Kum 1990 March thla khan kum 22 a upa nula pakhat thattu chuan pawi khawihna hmuna thisen-ah chuan finfiah hlei thei loh hnuhma a hnutchhiah a. Mahse, Forensic Computer Technology thar hmangin chu thisena hnuhma lo awm ațang chuan tual thattu awmna hruai thleng theitu tur Evidence a rawn thliar hrang thei ta a ni.
Virginia a Richmond khua hi history ah pawh chuang pha ve ngat a ni a. Confederacy khawpui hmasa lo ni tawh țhin Richmond khua hian hun liamta nen inzawmna tam tak neiin hmalam hun eng tak a thlir mek bawk a ni. College leh University pa 6 lai awmin lehkha zir turin kumtin țhalai sang rual an kal khawm țhin a.
Kum 22 a upa Dawn Bruce-i hi Virginia Commonwealth University-a zirlai a ni a. He nula hi musician niin Audition hmanga a dilna te pawm a nih hnuin VCU Symphony chu a zawm ve ta a. Symphony-a a cham chhung zawng chuan a tan Symphony chu a awm reng dawn a. Mahse, Dawn-i chuan a tak ramah eng thil chiah nge thleng tih hriat a chak a; a tak ramah chuan eng e a tih theih a eng tianga tih tur nge tih hriat a chak a ni. College a zawh hnuin Dawn-i chuan chhun lamah Phone Operator hna thawkin zan lamah Waitress hna a thawk tel bawk a. Rei tak tak hnathawk chungin mahnia han tal hran vel chu a hlimpui hle thung a ni. Dawn-i hian hlim a thlahlel a, thil engkim leh eng mai pawh a tih theih tawkah a hlim a, a thil tih tum chungchangah midangin eng tin nge an sawi tih ah a buai ve lem lo a ni.
Dawn-i nu Jo Ann Bruce-i chuan ni eng emaw zah liamta ațang khan a fanu Dawn-i hnen ațangin chanchin engmah hriat a nei tak loh avangin Kum 1999, December ni 19 khan a fanu chenna apartment ah chanchin ngaihvenin a va kal ta ngawt mai a. Thisen bual huh hnuanga thiin a fanu chu a va hmu ta a ni. Police lam hrilh hriat an ni a. Ruang laksawn a ni a Evidence kits te seng fel a ni hnu pawhin Investigator-te chuan tual thahna chungchang chu hriat an la nei tlem hle. Uluk taka pawi khawihna hmun a Evidence an zawn ngial hnu pawhin chhinchhiah tlak Evidence tlemte bak an lakhawm meuh lo. Evidence zinga beiseiawm ber chu Dawn-i ruang bula lukham kawra thisen kai an hmuh chu a ni. Hmun khata thisen kai chu fingerprint niin a lang a; mahse a fiah lo hle, mithiam tan pawn a hmuh thei chang chang chauh a ni. Dan naranin hetiang case Evidence tlem bawk si ang hi chu chhuih chhuah a ni ngai meuh lo.
Medical Examiner chuan Dawn-i chu pawngsual leh hurhherhna khawlo tak hmanpui a ni tih lanna Evidence a hmu a, a lungah vih a ni bawk. A lan dan chuan Dawn-i lung a vih a nih hian misual chuan Dawn-i chu khumah a nem bet a, a thisen chu nasa taka chhuakin minute 8 -10 vel bak a dam kher lovang. Chuti karah chuan Dawn-i chu khuaikhem a ni a, thil thlen vel dan chu a duhawm lo tak zet a ni. Prosecutor John R. Alderman chuan,"Ka hmu hmasaka ka ngaihdan chuan pawisawina reng neilo nula chunga misual thil tih hi pawi khawihna rapawm tak a ni a. He nula fel tak chunga thil thleng hi eng ti zawng mahin a dik thei lo. Nula la naupang tak, mahni hnah chauh ngaihtuah leh hmabak eng tak nei a ni a, pasal nei tepawh la hmabak leh fanau te pawh la nei ve ngei tur a ni a. Chutiang mi chu a muhil lai rawng taka bei a ni ta a ni." tiin Dawn-i chunga thil thlen dan vel chu a sawi a ni.
Investigator-te chuan tukverh lo inhawng huau mai ațangin tual thattu chuan inchhungah a lut a ni tih an hmu thiam mai a. Inrawkna a thleng a ni tih finfiahna tur hnuhma hmuh a ni lo va, bungrua engmah khawih chet emaw tih chhiat emaw a awm lo bawk. Chu apartment chhungah chuan pawnlammi (midang) fingerprint hmuh tur a awm lo bawk a ni. Forensic Investigator, Thomas M. Tiller-a chuan,"Kha pawi khawihna hmun ka chhuahsan lai khan ngaihngamna reng ka nei lo, a chhan chu kha in chhungah khan bag lian tak ka hmu a, khuma awm ang chi bed sheet thisen kai hnuang te leh lukham tih vel te chauh a awm a ni." tiin pawi khawihna hmun rapawm tak ni si Evidence tlem te bak hmuh tur a awm lo thu a sawi a ni.
Dawn-i an hmuh hnuhnun ber chu Night Shift-a Witress-a thawhna Tammy's Restaurant-a zan 2 hmalam a an hmuh kha a ni a. A hnahin a zir vang nge Dawn-i hian mi tam tak hmelhriat a nei a, chu chuan rinhlelh ni thei tur tam tak a siam thung a ni. Investigator-te chuan Apartment complex-a cheng Dawn-i thenawm hnaivai a mi te chu an han kawm a. Chung a thenawm te zinga țhenkhat chu a tir ațang reng a rinhlelh kaisa tawhte an ni. A țhenawm chiah a cheng ve pakhat chu pawi khawihnaa inhnamhnawih reng țhin; mirawk, pawngsual tum leh chemte hman thubuai te lo awrh tawh hi a ni a. Chuvang chuan chupa chuan an ringhlelh a hlawh nghal ta pang mai a ni.
Evidence fumfe tak awm lo avangin Investigator-te chuan an case khawih tur chu khawlh dawn hlein an hria a. Tual thahna hmanrua hmuh tur a awm lo va, mita lo hmutu lah an awm hek lo, hnu han chhui zui tur tlemte bak a awm tlat lo a ni. Evidence awm chhun chu mitthi ruang bula lukham kawra thisen kai te mai chu a ni si a. Chuvang chuan Investigation khirh tak chu a ni ngei ang le!.
Dawn Bruce-i khan kangțhelhtu (Firefighter) nih kha a chak hle țhin a. Firefighter I & II pass tawhin Firefighter ah pawh hlawh nei lova thawk turin a lo inpe tawh nghe nghe a ni. Mihlim thei tak a ni a, minute tina hringnun ațanga a theih ang tawka hlimna nei tum tlat mi a ni. Eng tikah emaw chuan chhungkua dinin fanau te pawh a la nei ve ngei ang a. Mahse, chung ang te chu a thleng ngai tawh dawn lo a ni.
