KHA NAUPANG KHA* (Riru akhawih khawp mai)

Nimin chu thil pawimawh ti tura ka chhuak chu, scooty in ka tlanchhuak, Two wheeler pa4 vel chu kan inzui a, ka hmaah an tlan vek a, tumah phurh kan nei lemlo vek a. Veng pakhat ka tlan pel dawn tih ah hian naupang pakhat hian 'minlo phur ve' tiin motor chu alo au lauh lauh a. Tumah ding an awm lo a, naupang zawn ka thlen chuan inthlahrun hmel deuh hian 'minlo phur ve' alo tia, ka tlanpel hman tawh a, mahse nuamlo tihna ka neih avangin ka ding leh a, ''lokal rawh mama'' kan ti chu, naupang kum10 bawr vel, bag puar deuh ak, amah en pawha khawsak nuam tak nilo tih hriat chu nui sun sun pahin alo tlan phei a, hmuh a nuam hle. A kalna turte ka zawt a, ka kalna lamtur tho ania, mahse a duhna hmuntak erawh ka thlengpha hman dawnloh thu ka hrilh a, felfai takin 'awle, kapu' atia. Ka scooty hnungah chuan ka thuttir a, hah tih hriat tur hian athaw hap hap a. ''kapu min ti suh aw, i duleh min u zawk rawh'' kati a, 'awle kapu' ati …