinga phek khatah chuan Doddle bial ang deuh reuha lo inziak hi a lo awm a. Chu Note pad a Doddle lehkha tui leh dai kawngkhara "YOU NEXT" tih ziah kaina lehkha tui chu an inmil a ni. Tichuan, "YOU NEXT" vauna lehkha kha Backhouse-a te Ina note pad an hmuh hmang ngeia ziah a ni tih finfiahna a ni.
Tunah chuan Police-te chuan thil maksak tak tak thlengim Colyn Bedale Taylor rawng taka thualthihna a rawn thlen dan te chu an remkhawm thiam ta a. Kum zawna buh leh bal a a hlawhchham hnuin Graham Backhouse-a chuan tualchhung bank hnenah pawisa £50000 lai a ba a, pawisa a mamawh tak zet a ni. Tichuan Backhouse-a chuan chung a leiba atanga tal chhuah dan tur chu chipchiar takin ruahmanna a siam ta a. A ruahman dan chuan a nupui chu thah a tum a ni. Tichuan ahma lawka a nupui life insurance policy £100000 a a dah belh tak atangin hlawkna a tel dawn a ni. Mahse a nupui thihna chu midang tu emawin an thah ang a lantir a duh ta a. Tichuan invauțhaihna lehkhathawn leh telephone call te chu a phuahchawp a. Ama kut ngeiin "YOU NEXT" tih lehkha them chu a ziak a, beram lu pawh an dai kawngkhar banah chuan a tar ta bawk. Chutichuan a chungah tu emawin thil tha lo tih tum awm angin a lantir ta a ni. Chung ruahmanna a buatsaih hnu chuan a nupui thah dan tur chu a ruahman leh ta a. Ama car driver seat hnuaiah chuan bomb chu a kam ta a. A nupui car ah khawl lam felhlel a awm tih a hriat sa avangin a tukah a nupui chuan ama car a hmang ngei dawn tih pawh a hresa a ni. Mahse, a nupui chu bomb puak atangin a dam khawchhuak ang tih reng a ring pha lo. Beidawng taka awmin Police-in amah chu an ringhlel ang tih hlauin Backhouse chu a chiai ta a. A thil tih hliah khuh nan leh Police-ten amah ringhlel lova a tawrh ai midangin an tawrh zawk theih nan ruahmanna a siam leh ta a. Chumi tana duhthusam mihring chu a thenawmpa Colyn Bedale Taylor-a kha a ni.
Horton thingtlanga chengte chuan Bedale Taylor leh Backhouse te chu inhmun loram chungchangah an inhmuthiam lo tih an hria. Backhouse-a chuan an furniture chungchang sawipui turin Bedale-a chu lengah a sawm a. Bedale-an Backhouse-a sawmna a lo pawm lai chuan a thihna tur thang lam panin a kal mek a ni tih reng a hre pha lo. Bedale Taylor-a chu zahngaihna tel hauh lovin a awmah vawi hnih a kap ta a. Chu inkahna chu mahni inven nana kah ang a a lan theih nan Backhouse-a chuan Stanley chemte fawnga a thenawmpa hming lamtawi a lo kersa tawh hmang chuan ama biang leh awm chu a zai a. A hliam siam chawp atang chuan thisen a luang zawih zawih a. Inchaina a thleng ngei a ni tih lantir nan choka a thutthleng te chu a theh thlu a. Mahse, choka chhuata thisen far pianzia chuan inchaina a thleng lo tih a lantir dawn tih reng a hre pha lo.
Backhouse-a thisen chu Bedale-a kawrah hmuh a ni a, hei hi a chhan chu Bedale-a kuta chemte a dah lai khan a ruang chung zawnah tak a din vang a ni. Chutianga pawi khawihna hmun a sawngbawl zawh hnuin Police-te a call ta a. Let lawk ang. Heng thil thlen hma hian Backhouse-a chuan car-a bomb puak ta siam nana hman pipe a tan bunna lehlam chu Bedale-a in bul hnaiah chuan a dah ru bawk a ni.