Kum 22 a upa Dawn Bruce-i pawngsuala rawng taka thah a nih hnu lawkin John Alderman-a chu he case bik Prosecute tura ruat a ni a. Ani chuan," Mi tu emaw chungah hetiang ang pawi khawihna a lo awmin tlan chhiatsan hleih theih loh tur khawp a thil diklo thleng vanga thinrimna ka nei țhin. Tu emaw diklo taka a chunga thil tih emaw thil dik lo tih nana hman emaw vanga thinrimna ka nei țhin a ni" tiin Dawn-i chunga thil thlengin a run thu a sawi a. Tichuan, Investigator-te chuan an neih chhun Evidence te tham te te ah chuan an insawrbing ta a ni. Forensic Investigator chuan Dawn-i thihpui ber chu a lunga hmun khata vihna chu a ni tih a hmu chhuak a. Lukham kawr chu Henrico County Police-a Forensic Unit-ah an thawn a. Forensic Lab ah chuan Lukham kawra hmun hnihah ngil taka thla (image) innemkai awm an hmu a. Chu thil chu chemte ha (hriam lam) pianzia nen an inmil hle a. Thingzaina ha ang tak a awm tel avangin ramvah chemte tlang ni ngeiin a lang bawk a ni. Chu lukham kawrah vek chuan Dawn-i thisen hmanga figerprint them niawm tak hi a kai bawk a. Mahse lukham kawr puan chu zia nei a nih avangin Fingerprint Analysis han tih chu thil thei lo tluk thawthang a ni. Dik tak chuan chu thla (print) chu hmuh thei chang chang hian a lang thei chauh a ni, mithiamte pawn Ridge kimchang chu an hmuh thei chang chang a ni (Awlsam zawngin; Ridge hi kan kutphah hmalam a, kut zung țang pawh tiamin, inrin kikawi nuaih awm inkalthelh sung mai hi a ni a. Fingerprint kan tih tak pawh hi bungrua a kan kut țang a Ridge awm hlimtla va innemkai ta hi a ni ber. Kut zia kan tih lai ber hi a ni mai ang chu. Sei deuha sawi duah a ngaih vangin tawi thei ang berin ti khian ni phawt mai teh se.). Ridge chu ngun taka an zir chian a ngai a, enlenna hmanga an han zir chianin puan a lazai intah pawh kha a lianin a lo lang ve zel a. Chu chuan Ridge nihna kimchang kha a lo hliah bo ta leh ta țhin a ni. Chutiang a nih vang chuan chu lukham kawr ațang chuan Fingerprint kimchang fumfe tak lak chhuah theih a beiseiawm lo hle a ni.
Pawi khawihna hmunah chuan mipa chi hmuh a ni a. He mipa chi hi Dawn-i chawnah hmuh a ni. Serology Test an han tih chuan tual thattu chuan Type A thisen a nei tih finfiah a ni. Chumi hmang chuan Dawn-i bialpa leh a thenawma cheng pawngsual leh ruk ruk vanga tang, Parole-a chhuak lailawk mek te chu rinhlelh zing ațangin an hnawl thei ta a, a chhan chu an pahnih hian blood type dang an neih vang a ni. Dawn-i hian thenawm dang a nei a, a hming chu Robert Knight-a a ni a. Hepa hi a hmain ruihlo kawl vanga man tawk tawh a ni a. Robert Knight-a hian a hmuh remchan apiangin Dawn-i hi a lo chawnchhai fo tawh țhin a. Car a sil lai te, Car ațanga inchhung lama a lut tur te chu eng tin tin emaw țawng mei nei takin a lo chhawn chhaih tawh țhin a. A țawngkam hman te chu zahmawh rawngkai tia ngaihbel thei tur te a ni bawk. Tichuan hepa pawh hi an mi rinhlelh zingah a tel ve ta a. Pawi khawihna hmuna mipa chi a blood type milin Robert Knight-a pawh hian Type A thisen a nei a. Mahse, tual thahna thlen zan khan hmun dang daih a awm angin a inchhal a ni. Pawi khawihna thlen zan khan a bialnu bulah awm angin a insawi a. Tin, lukham kawra fingerprint leh a hmaa man a nih laia Robert Knight-a fingerprint record awmsa chu inmil thlapin a lang thei lo bawk.
Lukham kawra fingerprint kai chu a hun laia an hriat ang ang sawngbawlna hmanga lak chhuah tumin theih tawpin an bei a, thlalak dan pangai hmang te a thla la in fingerprint chu an han khaikhin a. Mahse, chung thiamna an neih te chu duhthusam a tling lo va, thliar hran theih khawpin fingerprint chu an nei thei lo a ni. Lukham kawra finerprint lak chhuah a ni theih nan Scientist-te chuan bawlhlo chi hrang hrang hmangin an han bei a. Mahse, Fingerprint an tihlen apiangin lukam kawra lazai pawh chu an tilian tel ve zel a. Investigator-te chu tual thah tuka Fingerprint finfiah an tum laia an dinhmun ai khan hma an sawn thei meuh lo. Fingerprint chu chiang taka an Evidence hmuh leh kawl a ni a, mahse lukham kawrah lazai chhana thisena innemkai a ni a, lazai chhana awm a nih vangin enfiah hlei theih lovin a awm a. Tuman a tih ngaihna vak an hre lo a ni ber mai. Eng emaw hmangin chu fingerprint chu enfiah theih turin han siam theih ta se chuan DNA ang thawthanga hnuchhuinaa țhil tangkai em em tur a ni ngei ang. Chutiang a nih lai chuan Investigator-te chuan hmasawnna an nei thei ta a.
Kum tin hian Virginia State Fingerprint Examiners' Conference a awm thin a, Virginia-a Latentprint Examiner zawng zawngin chu Conference chu an chhim ťhin a ni. He Conference hi training leh seminar ang deuh a kalpui a ni a. Chumi țum chuan thlalakna siamtu company pakhat hian an thlalakna khawl an rawn pho chhuak a. Chu khawl chu forensic case ah an la hman ngai lo thil a ni. Chu khawl hmang chuan thla (image) tihlen dan entir a ni a.
Police-te chuan an case khawih lai mekah khan lukham kawra Fingerprint lang riai riai bak evidence dang an nei loh avangin chu Technique thar chu enchhin turin thuthlukna an siam ta a. Chu thil thar chu "Image Enhancement Technology" tia vuah a ni a. He Image Enhencement hian lukham kawra lazai intah ang chi "zia" thliar hran nan Computer a hmang a. Zia (pattern) chu vawi khat finfiah a ni tawh chuan thla (image) atangin chu zia chu an paihbo ta a, tichuan fingerprint-a ridge pattern chauh kha thlalak ah chuan a lo chambang ta a ni. Dar kar 10 zet an buaipui hnuin lazai intah "zia" chu paihbo niin tual thattu kung zungpui thla (thumb print) chu fiah takin a rawn lang chhuak thei ta a ni.
