MANIPUR LEH MIZORAM RAMRI AH HMEL HRIATLOH MIPAKHAT MAN A NI

Hmel hriatloh mipa pakhat feet 6.2 vel zeta sang, vai hmel pu chu Senvon ram Sitam, Manipur leh Mizoram ramri, ramhnuai ah ni 13 March, 2018 khan man a ni.

Senvon Authority kutah hlân niin Senvon Authority te chuan Lungthulien Val-Upa kutah zân dar 12pm leh dar 1:00am vêl khan hlân chhawn leh a ni.

Lungthulien Val-Upa te hian chaw ei tirin an menpui a. Nimin tlai khan Parbung khawtlang hruaitu te kutah Police a hlanchhawng turin hlan a ni.

Lungthulien Val- Upa te sawidân chuan amah hi Hindi leh ṭawng danga biak pawn a ṭawng duhloh avangin lehkha leh pen pêk a ni a. A hming chu ''Solakh'' tiin a ziak a, thildang engmah a sawi duhlo a, a ziak duhlo niin an sawi.

Parvachawm khua te sawi dân chuan Phuaibuang leh Khawlian inkarah man ṭhelh a ni tawh a. Manipur lam pan hnai zelin Tlangnuam leh Daido inkarah pawh man ṭhelh leh niin an sawi. Nihnih an chan hnu in Nimin piah khan Sitam ah man a ni ta a ni, tiin an sawi.

Amah hi tihsual a neih nge khawi lai ami nge, khawi atanga rawn kal nge, engmah hriatfiah chian a la nilo. Tunah hian Parbung Police leh Val-upa te kutah a awm mek a ni.