Forensic Evidence-ten Backhouse-an thil thlen dan a sawi te kalh zawnga finfiahna a chhawp chhuah hnu chuan Backhouse-a chu a nupui Margareth thah a tum avang leh Colyn Bedale Taylor a thah avangin man a ni ta. Thisen far hmelhmang awm dan mai bakah Backhouse-a note pad a doodle hnu (impression) awm te, Backhouse hmai leh awm a inzaina chungchangah Medical Expert in "Mahni inzaina mai a ni e" ti a ngaihdan a neih te piah lamah Evidence pawimawh tak pakhat dang avangin he Case hi chhuichhuahin a lo awm ta a ni. Chu Evidence chu bomb puah ni a Widden Farm a lehkhathawn rawn thleng kha a ni a. Forensic Detective-te chuan envelop-a incharna glue atang chuan a thawntu blood type hriat theih beiseiin chil a awm em tih hriat chian an duh ta a. Mahse an duh aia tam mah hmuh chhuah an nei ta. Microscope hmanga an han enfiah chuan envelop a lazai them an hmuh chuan Graham Backhouse-a Cardicans kawrlum rawng duk a lazai nen an lo inmil ta chiah a. Chu chuan kha invauțhaihna lehkha kha Backhouse-an amah leh amah a inthawn tih a finfiah ta chiah a ni.
Graham Backhouse-a chuan a tanna Lung in atang pawhin a phiarrukna chu a la chhunzawm ta fan a. A tanpui kal tlangin lehkhathawn a a thawntu hming awm lo chu tualchhung chanchinbu hnenah thawn chhuah a tum a. Lehkhathawn-ah chuan Bedale-a kha Car bomb chungchangah mawhphurtu angin a tarlang a. Mahse, chu lehkhathawn chu thuneituten an lo man chhuak hlauh a. Chumi a Backhouse-a kutziah leh bomb puah ni a Backhouse ten lehkhathawn an dawn a kut ziak te chu an lo inmil leh ta thlap mai bawk a ni.
Ni 16 chhung zet thubuai an chai hnuin kum 1986 khan Backhouse-a chu an puhna zawng zawng thubuai-ah chuan thiam loh chan tir a ni a. Damchhung vawi hnih lung in tang tura hremna pek a ni. Graham Backhouse-a chu kum 1994 khan lung In chhunga cricket a khelh laiin lungphu chawlin a thi ta.
He case in a an ber chu tu emawin midang te pawm zawng tur ang lo taka novel a ziah ang hi a ni a. A chhan nia lang chu "Thudik hi phuahchawp aiin pawm a harsat zawk vang te pawh a ni mahna. Kan sawi lai mek Case hi case dang lakah chuan a chungnung lawr lak a. A chhan chu Forensic Evidence te kha awm lo se chuan Case pawh hi eng ti kawng mahin a awm thei lovang. A lungchhiat thlakna lai ber erawh chu a sual rawng bawl nana pawi sawina nei lo Colyn Bedale Taylor thlanga a that zui ta kha a ni a. Chu chuan verther taka tualthattu ah a chhuah ta a ni.
*****************
England khawthlang lam tlang inkhawh thla hring dup hmuna khua awm te zingah chuan thingtlang khaw te takte pakhat "Horton" khua hi a awm a. Kawng pui pakhat lek awm dung zuiin a sir tawn tawnah In a awm khawm thup mai a ni. Lo neia eizawng an ni tlang pui. Nun a mawl mang a; an thawm ring viau lo mahse thlamuang takin tual an chai thung a ni.