Investigator-te chuan Dawn Bruce-i tual thihna chhui chhuak turin lukham kawra fingerprint awm chu tu fingerprint nge tih an finfiah ngei a ngai tih an hria. Rinhlelh tam tak thu zawh fiah an ni a. He case-a rinhlelh pui ber chu Dawn-i thenawm zinga mi Robert Knight-a a ni a, he pa hi ruihlo khawih ve țhin a ni. Knight-a chuan tual thahna thlen zan khan hmun dang daihah awm angin a insawi a. Tual thahna thlen zan khan a bialnu bulah khawsa angin a insawi a ni. A bialnu an han zawh chian chuan khami zan khan Knight-a kha zan khuain a bulah a awm lo thu a sawi a. Tual thahna kha inrinni zinglam dar 3 leh dar 4 inkar vela thleng anga chhut a ni a. A bialnu chuan chung hun lai vel chuan Knight-a chu a bulah a awm lo tiin a sawi a ni. Lukham kawra awm fingerprint nena khaikhin thei turin record-a awmsa Robert Knight-a fingerprint ah chuan ridge kimchang takin a lang lo va. Knight-a chuan a vawi hnih nan amah duh thu ngeiin a fingerprint chu a laktir a. Mahse, chutah pawh chuan khaikhin thei turin ridge kimchang tak a lang thei tlat lo.
Knight-a bul hnaia Investigator-te an awm apiangin Knight-a chuan anni chu a hlat leh deuh thin ni hian a lang a, investigator-te chu a puihbawm that lo mai bakah police-te chu amah zarbuai duh hrim hrim ah a puh hlawm a. A mizia pawh a inthlak danglam ta hle a, amah hnaiha an awm a duh vak tawh lo a ni. Chutiang a nih vang chuan Prosecutor-te chu dinhmun khirh taka an ding ta a. Fingerprint chu Knight-a fingerprint ngei a ni tih an finfiah theih loh chuan Defence Attorney lam chuan thubuai ngaihtuah hunah Prosecution-te hnial kalh nan țanchhanah an hmang ngei dawn a. "Tu fingerprint nge ni ngai? Tu fingerprint nge tih kan va hre lo ve. He fingerprint hi tual thattu fingerprint a ni ngei a Knight-a fingerprint erawh a ni lo, a fingerprint ngei a ni e tih finfiah theih lah a ni hek lo" tiin țan chhanah an hmang thei tlat a ni. Prosecutor-te chuan an hnathawhna bikah chuan zawhna engkim an chhan a an sawi fiah theih a ngai a, chhanna an pek theih loh chuan Defence Attorney chuan inhnialna tihtawp tumin zawhna a zawt sek mai dawn tihna a ni.
Prosecutor lam chuan a chhe ber thleng thei pawh hmachhawn inhuamin hma thar an la ta. An beiseina te chu Technology tharah leh Scientist-ten Fingerprint an khaikhin thiamna ah nghat chungin Dawn Bruce-i tual thihna chungchangah Robert Knight-a chu an man ta a ni. Knight-a man a ni hnu chuan Norman Tiller-a chuan Police-ten Knigh-a fingerprint an nemkai dan chu ngun takin a han bih chiang a. Kut ze thla kimchang taka lak a nih theih nan kut tin sir khat atanga tin sir lehlam thleng rawt chuan kut zungțang chu an han nem vial (roll) ta a. Chutianga an han tih hnu chuan Fingerprint an lak kaina Fingerprint Strip/slip chu ama pisa lamah la pheiin lukham kawra fingerprint leh Knight-a fingerprint chu ngun takin a han khaikhin a. Tiller-a chuan thuthlukna siam hmanhmawh duh lovin muangmarin hna a thawk a. Thla khat zet enfiaha vawi tam tak a ennawn hnuin ni 10, July, 1990 khan Tiller-a chuan a thil zawn chu a hmu ta. Kiltin ațangin finfiahna awm thei te chu a thlir a. An thil tih laiah chuan tihsual a awm loh nan Examiner pakhat dangin a thil tih tawhsa te chu a lo ennawn ve leh zel a. Lukham kawra fingerprint chu kut zungpui veilam thla hi a lo ni a. Chu fingerprint leh Robert Knight-a kut zungpui vei lam sir print te chu an han khaikhin chuan an lo inmil ta chiah mai le. Mahse, harsatna pakhat dang a la awm ta cheu mai. Image Enhancement Technology chu thil thar lam tak a ni a, tun hmain court-ah Evidence angin pawm a la ni ngai lo va. Chuvang chuan Court-ah pawm a ni lovang tih pawh an hlauthawng ru hle reng a ni. Tun hi Court room-a an vawi khat phawrh chhuahna tur a ni a, rintlak a ni ngei em tiin Defence lam chuan an hnial ngei bawk ang. Eng pawh chu nise Prosecutor lam chuan an tum chhin phawt a ngai a ni. Fingerprinting Technology thar ațanga Forensic Evidence chu pawm a ni leh ni loh tur chingfel turin January ni 17, 1991 khan Henrico County Circuit Court-ah hearing neih a ni ta. Defence lam chuan " Fingerprint thla (image) tichingpena tidanglam thei, dik lo taka inbumna Technology mai mai ni e" tiin an hnial a. Mahse Expert chuan Image Enhancement Technology chu rintlak leh rinhlelh tur awm lo khawpa dik a ni tih finfiah turin Court hmaah chuan a takin a han hmuhtir ta a. Hemi țuma Prosecution lam aiawh a ding Expert hi Pamela Ringer-i a ni. A sawi dan chuan mihring mit lawngin rawng chi 16 atanga 32 inkar a thliar hrang thei a. Mahse computer chuan rawng chi 256 a thliar hrang thei thung a ni. Ringer-i chuan Image Enhancement Technology chuan lazai intah "zia" kha a paihbo mai chauh a ni tih a sawi a. Tichuan fingerprint awmna lai bik chu ahma aia dum (thim) zawkin a siam a, ridge leh ridge inkara awl awm, var (eng) kha a tivar belhchhah ta a. He Image Enhancement Technology hian fingerprint kha a khawih danglam lo va, fingerprint kha hmuh theih turin a siam mai zawk a ni tiin a sawi fiah a. "March ni 27 a fingerprint ka lakchhuah tawhsa kha vawiinah pawh hian ka la lachhuak leh thei a, a hma ang bawkin ka la entir thei che u a ni. Ka tih a ngai a ni chuan vawi za chuang pawh a ngai ang chiahin ka lachhuak thei a ni" tiin a thil tih dan chu a sawifiah a. An hmuh lai ngeiin pattern chu lachhuak hmasain puantah zia chu a lachhuak leh a. Fingerprint chu inthlak danglam hauh lovin a ngaitein a awm a ni tih a finfiah a. Fingerprint-a lands leh grooves te chu pakhat mah inthlak danglam lovin a awm a ni. Chu enchhinna hmanga a thil tih chuan judge chu a hmin hle niin a lang. Judge chuan Computer Enhancement-in thisen kai fingerprint chu a thlak danglam thei lo tih chu a pawm a. Dan huangah hman chhunzawm zel turin thuthlukna chu siam a ni ta, Image Enhancement Technology chu Evidence pakhat a tan pawm a ni ta a ni. Mahse, Prosecutor-te chuan thubuai ngaihtuahna an hmachhawn tak tak hmain Fingreprint chauh ni lo thil dang duh belh an la nei ta cheu mai.
