HMANGCHANG

¤ A tui neia chawhmeh i kan chuan coffee tlem thlak la, a rawng a mawi duh a, a rim a danglam phah chuang lo.

¤ Khawizu fir/a tak leh tak lo i hriat duh chuan tuiah tlem far la, a ral mai chuan khawizu fir a ni lo. Khawizu reng reng tui-ah a ral thei lo.

¤ Ața i kan dawnin maida țham khat vel telh la, kan puar a ti awl duh.

¤ Thingpui i lum dangdai deuh a tih rimtui i duh chuan thingpui i lum laiin serthlum kawr tlem thlak ang che.

¤ I chini dahna a hnawng anih chuan a bur-ah toilet paper dah tel ang che.

¤ I thil kan in tel a hip nasat i duh loh chuan tel-ah khan chi tlem thlak hmasa ang che.

¤ Artui pum chhum zai lep nan chemte aiah khawlla hmang la, a pan nalh duh zawk.

¤ Dawnfawh kawr hi pho ro la, rawt sawm vek la, dah țha ang che. Soda angah a hman theih.

¤ Alu i chhum dawnin pin-in vit kual la, a keh loh bakah a hmin hma.

¤ Ața i kan dawnin a hmehna-ah bawnghnute tlem telh la, a puar duh bakah a tui duh.

¤ Fridge ah thil sa dah lut suh ang che, fridge vawngdaitu khawl a huin a tichhe thei.

¤ Flash a rim chhiat chuan artui pawn var leh tui chawhpawlhin țhuah fai ang che.

¤ Fanghma velna kawr hi te deuhin chan la, pho ro rawh. A ro hunah choka almirah kil velah dah la, rannung a hnawt bo ang.

¤ Gas bunner bal chu tuiah soda thlak la, minute sawm vel chhum la, silfai ang che.

¤ Oven i hman a, tih daih thuai i duh chuan tuisik no ah dah la, chu chu oven chhungah hung mai rawh.

¤ Silk thawmhnaw i uluk deuh i suk dawn chuan sahbawn leh surf hmang lovin shampoo hmang zawk ang che.

¤ Thawmhnaw i nawhin, i tihhuhna tur tui kha tui vawt aiin tuilum hmang zawk ang che.

¤ Wool i suk dawnin i sukna tur tuiah glycerine tlem telh la, a tawm tur a veng ang. Vinegar tlem telh hian a tifai zual duh.

¤ I almira chhung a hnawn loh nan chalk sawm vel telkhawm la, a remchang laiah khai ang che.

¤ Sahbawn rimtui hi te reuh te tein chan la, lehkha in tuam la, thawmhnaw karah dah rawh. Kapoor aiin a rimtui zawk a, a țangkai dan a in ang reng.

¤ Pen tui i thawmhnaw-ah a kai chuan methylated spirit in a tih fai theih. Nail polish remover pawhin a tihfai theih bawk.

¤ Boric powder leh maida chawhpawlh in marble tiat velin hrual mum la, choka leh chukchu awm duhna laiah dah rawh.

¤ Beer i in bang chu a saidawium chawpin chukchu awm duhna laiah zan khat hung tawp la, zingah chukchu a chhungah an lo thi țeuh mai ang.

¤ Carpet hmul chi ah thil mawm i tihkai chuan maida phul vat la, darkar chanve hnu-ah khuih fai ang che.

¤ Tukverh darthlalang tui nena i hruk chuan tui a hul hma-in puan nema hruk hul hman tur a ni.

¤ Thingpui sen leh vinegar chawhpawlh hi darthlalang nawh tlet nan a țha.

¤ Glaze tile banga thil bal kai tam zawk hi chu nawhrehna (rubber) in a nawh reh theih.

¤ Leather chi reng reng a chang changa glycerine hnawih hian a hmuar tur a veng a, a tihtlo bakah a ti tle duh bawk.

¤ Thlalak hlui a hmuar emaw a bal emaw chu petrol tlem tein hru la, a fai mai ang.

¤ I bengbeh screw a thawl chuan purun varah chhun vak la, purun var chuan_ lang tham lovin a ti ban ang a, a tawt mai ang.

¤ I bengbeh, țhi, zungbun te i dah khawmna ah chalk pakhat dah tel țhin ang che.

¤ Rangkachak lem hi a rawng a kal deuh tawh chuan stainless steel bawmah aieng tlem nen thun-in nghet takin chhin la, nithum hnu-ah a rawng chu a eng mai ang.

¤ Rangkachak hlui deuh tihtlet i duh chuan tui so ah surf powder tlem leh aieng telh la, chumi tuiah chuan minute 3 vel chiah la, brush in nawt fai mai rawh.

¤ Tukverh leh kawngka biang vel i hruk fai dawnin i hruk faina tuiah khawnvartui tlem pawlh la, maimawm ril awm tur a veng thei.

Subcribe and enjoy.