Kum 1984 favang khan chu khua bengchheng lo tak leh muanawm tak ni thin chu Widden Hill Farm-a thil maksak deuh mai thleng deuh zawm zat chuan a rawn tichhe ta vek a. He farmah hian Kum 44 a upa, Graham Backhouse chu a nupui Magareth leh an fa naupang pahnih te nen an cheng a. Backhouse hian he farm hi a pa hnen atanga kum 1979 khan a rochun a ni. Tunhma lama sam siam thin Backhouse-a hi lo neitu ang chuan sum deh chhuah lamah a hlawhtling lutuk lem lo. Dereck Robinson, an thenawma cheng thin chuan, "Sumdawnna ah duhthlan tur nei lovin farm kha a enkawl a ngai ta a. Farm-a hna han thawh kha a hreh hle tih pawh a lang reng a. Mahse, farm atangin pawisa a thawk chhuak meuh lo tih pawh tlang hriat a ni" tiin a thenawmpa chanchin chu a sawi a ni.
March ni 30, kum 1984 khan Backhouse-a chuan thil hmuh chhuah rap-awm leh thințhawng tak a nei thu a sawi a. Beram lu hi an dai kawngkhar banah a lo intar vu a. A bul lawkah chuan lehkha phek pakhat, kuta ziah vauțhaihna thu " YOU NEXT (A dawtah nang)" tih inziak hi a lo intar bawk a ni. Police-te hnena a hrilh dan chuan tun tum hi vauțhaihna a dawn vawi khatna a ni mai lo va. A hma pawhin Phone call hmangin invauna a lo dawng tawh a. Chumi țum chuan thah an tum niin a sawi a ni. Chumai bakah lehkhathawn hmanga invauna a dawn thu pawh a sawi tel bawk a. Chu lehkha ah chuan "Ka farnu hring nun i tih chhiat sak a, Tenawmpa, ka la khawih ve dawn che" tih lampang hawiin a lo inziak a ni.
Kar 2 pawh a liam hmain chu invauna chu a takin a rawn thleng ta. April ni 9, 1984 khan Margareth Backhouse-i chu khawpui ah mamawh lei turin a kal dawn a. A car-ah khawl lam chian lohna a awm avangin a pasal car khalh chhuah a tum a ni. Car chhungah chuan a han lut a, chabi a han herh chu a puak ta dur mai le. Chutilai tak chuan a pasal chu bawng inah hna thawk a a awm lai a ni a. Radio ring taka a chhuah bawk avangin thil puak ri leh Margarethi'n mangang taka tanpuitu a au thawm te chu a hre pha lo a ni. Margareth-i chu eng tin tin emaw car chhung atang chuan a lo vak chhuak thei hram a. A bul hnaia vei vak ten lo hmuin chhanchhuahin a awm ta a ni.
Bomb chu changkang tak a ni lo nangin a thawk na ang reng hle a. Driver seat hnuai chiahah dah hi a lo ni a. Bomb dik tak a ni chiah lo, shot gun ngen mu leh nitroglycerine inpawlh hi a ni ber a. Thir pipe, inches 2 hawltlang a lian atanga siam a ni. Car chu fuse box leh heater te nen an lo thlunzawm a. Margareth-i chuan hliam na tak tuar mahse vannei thlak takin a dam chhuak hlauh mai. Achhan chu Driver Seat hnuai rinawm taka siam chuan bomb tha chakna kha hnuai lamah a kal tir vang a ni. Tichung chuan Doctorin Margareth Backhouse-i taksa atangin pound 1 vel tura rit ngen mu leh thir them a la/zai chhuak a ni. Chu bomb puak chuan khaw chhung mi te chu a barakhaih tak zet a. Tunah chuan Graham Backhouse ten vauțhaihna an dawn chu fiamthu satliah mai zawng a ni lo tih an pawm ve ta a ni. Invauna phenah chuan thil eng emaw tak chu a awm ngei niin an ring a. Kha bomb kha Graham Backhouse thah nana kam ngei niin an ngai bawk a ni.