Robert Knight-a chu kum 22 a upa Dawn Bruce-i thah chungchangah Capital Murder thubuai siamsak a ni ta. Mahse, Police-te chuan tual thahna hmarua an la nei thei mai lo. Lukham kawr pan taka fingerprint lang thei che che awm chu Court-ah Evidence rintlak a ngaih a ni dawn a; prosecutor-te van neihna chu rawn inher chhuakin tual thahna hmanrua awmna chin pawh an hre chhuak thuai dawn ta.
Tual thahna thlen atanga thla 6 hnuin Apartment hlui taka zana hnathawk Maintenanceman chuan Knight-a bedroom hluia boruak luhna tuamtu hnung lamah chuan thil hmuh chhuah a nei a. A thil hmuh a han enfiah chuan puana tuam ramvah chemte hi a lo ni a. Tichuan chu chemte chu tual thah nana hman a ni leh ni loh finfiah nan Forensic Lab-ah enchhinna mawlmang tak an han ti ta a. 'Photographic Overlays' hmangin chemte pian hmang leh Dawn Bruce-i lukham kawra an hmuh chemte thla ni ngeia lang thla chu an han khaikhin a. An lo inmil ta chiah mai. Evidence hnuhnung ber chu PME an tih laia Dawn-i chawn a an hmuh mipa chi a DNA Testing an tih chu a ni. Chu DNA Testing chuan Robert Knight-a DNA Profile chu rinhlelh tur awm hauh lovin a mil ta chiah bawk.
Prosecutor-te rin dan chuan Dawn Bruce-i kha a hnathawhna ațangin zinglam dar khat velah inah a lo haw a, a mu zui ta nghal a. Zinglam dar 4 velah Robert Knight-a chuan Dawn-i in hmalama awm tukverh chu a va pan a, chemte hmanga kar hawngin tukverh ațang chuan inchhungah chuan a lut a, inchung lam chu thawm dim takin a pan chho ta țhem țhem mai a ni. Dawn-i tui taka lo muhil lai chu a lungah a vit ta hrawih a, thisen chhuak avanga thi mek Dawn-i chu a pawngsual zui ta a. Mahse Knight-a chuan tihsual a nei ta tlat mai. Lukham kawrah chuan Chemte a thisen kai chu a hrufai a, tichuan lukham kawrah chuan chemte thla a hnutchhiah ta a ni. A hnuin Knight-a apartment-a an hmuh chemte leh lukham kawra chemte thla lo awm te chu an inmil a ni tih finfiah a ni ta bawk. Chumai bakah lukham kawrah chuan a fingerprint them te chu a hnutchhiah bawk a, chu chu Computer Technology thar ber hmangin Knight-a fingerprint nen an inmil tih an finfiah leh ta bawk a. April ni 15, 1991 khan Physical Evidence pheh thluk theih mai mai lo tur tam tham zet mai fingerprint inmil te, mitthi taksa a mipa chi a DNA leh Knight-a DNA Profile inmil te leh Knight-a apartment-a chemte hmuh chhuah te chu a hmachhawn dawn tak avangin leh Death Penalty a pumpelh theih nan Defence Attorney-te kal tlangin Robert Knight-a chuan an puhna pali te chu ihe lovin a pawm (guilty plea) ta a. Kum 1991, June ni 18 khan Robert Knight-a chu Dawn Bruce-i thah thubuai leh a kaihhnawih thubuaiah thiam loh chantir a ni a dam chhung vawi 4 tang tura hremna pek a ni. He pawi khawihna hi kum 5 hmalama thleng ni se chuan Robert Knight-a chu mi zalen a ni ngei ang. Harsatna tam tak kara an bei țang țangna te leh modern technology hman avang tein he case hi hlawhtling taka kharin a awm thei ta a. Mahse, Robert Knight-a hian kum 26 a tan thlen hunah Parole-in a chhuak thei dawn a (tunah hian a chhuak tawh hial ang). A pawi khawihna leh hremna a dawn hi inphu lo tak chu a ni.
Forensic Investigator Thomas M. Tiller-a chuan,"Robert Knight-an Death Penalty a dawn loh avangin ka lunghnur khawp mai. Death Penalty kha a phu hliah hliahin ka hria. He Case chhui chhuahna kawngah hian Forensic Science-in dinhmun pawimawh tak a luah a. Case thenkhatte hi chu Evidence pawh ngai mang lovin thu zawhfiahna ațang ringawt pawhin chhui chhuah theih a ni a, he case erawh pawi khawihna hmuna Forensic Evidence te kha awm lo se chhui chhuah theih a ni kher lovang." tiin Forensic Science avang chauha tual thahna kha chhui chhuak thei an ni thu a sawi a ni. Knight-a man a nih hlim khan Circumstantial Evidence chauh kha țan fung an neih a ni mai a. Mahse, a hnuin kum 24 chhunga Forensic Evidence an neih zinga chak leh nghet ber a ni ta thung a ni. Investigator J. M. Dorton thung chuan, "Keima mimal ngaihdan a chiang ta ber chu Robert Knight-a khan Death Penalty kha a phu a a dawng ngei turah ka ngai bawk. Boruak hip theia a awm te, a muthil thei te, nui leh a eiin thei te hi a phu hlawl lo. Eng tik hunah emaw chuan pawn a chhuak leh ang tih pawh ka ring, mahse hun chu a duh ve rei khawp ang. Dikna chu hlen chhuahin a awm ta tih ka hria a, mahse Death Penalty kha a phu hliah hliah a ni." tiin thi tura Knight-a chungthu an relsak ngei kha a lo beisei a ni.
A khar nan Dawn Bruce-i nu Jo Ann Bruce-in a fanu chanchin a sawi hi zep tel lawk ta i la." Ni khat chu ka fanu pakhat zawk nena hringnun awmzia leh chhungkua din tura a inruahmanna te kan sawi dun laiin ka fanu chuan fanau neih a inrin loh thu min hrilh a. A chhan chu Dawn-i ka chan avanga tawrhna ka paltlang te a paltlang ve theih ang em tih a chiang lo a ni. Ti hian ka hrilh ta a, "Dawn-i kha thah a la ni ang tih kha lo hre lawk pawh ni i la Dawn-i ngei kha hrin leh ka duh a ni, a chhan chu kan chhungkua-ah hlimna nasa tak a thlen a; chan hlauh vang maia fanau nei lova awm ngawt a dik ber lo, a chhan chu hring nun hi sawi lawk fak thei a ni ngai lo a ni."
