ZOFATE'N THA KAN TIH, KAN ZUI DUH CHUANG* *LOH

LALMANZUALA & LALDUHAWMA

Pu LALMANZUALA....hi IAS officer niin chumi hna ah chuan a pension thak a. Chu pawh Sawrkar hna thawh rei theih ang ber chiin Mizoram sawrkar a hna sang ber Chief Secretary anih hnuah pawh Chairman, Mizoram Public Service Commission te pawh ani leh bawk.

Sawrkar hna a thawh kuit thak hnu ah Social works kan tih ang chi Corruption do lamah te, Politics kan tih angah te pawh Party te hial din ve tawhin MLA / MP ah a in candidate ve tawh a, chulam ah chuan a hlawhtling lo hrih ani.

Pu LALDUHAWMA ve thung erawh chu rei vak lo IPS officer hna thawk ve zawkin a Sawrkar hna tha tak chu rawn bansan hlawlin Mizoram politics ah a zuang lut ta thung a. Party lian leh te deuh ah te hotu ber ber ni tawhin , amah pawhin Political party a din nual tawh a. MP/ MLA te pawh ani thung tawh. Tunah pawh Mizoram a la sawrkar ve ngei tum tlat, mipui tam takin test ve chhin thra an tih ZNP President ani mek.

Pu Manzuala hian sawrkar hna ka thawh chhung zawngin ka eiru ngai map lo a ti mauh mai. Tute emaw anga ka eiruk tu nge hria, court ah thiam lohna pakhat mah ka nei lo, thiam chan hi ka addict tawh an ti ang leka eiruk lama insawi fel confi ang chu ani lo turah ngai ang. Pu Manzuala'n dawt a sawi ve bawk em mai emaw chutin khatin a eiru ve tho em tia public taka rawn charge erawh an la awm lo chu anih hmel. Pu Manzuala a sual em mai ti pawh ka la hre lo mahse a bula awm a hahthlak, a thu a duh si, khawvel a mi dik leh efficient bera inngai anih hi...an tih elsenna erawh ka hre fo. A thu sawi thra leh philosophy te chu dik ti hle chungin zawm ta nge kan la tihpui hlawm hran lo niin a lang.

Pu Duhawma hi chu Police Officer anihna lamah pawh mi hming thra nia hriat anih laiin Pu Manzuala erawh chuan amah Pu Duha insawi mawi leh changkan ang em em chu ni lo deuhvin a ngai ve thung. Mi tam tak chuan Pu Duha hian dawhtheihna / inphah hnuai peihna chu nei deuh se chu Mizoram Chief Minister te pawh ni hial tawh turah an ngai. A dawh theih loh luat avanga party a zuang lawr anga ngai awm mahse a thil thra duh lutuk leh fair tum lutuk avanga Party a zuang lawr zawk nia sawi an awm ve tho bawk.

A eng a pawh chu nise Pu Manzuala thu leh hla te pawh hi dik leh thra ti hle mah ila keimahni nun theuh vah seng lut ta nge kan ti chuang mang tlat lo hi thil mak tak, mak lemlo ni thei ani ve bawk. Mipuite hian ngaihtuahna tlanglawn, digest theih emaw digest tum chi leh chin, chek mil zawng deuh bik hi kan nei ve tlat a. Chuvangin Pu Manzuala thu leh hla te hi dik ti mah ila, tui ti taka han lem khalh khalh tur chuan kha ( bitter) kan la ti tlat niin a hriat.

Chuvangin vawiin ni thleng pawha Pu Manzuala damdawi hi ei thra duh hrih lo kan niin a lang. Pu Lalduhawma lah hi a thil intih hriat emaw ram leh hnam kalphung thra zawk tur a hriat ve ang ang te pawh hi Mizoram State sawrkar emaw mipui hnenah pawh a What, a Why leh a How te thleng hian CM anih tak tak hma pawh hian chet chhuah pui ve deuh ta zawk se...ti an awm nual. Ram leh hnam hmangaihtu tak nilovin CM nih tawngpawngpaw khel ve trun reng nia ngai satliah pawh an awm bawk.

Engpawh nise tun tum a Mizo pa pahnih kan han chhawp chhuahte hi mipui chunglam, mi talent ngah ve ve chu an ni chiang bal a. An hriatna leh finna te a that dun hmel teh reng nen, a chhawr tu turte lah hian kan la ngaihsak dun vak lo ni hian a hmuh theih bawk sia.

Chuvangin he post hmang hian an vision leh formula hrang hrangte chu mipui lamin kan hman tangkai ve theih nan a trul leh kan ei leh in ve theih dan tur zawngin han kur hniam ta deuh se emaw taste leh colour dangte han thlak attractive ve thei deuh se..tih hi keia duhdan chu ani. Mi ropui te, ropui nia inhria te, mipui chunga leng te pawh hi mipui lamin kan ei miau si loh chuan....an ropui tak tak thei loh chu anih ber hi maw... Hei tak hi mipuite , misatliahte ropuina chu ani ve leh thung....

MIPUI lam thiam loh nge HUN lova par chhuak hi a awm ve theih.

Share and subcribes enjoy.