Graham Backhouse thih chu tu nge lo duh a, eng e a duh chhan chu ni ta ang?
Car-a bomb puak vanga Margareth Backhouse na taka hliam a tawrh ni takin1
Backhouse farm chuan invauna lehkhathawn an dawng a. Chu lehkha ah chuan
" CAME TYCE
LAST WEEK
BUT THE PIGS
WER ABOUT
SEE YOU SOON" tih a lo inziak a. Kan hmuh ang khian thumal pahnih "TYCE leh WER" te khi ziah sual a ni. "TWICE leh WERE" ni zawk tur awm tak a ni a. Expert-te rindan chuan thumal ziah sual khi chu tum reng vanga ziak sual lui niin an ring a ni. Investigator-te chuan beram lu bula lehkha them hnutchhiah "YOU NEXT" ti inziak pawh chu ngun takin an han zir chiang a. Kutziak thup tum rana ziah invauna lehkha ah chuan hmu chhuah tur an nei meuh lo. Mahse, mupui mit ang maia meng fing Mike Hall, Docement Examiner, Birmingham Forensic Laboratory chuan ngun taka a han zir chuan chu thu ziak ah chuan hnu han chhui zui theina tur hmanrua lo awm chu a hmu ta a ni. Lehkha phekah chuan lehkha kan ziak a kan ziahna phek hnuai chiah a hnuhma lo lang riai riai ang hi awm ze nei lova inthai (Doodle) a hmu a. Lehkha pheka doddle han siam hian a ziahna hmanrua a tha pekna avang khan a phek hnuai chiaha lehkha phek ah pawh khan a chung zawka ziah ang chiah hlimthla a siam ta thin a. Chutiang hlimthla chu Oblique Lighting Technique hmangin fiah takin a hmuh theih a. Light hmanga an han chhun khan hlimthla zawnah khan hlim (shadow) a siam thin a ni. Tichuan chu shadow chu a thla lak theihin a lo awm ta thin a ni.
Police-te chuan Graham Backhouse-a chu amah lo tina duhtu ni thei awm ang tur tawh phawt chu finfiah turin an han ti a. Chu mai bakah tu te nge a hmelma ni a tu te nge a bialnu hlui tih te thlengin an zawt bawk. Backhouse chuan Police-te hnen ah chuan rinhlelh ni thei tur pakhat hrilh a nei a. Chu pa chu David Hutkinson, tunhma a Quarry-a thawk thin a ni. Backhouse sawi dan chuan Hutkinson-a nupui nen tum khat chu an mu dun tawh a ni awm e. Hutkinson-a hian puak thei thil neih theih dinhmunah a din mai bakah Electrician niin motor Wiring lam chu a thiamna bik a ni.
Hutkinson-a chu an han chhui zui a. Kha bomb puah ni tak khan Hutkinson-a chu holiday hmanga ram pawn lama a zin lai tak a lo ni a. Bomb puah hma ni 3/4 hma lamin a lo zin chhuak tawh a ni. Chung an thil hriat te chu a dik ngei a ni tih an finfiah hnu chuan Police-te chuan Graham Backhouse thenawm zinga pakhat Colyn Bedale Taylor chu an chhui bing leh ta a. Ani hi Engineer chawl tawh, kum 2 hmalama car accident-a a fapa Digby Ciles Bedale Taylor thihna vanga depression nasa tak nei a ni a. Bedale Taylor leh Backhouse te hi inhmun lo ram chungchang vanga inhmu thiam lo leh inrem hlei thei lo te an ni. Yard 200 a inhlatin an khawsa a. Chung loneitu tlem te zingah chuan Colyn Bedale Taylora hian ngainat a hlawh hle a. Thing mistiri niin hna tenau leh a rem rem thawk thin mi a ni. Bedale Taylor leh Backhouse te karah Innghirhona awm mahse Police-te chuan Car bomb chungchangah kha chuan an ringhlel lutuk lo va. A inhnamhnawihna chiang kuang tak an hmu mai lo a ni. Chutianga hnu han chhui chhunzawm tur a awm tak loh avang chuan Backhouse chhungkua te chu Bomb puah hnu lawk atangin chhun-zan zawma Police venhimna pek nghal an ni.