Virginia a Richmond khua hi history ah pawh chuang pha ve ngat a ni a. Confederacy khawpui hmasa lo ni tawh țhin Richmond khua hian hun liamta nen inzawmna tam tak neiin hmalam hun eng tak a thlir mek bawk a ni. College leh University pa 6 lai awmin lehkha zir turin kumtin țhalai sang rual an kal khawm țhin a.
Kum 22 a upa Dawn Bruce-i hi Virginia Commonwealth University-a zirlai a ni a. He nula hi musician niin Audition hmanga a dilna te pawm a nih hnuin VCU Symphony chu a zawm ve ta a. Symphony-a a cham chhung zawng chuan a tan Symphony chu a awm reng dawn a. Mahse, Dawn-i chuan a tak ramah eng thil chiah nge thleng tih hriat a chak a; a tak ramah chuan eng e a tih theih a eng tianga tih tur nge tih hriat a chak a ni. College a zawh hnuin Dawn-i chuan chhun lamah Phone Operator hna thawkin zan lamah Waitress hna a thawk tel bawk a. Rei tak tak hnathawk chungin mahnia han tal hran vel chu a hlimpui hle thung a ni. Dawn-i hian hlim a thlahlel a, thil engkim leh eng mai pawh a tih theih tawkah a hlim a, a thil tih tum chungchangah midangin eng tin nge an sawi tih ah a buai ve lem lo a ni.
Dawn-i nu Jo Ann Bruce-i chuan ni eng emaw zah liamta ațang khan a fanu Dawn-i hnen ațangin chanchin engmah hriat a nei tak loh avangin Kum 1999, December ni 19 khan a fanu chenna apartment ah chanchin ngaihvenin a va kal ta ngawt mai a. Thisen bual huh hnuanga thiin a fanu chu a va hmu ta a ni. Police lam hrilh hriat an ni a. Ruang laksawn a ni a Evidence kits te seng fel a ni hnu pawhin Investigator-te chuan tual thahna chungchang chu hriat an la nei tlem hle. Uluk taka pawi khawihna hmun a Evidence an zawn ngial hnu pawhin chhinchhiah tlak Evidence tlemte bak an lakhawm meuh lo. Evidence zinga beiseiawm ber chu Dawn-i ruang bula lukham kawra thisen kai an hmuh chu a ni. Hmun khata thisen kai chu fingerprint niin a lang a; mahse a fiah lo hle, mithiam tan pawn a hmuh thei chang chang chauh a ni. Dan naranin hetiang case Evidence tlem bawk si ang hi chu chhuih chhuah a ni ngai meuh lo.
Medical Examiner chuan Dawn-i chu pawngsual leh hurhherhna khawlo tak hmanpui a ni tih lanna Evidence a hmu a, a lungah vih a ni bawk. A lan dan chuan Dawn-i lung a vih a nih hian misual chuan Dawn-i chu khumah a nem bet a, a thisen chu nasa taka chhuakin minute 8 -10 vel bak a dam kher lovang. Chuti karah chuan Dawn-i chu khuaikhem a ni a, thil thlen vel dan chu a duhawm lo tak zet a ni. Prosecutor John R. Alderman chuan,"Ka hmu hmasaka ka ngaihdan chuan pawisawina reng neilo nula chunga misual thil tih hi pawi khawihna rapawm tak a ni a. He nula fel tak chunga thil thleng hi eng ti zawng mahin a dik thei lo. Nula la naupang tak, mahni hnah chauh ngaihtuah leh hmabak eng tak nei a ni a, pasal nei tepawh la hmabak leh fanau te pawh la nei ve ngei tur a ni a. Chutiang mi chu a muhil lai rawng taka bei a ni ta a ni." tiin Dawn-i chunga thil thlen dan vel chu a sawi a ni.
Investigator-te chuan tukverh lo inhawng huau mai ațangin tual thattu chuan inchhungah a lut a ni tih an hmu thiam mai a. Inrawkna a thleng a ni tih finfiahna tur hnuhma hmuh a ni lo va, bungrua engmah khawih chet emaw tih chhiat emaw a awm lo bawk. Chu apartment chhungah chuan pawnlammi (midang) fingerprint hmuh tur a awm lo bawk a ni. Forensic Investigator, Thomas M. Tiller-a chuan,"Kha pawi khawihna hmun ka chhuahsan lai khan ngaihngamna reng ka nei lo, a chhan chu kha in chhungah khan bag lian tak ka hmu a, khuma awm ang chi bed sheet thisen kai hnuang te leh lukham tih vel te chauh a awm a ni." tiin pawi khawihna hmun rapawm tak ni si Evidence tlem te bak hmuh tur a awm lo thu a sawi a ni.
Dawn-i an hmuh hnuhnun ber chu Night Shift-a Witress-a thawhna Tammy's Restaurant-a zan 2 hmalam a an hmuh kha a ni a. A hnahin a zir vang nge Dawn-i hian mi tam tak hmelhriat a nei a, chu chuan rinhlelh ni thei tur tam tak a siam thung a ni. Investigator-te chuan Apartment complex-a cheng Dawn-i thenawm hnaivai a mi te chu an han kawm a. Chung a thenawm te zinga țhenkhat chu a tir ațang reng a rinhlelh kaisa tawhte an ni. A țhenawm chiah a cheng ve pakhat chu pawi khawihnaa inhnamhnawih reng țhin; mirawk, pawngsual tum leh chemte hman thubuai te lo awrh tawh hi a ni a. Chuvang chuan chupa chuan an ringhlelh a hlawh nghal ta pang mai a ni.
Evidence fumfe tak awm lo avangin Investigator-te chuan an case khawih tur chu khawlh dawn hlein an hria a. Tual thahna hmanrua hmuh tur a awm lo va, mita lo hmutu lah an awm hek lo, hnu han chhui zui tur tlemte bak a awm tlat lo a ni. Evidence awm chhun chu mitthi ruang bula lukham kawra thisen kai te mai chu a ni si a. Chuvang chuan Investigation khirh tak chu a ni ngei ang le!.
Dawn Bruce-i khan kangțhelhtu (Firefighter) nih kha a chak hle țhin a. Firefighter I & II pass tawhin Firefighter ah pawh hlawh nei lova thawk turin a lo inpe tawh nghe nghe a ni. Mihlim thei tak a ni a, minute tina hringnun ațanga a theih ang tawka hlimna nei tum tlat mi a ni. Eng tikah emaw chuan chhungkua dinin fanau te pawh a la nei ve ngei ang a. Mahse, chung ang te chu a thleng ngai tawh dawn lo a ni.
