WHATSAPP! CLICK HERE TO ACTIVATE! CHUNGCHANG HI.

tunlaiah...You can now activate the new multi color Whatsapp! Click here to activate! http://go2l.ink/1eoq

Tih kan hmu ṭhin.link hi i click chuan tiang hi i hmu ang alem ami ang hian.

WhatsApp in New Colours hi Deceptive Adware Campaign na a ni. CLICK LOH TUR A NI E.

Adware awmzia chu Advertisement hmanga inbumna a ni. WhatsApp group kaltlanga an tum ber chu Virus thehdarh leh WhatsApp hmangtu te min tihbuai a ni.

Adware Campaign dan tlangpui

1. A hmasa berin Adware software (In bum nana an tawkdarh) install turin WhatsApp hmangtu te  an bum a.

 2. Install tura Link an click veleh website diklo  (lem) ah a hruailut nghal a.

3. Software an install veleh virus kai theihna file an mobile ah an luhtir ve nghal ṭhin. Tichuan, pop up advertisement emaw, display message hmangin an duhtawkin an bei ṭhin.

4. WhatsApp kaltlanga Virus thehdarh turin mi hrang hrang hnenah Link file share turin an ti a, victims te chuan engmah hrelovin group hrang hrangah link an thawn darh ta thin a. Midangin  hetiang Link an click apiangin hetiang hian campaign an kalpui ṭhin.

HRIAT TUR PAWIMAWH = WhatsApp official website ah chauh WhatsApp update dik tak a awm avangin hetiang link hrim hrim hi click loh tur a ni e.

ka blog min subcribe sakin min lo share sak ve la, hetiang thu bengvarthlak tak tak te hi i hre zung zung dawnnia, enjoy.