MAK LEH DANGDAI VAWIN APRIL NI 1 PUALIN ( APRIL FOOL )

April Fool (1st April) kan thleng leh ta reng mai....

April Fool hi kum 1564 ațanga ințan kha a ni a. Chutih lai chuan kum khata ni hmasa ber hi April 1 niin an sawi.

Ni hmasa ber chu kum 1564 ațang khan January ni 1 ah an thlak ta a. Ni hmasa ber thlak anih avang chuan mi tamtakin an hai fo mai a. Chuta țang chuan intihder nan leh fiamthu thawh nan an hmang chho ta a ni.

April Fool kaihhnawih hlimawm thil tlem tarlang lawk ang. :--

1, Kum 1974 April ni 1 khan Pa pakhatin Alaska thliarkar hmânlaia tlangkang lo awm tawhna hmunah chuan motor ke 70 zet a hal khu luih luih mai a. Amah a insaseng daih sia. Mi tamtakin tlangkang lo irhchhuak leh turah an ngai hman.

2, Google hian kum 2004 April Ni 1 ah Gmail hi mipui hman theih turin an chhawp chhuak a. Mi tam tak chuan April Fool kaihhnawihah an ngai a, an belchiang duh lo vel.

3. Kum 1976 April Ni 1 khan BBC Radio astronomer Patrick Moore chuan hemi ni zing dar 9:47 hian lei hipna (gravitation) a tlakhniam tur thu fiamthuin a lo tarlang pek a. Mi tamtakin awihin an zuang nasa mai. Phone call pawh an dawn nasat phah.

4. Kum 1996 April Ni 1 khan Taco Corporation chuan USA Independence Day hriatrennga Dâr ropui tak mai, uluk taka Philadelphia hmuna an khai reng, Liberty Bell an lei thu leh a hming pawh Taco Liberty Bell tia an thlak thu chanchinbu lar deuh 7 ngawtah an tarlang pek a. Liberty Bell awmna The Natural Historic Park, Philadelphia chuan phone call an dawng tam kher asin.

5, Kum 1945 April Ni 1 khan Pacific Island ah Tsunami a thleng a. Mipuite hmun him lam pan tura hriattirna pek an ni a. April Fool anih ring tamtak an awm avangin an insaseng duh lova, mi tamtakin Tsunami vangin nunna an chan a ni.

6, BBC hian an uar viau mai. Kum 2008 April Ni 1 khan Antarctica Vûr rama Penguin te chu an chenna hmun ațanga thlawk chhuakin South America khawmualpui an pan thu an tarlang leh pek a. Penguin an thlawk thei lo tih hrereng siin mi tamtakin an awih leh pek a nih chu.

7. Kum 1989 April Ni 1 khan Billionaire pakhat Richard Bronson chuan UFO thlawhna țhin Thleng ang tak turin Balloon thlawk thei a siam a. A chhungah mite (dwarf) chuantirin a thlawk kual a. UFO emaw tia lo chhui chiang an tam khawp mai.

8, Kum 1698 April Ni 1 khan Tower of London ah Sakeibaknei inbual lai hmuh theihin a awm thu a thang chiam mai a. Mi tamtak Sakei inbual hmu chakin an tlan khawm. Buaithlak țhin teh e.

9, Kum 5/6 vel kal ta khan Mizoram a District Capital pakhata Veng pakhatah chuan Information Centre ațangin Ei rawngbawlna Gas an sem tur thu an intihder pek a ni awm e. Awih lo angreng, awih lo ngam chiah bawk si lovin mi engemawzat Gas lak tumin an intlar an ti. Tak tak ni maw..!?!

-----------------------------------