Kum 22 a upa Dawn Bruce-i pawngsuala rawng taka thah a nih hnu lawkin John Alderman-a chu he case bik Prosecute tura ruat a ni a. Ani chuan," Mi tu emaw chungah hetiang ang pawi khawihna a lo awmin tlan chhiatsan hleih theih loh tur khawp a thil diklo thleng vanga thinrimna ka nei țhin. Tu emaw diklo taka a chunga thil tih emaw thil dik lo tih nana hman emaw vanga thinrimna ka nei țhin a ni" tiin Dawn-i chunga thil thlengin a run thu a sawi a. Tichuan, Investigator-te chuan an neih chhun Evidence te tham te te ah chuan an insawrbing ta a ni. Forensic Investigator chuan Dawn-i thihpui ber chu a lunga hmun khata vihna chu a ni tih a hmu chhuak a. Lukham kawr chu Henrico County Police-a Forensic Unit-ah an thawn a. Forensic Lab ah chuan Lukham kawra hmun hnihah ngil taka thla (image) innemkai awm an hmu a. Chu thil chu chemte ha (hriam lam) pianzia nen an inmil hle a. Thingzaina ha ang tak a awm tel avangin ramvah chemte tlang ni ngeiin a lang bawk a ni. Chu lukham kawrah vek chuan Dawn-i thisen hmanga figerprint them niawm tak hi a kai bawk a. Mahse lukham kawr puan chu zia nei a nih avangin Fingerprint Analysis han tih chu thil thei lo tluk thawthang a ni. Dik tak chuan chu thla (print) chu hmuh thei chang chang hian a lang thei chauh a ni, mithiamte pawn Ridge kimchang chu an hmuh thei chang chang a ni (Awlsam zawngin; Ridge hi kan kutphah hmalam a, kut zung țang pawh tiamin, inrin kikawi nuaih awm inkalthelh sung mai hi a ni a. Fingerprint kan tih tak pawh hi bungrua a kan kut țang a Ridge awm hlimtla va innemkai ta hi a ni ber. Kut zia kan tih lai ber hi a ni mai ang chu. Sei deuha sawi duah a ngaih vangin tawi thei ang berin ti khian ni phawt mai teh se.). Ridge chu ngun taka an zir chian a ngai a, enlenna hmanga an han zir chianin puan a lazai intah pawh kha a lianin a lo lang ve zel a. Chu chuan Ridge nihna kimchang kha a lo hliah bo ta leh ta țhin a ni. Chutiang a nih vang chuan chu lukham kawr ațang chuan Fingerprint kimchang fumfe tak lak chhuah theih a beiseiawm lo hle a ni.
Pawi khawihna hmunah chuan mipa chi hmuh a ni a. He mipa chi hi Dawn-i chawnah hmuh a ni. Serology Test an han tih chuan tual thattu chuan Type A thisen a nei tih finfiah a ni. Chumi hmang chuan Dawn-i bialpa leh a thenawma cheng pawngsual leh ruk ruk vanga tang, Parole-a chhuak lailawk mek te chu rinhlelh zing ațangin an hnawl thei ta a, a chhan chu an pahnih hian blood type dang an neih vang a ni. Dawn-i hian thenawm dang a nei a, a hming chu Robert Knight-a a ni a. Hepa hi a hmain ruihlo kawl vanga man tawk tawh a ni a. Robert Knight-a hian a hmuh remchan apiangin Dawn-i hi a lo chawnchhai fo tawh țhin a. Car a sil lai te, Car ațanga inchhung lama a lut tur te chu eng tin tin emaw țawng mei nei takin a lo chhawn chhaih tawh țhin a. A țawngkam hman te chu zahmawh rawngkai tia ngaihbel thei tur te a ni bawk. Tichuan hepa pawh hi an mi rinhlelh zingah a tel ve ta a. Pawi khawihna hmuna mipa chi a blood type milin Robert Knight-a pawh hian Type A thisen a nei a. Mahse, tual thahna thlen zan khan hmun dang daih a awm angin a inchhal a ni. Pawi khawihna thlen zan khan a bialnu bulah awm angin a insawi a. Tin, lukham kawra fingerprint leh a hmaa man a nih laia Robert Knight-a fingerprint record awmsa chu inmil thlapin a lang thei lo bawk.
Lukham kawra fingerprint kai chu a hun laia an hriat ang ang sawngbawlna hmanga lak chhuah tumin theih tawpin an bei a, thlalak dan pangai hmang te a thla la in fingerprint chu an han khaikhin a. Mahse, chung thiamna an neih te chu duhthusam a tling lo va, thliar hran theih khawpin fingerprint chu an nei thei lo a ni. Lukham kawra finerprint lak chhuah a ni theih nan Scientist-te chuan bawlhlo chi hrang hrang hmangin an han bei a. Mahse, Fingerprint an tihlen apiangin lukam kawra lazai pawh chu an tilian tel ve zel a. Investigator-te chu tual thah tuka Fingerprint finfiah an tum laia an dinhmun ai khan hma an sawn thei meuh lo. Fingerprint chu chiang taka an Evidence hmuh leh kawl a ni a, mahse lukham kawrah lazai chhana thisena innemkai a ni a, lazai chhana awm a nih vangin enfiah hlei theih lovin a awm a. Tuman a tih ngaihna vak an hre lo a ni ber mai. Eng emaw hmangin chu fingerprint chu enfiah theih turin han siam theih ta se chuan DNA ang thawthanga hnuchhuinaa țhil tangkai em em tur a ni ngei ang. Chutiang a nih lai chuan Investigator-te chuan hmasawnna an nei thei ta a.
Kum tin hian Virginia State Fingerprint Examiners' Conference a awm thin a, Virginia-a Latentprint Examiner zawng zawngin chu Conference chu an chhim ťhin a ni. He Conference hi training leh seminar ang deuh a kalpui a ni a. Chumi țum chuan thlalakna siamtu company pakhat hian an thlalakna khawl an rawn pho chhuak a. Chu khawl chu forensic case ah an la hman ngai lo thil a ni. Chu khawl hmang chuan thla (image) tihlen dan entir a ni a.
Police-te chuan an case khawih lai mekah khan lukham kawra Fingerprint lang riai riai bak evidence dang an nei loh avangin chu Technique thar chu enchhin turin thuthlukna an siam ta a. Chu thil thar chu "Image Enhancement Technology" tia vuah a ni a. He Image Enhencement hian lukham kawra lazai intah ang chi "zia" thliar hran nan Computer a hmang a. Zia (pattern) chu vawi khat finfiah a ni tawh chuan thla (image) atangin chu zia chu an paihbo ta a, tichuan fingerprint-a ridge pattern chauh kha thlalak ah chuan a lo chambang ta a ni. Dar kar 10 zet an buaipui hnuin lazai intah "zia" chu paihbo niin tual thattu kung zungpui thla (thumb print) chu fiah takin a rawn lang chhuak thei ta a ni.