Kar khat chhung venhimna an pek hnuin Graham Backhouse-a chuan Police venhimna hnuaia awm reng chu a hne deuh a ni ang dar kar 24 chhung Police ten venhimna an pek chu titawp turin ni 18 April khan a ngen ta a ni. Mahse, an inhnuhdawh hmain Police-te chuan Backhouse-te In leh Police Station thlunzawmin alarm an vuah sak a. Kar hnih a liam chauh tiin alarm chu a ri ta tlat mai le.
Police-ten Backhouse-te farm an rawn thlen chuan thisen leh thihna rap-awm zet mai an rawn hmu a. Thisen te chu chhuatah a lo far nuaih a, thutthleng te pawh a thal remrum a ni. Pindan inkalpawhna tawpa awm leilawn bul thutah chuan Backhouse thenawmpa Colyn Bedale Taylor a chu a lo thal reng mai a. A awmah vawi hnih kah a ni a, a kut dinglam chuan Stanley chemte, a fawnga a hming lamtawi CBT inker awm ngei chu nghet takin a lo hum a. Backhouse-a pawh a hmai leh awmbawra inzaina kak atanga thisen chhuak avangin a lo thi hnuang bawk a ni.
Backhouse-an Police-te a hrilh dan chuan Bedale-a chuan bomb puak avanga hliam tuar, hospitala awm an nu chu eng e a an tiin a lo kan a. Chutia an inkawm mawlh mawlh lai chuan inrinlawkna pawh awm hauh lovin Bedale-a chuan thinrim eng phiarin Backhouse-a chu Stanley chemte nen a bei thut a. A car-a bomb kamtu a nih thu leh a nupui ni lovin Backhouse-a zawk chu a tuartu tur zawk a nih thu a sawi a. A fapa phuba a lak tur thu sawiin a thiltih chu Pathian hnathawh angin a chhal bawk niin a sawi a ni. Chutia an inchai karah chuan Backhouse-a chu pindan inkalpawhna ah a tlan pheiin a shot gun chu a la a, tawlh hnung turin a ngen a. A tawlh hnung duh loh avangin mahni inven nan Bedale Taylor-a chu a kap ta a ni.
Police-te chuan Farm chu tlawhpawh thei lova siamin Forensic Detective-te chu Farm enfiah turin an ko ta a. Forensic Detectives-te chuan ngun takin hnuhma chu an han belchiang a. Thisen far dan; an hmuh phaka awm leh an hmuh thei loh te, chu an ngaihven bik hle a ni.
