MANGTHA TIH MAI ZAWNG(true story)
JANUARY 6, 2018; Thlahleinga zân a ni a, vân chu a thiang hle mai. Nipui lâi mah ni se, zan boruak dâi leh thiang kâk mai chuan ka biang chu dim tein a rawn chhem heuh heuh a. Ka pindan kawngkharah chuan ka dâk a, vân zaupui maia awmze nei taka inrem arsi, mawi taka pe uar mai chu ka thlir a; thâwk leh khatah dan rual lohvin ka mit atang chuan mittui hi a rawn luang zawih zawih a. Ka thinhnûn chu thal hriam taka vih ang maiin a thîp vawng vawng a, ka tisate chu an khûr a, mit leh benga hmutute tâna hriatthiam theih rual lohvin ka thinlung chu na tuarin a rum vawng vawng a.
Di lenmawi suihlung dumtu,
I kimtlang zawng a mawi ngei e;
Kan thiamthu di zawngte kha
Tawngmang mawl mai em lo ni?
Ni, a mitmeng Bengal tuipui anga paw no ruâi maia min melh chunga, “Bawihte, hringnunah chuan eng pawh kan hmachhawn a thiang a, pai chawn chawna kal a ngaih châng pawh a la awm ang. Mahse, keiin nang ka hmangaihna che leh, nangin kei min hmangaihna hi ‘thu’ maia thiah theih a ni ngai lo vang,” a tih …
About the author
Ka lo lawm a che. He hmunah hian thil tam tak hriat zaunan a min pui tu tur te lawr khawm thin a ni ang.