Investigator-te chuan Dawn Bruce-i tual thihna chhui chhuak turin lukham kawra fingerprint awm chu tu fingerprint nge tih an finfiah ngei a ngai tih an hria. Rinhlelh tam tak thu zawh fiah an ni a. He case-a rinhlelh pui ber chu Dawn-i thenawm zinga mi Robert Knight-a a ni a, he pa hi ruihlo khawih ve țhin a ni. Knight-a chuan tual thahna thlen zan khan hmun dang daihah awm angin a insawi a. Tual thahna thlen zan khan a bialnu bulah khawsa angin a insawi a ni. A bialnu an han zawh chian chuan khami zan khan Knight-a kha zan khuain a bulah a awm lo thu a sawi a. Tual thahna kha inrinni zinglam dar 3 leh dar 4 inkar vela thleng anga chhut a ni a. A bialnu chuan chung hun lai vel chuan Knight-a chu a bulah a awm lo tiin a sawi a ni. Lukham kawra awm fingerprint nena khaikhin thei turin record-a awmsa Robert Knight-a fingerprint ah chuan ridge kimchang takin a lang lo va. Knight-a chuan a vawi hnih nan amah duh thu ngeiin a fingerprint chu a laktir a. Mahse, chutah pawh chuan khaikhin thei turin ridge kimchang tak a lang thei tlat lo.
Knight-a bul hnaia Investigator-te an awm apiangin Knight-a chuan anni chu a hlat leh deuh thin ni hian a lang a, investigator-te chu a puihbawm that lo mai bakah police-te chu amah zarbuai duh hrim hrim ah a puh hlawm a. A mizia pawh a inthlak danglam ta hle a, amah hnaiha an awm a duh vak tawh lo a ni. Chutiang a nih vang chuan Prosecutor-te chu dinhmun khirh taka an ding ta a. Fingerprint chu Knight-a fingerprint ngei a ni tih an finfiah theih loh chuan Defence Attorney lam chuan thubuai ngaihtuah hunah Prosecution-te hnial kalh nan țanchhanah an hmang ngei dawn a. "Tu fingerprint nge ni ngai? Tu fingerprint nge tih kan va hre lo ve. He fingerprint hi tual thattu fingerprint a ni ngei a Knight-a fingerprint erawh a ni lo, a fingerprint ngei a ni e tih finfiah theih lah a ni hek lo" tiin țan chhanah an hmang thei tlat a ni. Prosecutor-te chuan an hnathawhna bikah chuan zawhna engkim an chhan a an sawi fiah theih a ngai a, chhanna an pek theih loh chuan Defence Attorney chuan inhnialna tihtawp tumin zawhna a zawt sek mai dawn tihna a ni.
Prosecutor lam chuan a chhe ber thleng thei pawh hmachhawn inhuamin hma thar an la ta. An beiseina te chu Technology tharah leh Scientist-ten Fingerprint an khaikhin thiamna ah nghat chungin Dawn Bruce-i tual thihna chungchangah Robert Knight-a chu an man ta a ni. Knight-a man a ni hnu chuan Norman Tiller-a chuan Police-ten Knigh-a fingerprint an nemkai dan chu ngun takin a han bih chiang a. Kut ze thla kimchang taka lak a nih theih nan kut tin sir khat atanga tin sir lehlam thleng rawt chuan kut zungțang chu an han nem vial (roll) ta a. Chutianga an han tih hnu chuan Fingerprint an lak kaina Fingerprint Strip/slip chu ama pisa lamah la pheiin lukham kawra fingerprint leh Knight-a fingerprint chu ngun takin a han khaikhin a. Tiller-a chuan thuthlukna siam hmanhmawh duh lovin muangmarin hna a thawk a. Thla khat zet enfiaha vawi tam tak a ennawn hnuin ni 10, July, 1990 khan Tiller-a chuan a thil zawn chu a hmu ta. Kiltin ațangin finfiahna awm thei te chu a thlir a. An thil tih laiah chuan tihsual a awm loh nan Examiner pakhat dangin a thil tih tawhsa te chu a lo ennawn ve leh zel a. Lukham kawra fingerprint chu kut zungpui veilam thla hi a lo ni a. Chu fingerprint leh Robert Knight-a kut zungpui vei lam sir print te chu an han khaikhin chuan an lo inmil ta chiah mai le. Mahse, harsatna pakhat dang a la awm ta cheu mai. Image Enhancement Technology chu thil thar lam tak a ni a, tun hmain court-ah Evidence angin pawm a la ni ngai lo va. Chuvang chuan Court-ah pawm a ni lovang tih pawh an hlauthawng ru hle reng a ni. Tun hi Court room-a an vawi khat phawrh chhuahna tur a ni a, rintlak a ni ngei em tiin Defence lam chuan an hnial ngei bawk ang. Eng pawh chu nise Prosecutor lam chuan an tum chhin phawt a ngai a ni. Fingerprinting Technology thar ațanga Forensic Evidence chu pawm a ni leh ni loh tur chingfel turin January ni 17, 1991 khan Henrico County Circuit Court-ah hearing neih a ni ta. Defence lam chuan " Fingerprint thla (image) tichingpena tidanglam thei, dik lo taka inbumna Technology mai mai ni e" tiin an hnial a. Mahse Expert chuan Image Enhancement Technology chu rintlak leh rinhlelh tur awm lo khawpa dik a ni tih finfiah turin Court hmaah chuan a takin a han hmuhtir ta a. Hemi țuma Prosecution lam aiawh a ding Expert hi Pamela Ringer-i a ni. A sawi dan chuan mihring mit lawngin rawng chi 16 atanga 32 inkar a thliar hrang thei a. Mahse computer chuan rawng chi 256 a thliar hrang thei thung a ni. Ringer-i chuan Image Enhancement Technology chuan lazai intah "zia" kha a paihbo mai chauh a ni tih a sawi a. Tichuan fingerprint awmna lai bik chu ahma aia dum (thim) zawkin a siam a, ridge leh ridge inkara awl awm, var (eng) kha a tivar belhchhah ta a. He Image Enhancement Technology hian fingerprint kha a khawih danglam lo va, fingerprint kha hmuh theih turin a siam mai zawk a ni tiin a sawi fiah a. "March ni 27 a fingerprint ka lakchhuah tawhsa kha vawiinah pawh hian ka la lachhuak leh thei a, a hma ang bawkin ka la entir thei che u a ni. Ka tih a ngai a ni chuan vawi za chuang pawh a ngai ang chiahin ka lachhuak thei a ni" tiin a thil tih dan chu a sawifiah a. An hmuh lai ngeiin pattern chu lachhuak hmasain puantah zia chu a lachhuak leh a. Fingerprint chu inthlak danglam hauh lovin a ngaitein a awm a ni tih a finfiah a. Fingerprint-a lands leh grooves te chu pakhat mah inthlak danglam lovin a awm a ni. Chu enchhinna hmanga a thil tih chuan judge chu a hmin hle niin a lang. Judge chuan Computer Enhancement-in thisen kai fingerprint chu a thlak danglam thei lo tih chu a pawm a. Dan huangah hman chhunzawm zel turin thuthlukna chu siam a ni ta, Image Enhancement Technology chu Evidence pakhat a tan pawm a ni ta a ni. Mahse, Prosecutor-te chuan thubuai ngaihtuahna an hmachhawn tak tak hmain Fingreprint chauh ni lo thil dang duh belh an la nei ta cheu mai.