Sawi tawh ang khan Graham Backhouse-a chuan Bedale Taylor-a khan Stanley chemte hmanga a bei vangin mahni invennan a thah thu a sawi a. A sawi zel dan chuan Bedale-a khan a car-a bomb kha ama kam ngei a ni tih a inpuan thu a sawi tel bawk a ni. Chu mai bakah kha bomb kha a nupui thih nana kam ni lovin amah Backhouse tana kam a ni thu pawh a sawi niin Backhouse-a chuan a sawi bawk. Tichuan, Police-ten Bedale-a in leh lo an han dap chuan bomb puahna nen inkungkaihna nei Evidence an hmu ta a. A in bul rawtah chuan thir pipe an hmu a. Chumi pipe leh bomb puahna hmuna pipe them an chhar chu an han vuah zawm chuan a lo invuahrem thlap mai. Chumi ina a lantir chu kha pipe bomb kha huana pipe atang ngeia siam a ni tih hi. Mahse, Forensic Detective-te chu inbeina hmuna an thil hmuh chuan bangbo leh angaihna hre map lovin a siam a. Pakhatnaah chuan choka chhuata thisen far awm dan chuan thil thlen dan a lantir ngei mai. Mahse chu thil thlen dan leh Backhouse-an thil thlen dan nia a sawi kha a inmil thei tlat lo a ni. Thisen far te chu a bial val raih a. Chutianga chhuata thisen far bial chu inbeina tangin a awm thei lo va, thisen chhuahna pa chu chechang lova dinga a awm chauhin a bialin a far thei a ni. Chunglam atanga chechang lova thisen tih far chauhin a tlaknaah chuan a bialin a awm thei tihna a ni. Mahse, inchai laia thisen far ang chi leh taksa che lai reng atanga thisen far ang chi ah hi chuan thisen far kha a zum tih tih deuh thin a. Mei ang tak a nei thin, chu chuan thisen theh/per hawi zawng kha a entir a. Khawi atangin nge tih leh eng lam hawiin nge a per tih a hriat thei thin a ni. Entirnan, thisen-ah i kut chiah ta la, han vai chhin teh. I kut vei dan hawizawng milin thisen per/far kha a bial ni lovin a sawl zum, mei ang tak neiin a lo awm mai dawn a ni.
Thil felhlel dang a la awm leh ta tlat mai. Backhouse sawi dan chuan choka atangin ama nun chhanhim nan silai la turin pindan inkalpawhna ah a tlan phei a. Mahse, Police-te chuan choka leh silai awmna inkarah chuan thisen far an hmu tlat lo. Choka ah khan nasa takin Backhouse-a thisen kha a far a ni a; eng tin nge choka atanga feet 15 a hla pindan inkalpawhna a a tlanna lai khan thisen far/thloh miah lovin a awm theih?.
Police-te chuan thil dikhlel hmuh an nei leh ta. Backhouse chuan a hmai leh awma zai a nih hnuin Bedale-a kha a kap niin a sawi a. Mahse silai ah chuan a thisen hmuh a ni lo thung. Silai a kah hmain bei kha tawk ni ta se mahni inven nana silai a hmeh puah lai khan a hmai leh kut atanga thisen chhuak te kha silai ah a far/kai ngei tur a ni. Chung thil pawimawh tak chu silai ah chuan a awm lo va. Silai a lak lai leh a kah lai khan a thisen a chhuak lo tihna a ni.
Mitthi Bedale Taylor-a khan Stanley chemte kha a kut dinglamin nghet takin a lo hum a ni kha. Forensic Pathologist chuan chu thil chu thil nih dan phung pangai lo niin a hria a ni. Mi tu emaw chu a awmah vawi hnih kah ni ta se a thi nghal ngei ang a. A kut chu zawi zawiin a inphelh ang a, chemte chu a kut atangin a tla ngei ang. Nghet takin a hum a rinawm lo a ni. Chumai ni lovin Bedale Taylor kut phah dinglam ah chuan thisen a kai nuaih bawk a. Inbei laiin miin chemte hum ta se chemte khan kutphah zawng zawnga thisen kai tur kha a lo dang/hliah tlat dawn a. Chemte in a hliah na chin kutphah ah khan thisen a kai ve dawn lo tihna a ni.
Backhouse awma chemte a zaina hmuamhma awm dan pawh chu inbei lai emaw inchai laia chemte inzai dan hnuhma nen a inmil thei lo bawk. Dan naranin chemte hmangin han vih or zai khan an vih a taksa kha a phu emaw a che emaw a ni ngai a. Eng tin nge mal leh mal inbeina ah koki zawn atanga dul zawn thleng, hmun khatah chauh bahlah miah lova inzaina a awm theih? A dik zan lo a ni.
