ENGE A CHHAN?? HAN ZAWT THEI I LA AW!!!!

_Thingpui dawr a kan țhut lai chuan tlangval pakhat hi bike in a rawn tlan a, a hmel chu a pawr in a cher hle a abalh hmel em em bawk.... A accident dawn emaw tih turin a kawi zar zar a, mi te chuan an en țhap a.. a mitmeng chu a vaih riai a, a thluak a fimlo ani tih a hriat takzet._


_Dawr pakhat ah chuan a lut a, dawr neitu nu in engmah aba a apek loh tur thu sawi a vin bawrh bawrh chu kan hre pha reng a.. kan bula mi pakhat chuan "he nau hi chu aw... anu leh pa ka ni ang tih ka hlau ngawt mai" tiin a nui huah huah a, a bula patling pui pui chuan khawtlang tana a hnawksak zia te, zal hnak khawpa khawih an châk thu te sawiin an lo tuihnih liam liam a!_


_Chutiang taka mi hmuhsit leh mi tana hnawksak tlangval chu ka rilru ah a awm reng a, zawhna pakhat zawh ka duh ani.. Mi pakhat talin a harsatna hriat tumin an zawt tawh em? tih hi.._


_Nuthlawi inchei parh zet, en reng reng pawh a 'pawlawh' tih hriat ngawih ngawih hian chak taka min kalpel in mi rawn su lawp a..Ka bula kal te chuan "henu ve ziah hi, a rui leh tawh aniang.. a khawloh rah hian a fate ala chawm zui" tiin an phun nak nak a..a inzuar a afa te châwm amaw??Khanu kha a fal a biakna hun nei thei ila,eng ang fakau a harsatna nge a nunah chuan thleng ka zawt duh ani.._


_Mi tu pawh, eng anga sual pawh nise.. an nun chu i nuihzat a i endawng hma in an khawloh chhan chu hriat tum hmasa rawh. Engkim hian chhan a nei a, zung neilo in engmah a țo ngailo. Harsatna namênlo avanga nun beidawng te hian 'khawih hlak' an mamawh lo, Hmangaih a țanpuitu ani an mamawh ni..._


_Biakin chhungah thu țha tak tak kan sawi a, Pathian fakin kan lâm a, a țha e.. mahse heng daikil kâra sual in a phuarbeh mek te hian biakin pulpit a kan sermon te chu an rawn hrepha silo..Thlarau bo vei a mittui tla hluam hluam a kan țawngțai ri te chu an hre pha ve lo.._


_A inkhawm țhin te, 'mi fel' rual zinga hmangaihna thu sawi hre ve phaklo daikâwm a hmangaih ngai te hnuhchhuah hi 'rawngbawlna' ropui ani ve tho lo vem ni,?_

_A inkhawm duhloh chuan inkhawm loh chhan anei ani..A ruih reng chuan ruih duhna chhan a nei ani thei.._

_A fa te chawm nan a ataksa hial a hralh a ngaih chuan harsatna lian tak anei ani thei asin.._


_Hmangaih ngai te hi i hmangaih ang uuuu..!!