Robert Knight-a chu kum 22 a upa Dawn Bruce-i thah chungchangah Capital Murder thubuai siamsak a ni ta. Mahse, Police-te chuan tual thahna hmarua an la nei thei mai lo. Lukham kawr pan taka fingerprint lang thei che che awm chu Court-ah Evidence rintlak a ngaih a ni dawn a; prosecutor-te van neihna chu rawn inher chhuakin tual thahna hmanrua awmna chin pawh an hre chhuak thuai dawn ta.
Tual thahna thlen atanga thla 6 hnuin Apartment hlui taka zana hnathawk Maintenanceman chuan Knight-a bedroom hluia boruak luhna tuamtu hnung lamah chuan thil hmuh chhuah a nei a. A thil hmuh a han enfiah chuan puana tuam ramvah chemte hi a lo ni a. Tichuan chu chemte chu tual thah nana hman a ni leh ni loh finfiah nan Forensic Lab-ah enchhinna mawlmang tak an han ti ta a. 'Photographic Overlays' hmangin chemte pian hmang leh Dawn Bruce-i lukham kawra an hmuh chemte thla ni ngeia lang thla chu an han khaikhin a. An lo inmil ta chiah mai. Evidence hnuhnung ber chu PME an tih laia Dawn-i chawn a an hmuh mipa chi a DNA Testing an tih chu a ni. Chu DNA Testing chuan Robert Knight-a DNA Profile chu rinhlelh tur awm hauh lovin a mil ta chiah bawk.
Prosecutor-te rin dan chuan Dawn Bruce-i kha a hnathawhna ațangin zinglam dar khat velah inah a lo haw a, a mu zui ta nghal a. Zinglam dar 4 velah Robert Knight-a chuan Dawn-i in hmalama awm tukverh chu a va pan a, chemte hmanga kar hawngin tukverh ațang chuan inchhungah chuan a lut a, inchung lam chu thawm dim takin a pan chho ta țhem țhem mai a ni. Dawn-i tui taka lo muhil lai chu a lungah a vit ta hrawih a, thisen chhuak avanga thi mek Dawn-i chu a pawngsual zui ta a. Mahse Knight-a chuan tihsual a nei ta tlat mai. Lukham kawrah chuan Chemte a thisen kai chu a hrufai a, tichuan lukham kawrah chuan chemte thla a hnutchhiah ta a ni. A hnuin Knight-a apartment-a an hmuh chemte leh lukham kawra chemte thla lo awm te chu an inmil a ni tih finfiah a ni ta bawk. Chumai bakah lukham kawrah chuan a fingerprint them te chu a hnutchhiah bawk a, chu chu Computer Technology thar ber hmangin Knight-a fingerprint nen an inmil tih an finfiah leh ta bawk a. April ni 15, 1991 khan Physical Evidence pheh thluk theih mai mai lo tur tam tham zet mai fingerprint inmil te, mitthi taksa a mipa chi a DNA leh Knight-a DNA Profile inmil te leh Knight-a apartment-a chemte hmuh chhuah te chu a hmachhawn dawn tak avangin leh Death Penalty a pumpelh theih nan Defence Attorney-te kal tlangin Robert Knight-a chuan an puhna pali te chu ihe lovin a pawm (guilty plea) ta a. Kum 1991, June ni 18 khan Robert Knight-a chu Dawn Bruce-i thah thubuai leh a kaihhnawih thubuaiah thiam loh chantir a ni a dam chhung vawi 4 tang tura hremna pek a ni. He pawi khawihna hi kum 5 hmalama thleng ni se chuan Robert Knight-a chu mi zalen a ni ngei ang. Harsatna tam tak kara an bei țang țangna te leh modern technology hman avang tein he case hi hlawhtling taka kharin a awm thei ta a. Mahse, Robert Knight-a hian kum 26 a tan thlen hunah Parole-in a chhuak thei dawn a (tunah hian a chhuak tawh hial ang). A pawi khawihna leh hremna a dawn hi inphu lo tak chu a ni.
Forensic Investigator Thomas M. Tiller-a chuan,"Robert Knight-an Death Penalty a dawn loh avangin ka lunghnur khawp mai. Death Penalty kha a phu hliah hliahin ka hria. He Case chhui chhuahna kawngah hian Forensic Science-in dinhmun pawimawh tak a luah a. Case thenkhatte hi chu Evidence pawh ngai mang lovin thu zawhfiahna ațang ringawt pawhin chhui chhuah theih a ni a, he case erawh pawi khawihna hmuna Forensic Evidence te kha awm lo se chhui chhuah theih a ni kher lovang." tiin Forensic Science avang chauha tual thahna kha chhui chhuak thei an ni thu a sawi a ni. Knight-a man a nih hlim khan Circumstantial Evidence chauh kha țan fung an neih a ni mai a. Mahse, a hnuin kum 24 chhunga Forensic Evidence an neih zinga chak leh nghet ber a ni ta thung a ni. Investigator J. M. Dorton thung chuan, "Keima mimal ngaihdan a chiang ta ber chu Robert Knight-a khan Death Penalty kha a phu a a dawng ngei turah ka ngai bawk. Boruak hip theia a awm te, a muthil thei te, nui leh a eiin thei te hi a phu hlawl lo. Eng tik hunah emaw chuan pawn a chhuak leh ang tih pawh ka ring, mahse hun chu a duh ve rei khawp ang. Dikna chu hlen chhuahin a awm ta tih ka hria a, mahse Death Penalty kha a phu hliah hliah a ni." tiin thi tura Knight-a chungthu an relsak ngei kha a lo beisei a ni.
A khar nan Dawn Bruce-i nu Jo Ann Bruce-in a fanu chanchin a sawi hi zep tel lawk ta i la." Ni khat chu ka fanu pakhat zawk nena hringnun awmzia leh chhungkua din tura a inruahmanna te kan sawi dun laiin ka fanu chuan fanau neih a inrin loh thu min hrilh a. A chhan chu Dawn-i ka chan avanga tawrhna ka paltlang te a paltlang ve theih ang em tih a chiang lo a ni. Ti hian ka hrilh ta a, "Dawn-i kha thah a la ni ang tih kha lo hre lawk pawh ni i la Dawn-i ngei kha hrin leh ka duh a ni, a chhan chu kan chhungkua-ah hlimna nasa tak a thlen a; chan hlauh vang maia fanau nei lova awm ngawt a dik ber lo, a chhan chu hring nun hi sawi lawk fak thei a ni ngai lo a ni."
On 09 september 2024, at 03:26, Anonymous commented on 
0 Comments
I ngaihdan han thawh ve teh le!