Chumai bakah dan narana miin chemtea bei an tawh laia an lo inven zawnga hliam an tawrh ang chi (defensive wounds) chu Backhouse-a taksa ah hmuh tur a awm lo bawk. Inven tumna lamah kut emaw kut zungtang ah emaw hliam a awm thin a. Kuta lo indang a nih chuan kut hnung lamah hliam an tuar tlangpui thin a ni. Chutiang chi chu Backhouse-a kutah chuan pakhat mah hmuh tur a awm ve lo a ni.
Tichuan thil pakhat, te thamte, pawimawh em em si a la awm leh ta cheu mai. Police-ten Backhouse-a lehkha chhiarna an han dap chuan note pad an hmu a. Chu note pad zinga phek khatah chuan Doddle bial ang deuh reuha lo inziak hi a lo awm a. Chu Note pad a Doddle lehkha tui leh dai kawngkhara "YOU NEXT" tih ziah kaina lehkha tui chu an inmil a ni. Tichuan, "YOU NEXT" vauna lehkha kha Backhouse-a te Ina note pad an hmuh hmang ngeia ziah a ni tih finfiahna a ni.
Tunah chuan Police-te chuan thil maksak tak tak thlengim Colyn Bedale Taylor rawng taka thualthihna a rawn thlen dan te chu an remkhawm thiam ta a. Kum zawna buh leh bal a a hlawhchham hnuin Graham Backhouse-a chuan tualchhung bank hnenah pawisa £50000 lai a ba a, pawisa a mamawh tak zet a ni. Tichuan Backhouse-a chuan chung a leiba atanga tal chhuah dan tur chu chipchiar takin ruahmanna a siam ta a. A ruahman dan chuan a nupui chu thah a tum a ni. Tichuan ahma lawka a nupui life insurance policy £100000 a a dah belh tak atangin hlawkna a tel dawn a ni. Mahse a nupui thihna chu midang tu emawin an thah ang a lantir a duh ta a. Tichuan invauțhaihna lehkhathawn leh telephone call te chu a phuahchawp a. Ama kut ngeiin "YOU NEXT" tih lehkha them chu a ziak a, beram lu pawh an dai kawngkhar banah chuan a tar ta bawk. Chutichuan a chungah tu emawin thil tha lo tih tum awm angin a lantir ta a ni. Chung ruahmanna a buatsaih hnu chuan a nupui thah dan tur chu a ruahman leh ta a. Ama car driver seat hnuaiah chuan bomb chu a kam ta a. A nupui car ah khawl lam felhlel a awm tih a hriat sa avangin a tukah a nupui chuan ama car a hmang ngei dawn tih pawh a hresa a ni. Mahse, a nupui chu bomb puak atangin a dam khawchhuak ang tih reng a ring pha lo. Beidawng taka awmin Police-in amah chu an ringhlel ang tih hlauin Backhouse chu a chiai ta a. A thil tih hliah khuh nan leh Police-ten amah ringhlel lova a tawrh ai midangin an tawrh zawk theih nan ruahmanna a siam leh ta a. Chumi tana duhthusam mihring chu a thenawmpa Colyn Bedale Taylor-a kha a ni.
Horton thingtlanga chengte chuan Bedale Taylor leh Backhouse te chu inhmun loram chungchangah an inhmuthiam lo tih an hria. Backhouse-a chuan an furniture chungchang sawipui turin Bedale-a chu lengah a sawm a. Bedale-an Backhouse-a sawmna a lo pawm lai chuan a thihna tur thang lam panin a kal mek a ni tih reng a hre pha lo. Bedale Taylor-a chu zahngaihna tel hauh lovin a awmah vawi hnih a kap ta a. Chu inkahna chu mahni inven nana kah ang a a lan theih nan Backhouse-a chuan Stanley chemte fawnga a thenawmpa hming lamtawi a lo kersa tawh hmang chuan ama biang leh awm chu a zai a. A hliam siam chawp atang chuan thisen a luang zawih zawih a. Inchaina a thleng ngei a ni tih lantir nan choka a thutthleng te chu a theh thlu a. Mahse, choka chhuata thisen far pianzia chuan inchaina a thleng lo tih a lantir dawn tih reng a hre pha lo.
