NETHERLAND RAM A KHAWPUI PAKHATAH CHUAN MOTOR KAWNG A AWM LO

APRIL 11, 2018 : Khawpui nih hming pu ve si a motor kawng awm lo awmchhun chu he khawpui chiah hi ani.

Netherlands ram a khawpui pakhat, Giethoom khawpuiah hian khawmual a motor kawngpui te hmuh tur a awm loh chhan chu pakhat mah a awm loh vang ani. A vang leh a tlem lam nilovin a awm lo hulhual tawp ani.

Mahse motor kawngpui awm lo chu a hrehawm phah lova, a nawm phah zawk mai piahah a mawi phah em em zawk ani. Khawmual a motor kawngpui siam aiah lui siam zawkin, motor aiah lawng a kal zawk ani. Hei hian kawng vuikhu lakah a venga, hnim hring a siam nasa ani.

Motor kawng a awm loh vang hian tumah an phunchiar lo. Lui hlir in a hual vangin an naupang te tuiah an tlahlum hran lo. A dinhmun tur chu ngaihtuah ve mai rawh.

He khawpui hi khawpui hlun leh hmingthang tak ani. 1958 kumah director hmingthang tak Bert Haanstra chuan nuihza film Fanfare movie ah a lantir a. Chu film atang chuan he khawpui hi khawvel in alo hmelhriat phah a. Tichuan khawpui mihring pawh an punchak phah hle ani.

Kum 1300 chho vel a din ani a, tunah hian mi 2600 vel an cheng a. Inkalpawhna lei 180 vel a awm.  Netherlands ram Overijssel State a awm ani.

Ref : Your Amazing Places