Backhouse-a thisen chu Bedale-a kawrah hmuh a ni a, hei hi a chhan chu Bedale-a kuta chemte a dah lai khan a ruang chung zawnah tak a din vang a ni. Chutianga pawi khawihna hmun a sawngbawl zawh hnuin Police-te a call ta a. Let lawk ang. Heng thil thlen hma hian Backhouse-a chuan car-a bomb puak ta siam nana hman pipe a tan bunna lehlam chu Bedale-a in bul hnaiah chuan a dah ru bawk a ni.
Forensic Evidence-ten Backhouse-an thil thlen dan a sawi te kalh zawnga finfiahna a chhawp chhuah hnu chuan Backhouse-a chu a nupui Margareth thah a tum avang leh Colyn Bedale Taylor a thah avangin man a ni ta. Thisen far hmelhmang awm dan mai bakah Backhouse-a note pad a doodle hnu (impression) awm te, Backhouse hmai leh awm a inzaina chungchangah Medical Expert in "Mahni inzaina mai a ni e" ti a ngaihdan a neih te piah lamah Evidence pawimawh tak pakhat dang avangin he Case hi chhuichhuahin a lo awm ta a ni. Chu Evidence chu bomb puah ni a Widden Farm a lehkhathawn rawn thleng kha a ni a. Forensic Detective-te chuan envelop-a incharna glue atang chuan a thawntu blood type hriat theih beiseiin chil a awm em tih hriat chian an duh ta a. Mahse an duh aia tam mah hmuh chhuah an nei ta. Microscope hmanga an han enfiah chuan envelop a lazai them an hmuh chuan Graham Backhouse-a Cardicans kawrlum rawng duk a lazai nen an lo inmil ta chiah a. Chu chuan kha invauțhaihna lehkha kha Backhouse-an amah leh amah a inthawn tih a finfiah ta chiah a ni.
Graham Backhouse-a chuan a tanna Lung in atang pawhin a phiarrukna chu a la chhunzawm ta fan a. A tanpui kal tlangin lehkhathawn a a thawntu hming awm lo chu tualchhung chanchinbu hnenah thawn chhuah a tum a. Lehkhathawn-ah chuan Bedale-a kha Car bomb chungchangah mawhphurtu angin a tarlang a. Mahse, chu lehkhathawn chu thuneituten an lo man chhuak hlauh a. Chumi a Backhouse-a kutziah leh bomb puah ni a Backhouse ten lehkhathawn an dawn a kut ziak te chu an lo inmil leh ta thlap mai bawk a ni.
Ni 16 chhung zet thubuai an chai hnuin kum 1986 khan Backhouse-a chu an puhna zawng zawng thubuai-ah chuan thiam loh chan tir a ni a. Damchhung vawi hnih lung in tang tura hremna pek a ni. Graham Backhouse-a chu kum 1994 khan lung In chhunga cricket a khelh laiin lungphu chawlin a thi ta.
He case in a an ber chu tu emawin midang te pawm zawng tur ang lo taka novel a ziah ang hi a ni a. A chhan nia lang chu "Thudik hi phuahchawp aiin pawm a harsat zawk vang te pawh a ni mahna. Kan sawi lai mek Case hi case dang lakah chuan a chungnung lawr lak a. A chhan chu Forensic Evidence te kha awm lo se chuan Case pawh hi eng ti kawng mahin a awm thei lovang. A lungchhiat thlakna lai ber erawh chu a sual rawng bawl nana pawi sawina nei lo Colyn Bedale Taylor thlanga a that zui ta kha a ni a. Chu chuan verther taka tualthattu ah a chhuah ta a ni.
*****************
: THE BLOOD TRAIL){kind=link}
0 Comments
I ngaihdan han thawh ve teh le!