KUTKAWL (HANDCUFFING) HMAN DAN CHUNGCHANG:

Kutkawl hman chungchang ah hian dan fel tak a awm a, mahse a hman dan erawh a hmangtu a zir in a danglam thei awm e.


Chumi khami thubuai ah chuan kutkawl buntir tur tih lam ni lovin, police mi man chu kutkawl buntIr lova a tlanbo a hlauhawm chuan bun tir mai tur a ni, a tlanbo hlauhawm lo nia a mantu in a hriat phawt chuan thubuai liantham (criminal case) pawh nise kawl buntIr ngei ngei tur tih na a ni chuang lo.


Supreme Court thuchhuah ang chuan mi man a chu Magistrate phalnain kutkawl buntir emaw phuar emaw chauh tur a ni.


Supreme Court chuan Assam sorkar thu lo vuakthlak tawh kutkawl inbuntir hi tih ngei ngei tur a ni e, a lo tih chu paihthla in , mi man a chu mi tam deuh zawk in ven mai tur tiin thu alo ti tlu tawh a ni.


A chhan chu kutkawl inbuntir hi ‘nunrawnthlak lutuk’ tiin a lo sawi tawh a ni. Madhya Pradesh sawrkar a Chief Secretary Prem Shankar Shukla-a pawh thil engemaw avanga man a niin a chungchang thu relfel a nih hma hauhvin Police hovin kutkawl buntirin a tanna Jail atangin Court-ah an kai tawn chhen mai a,tichuan thubuai ah lain Court an khing ta a, thiam a chang chiang ngei mai.

Mi pakhat Ranikant an tih pawh Police hovin an man a, kutkawl bun chung in khawlaiah kaikual in an ‘Parade’ tir a.Tichuan a ni lungawilo leh thinrim chuan Maharasthra sawrkar chu court-ah a khing a, thiam changing hnehna a chang chiang hle bawk.Court chuan Maharasthra sawrkar chu Rs. 10,000/- Ranikant a pe turin thu a rem hmiah mai.


Assam Police Manual Rule 214-ah he dan hi tarlan a ni. Dan naranin bail theih loh chi, thubuai lian tham deuh ah man ni mahse, amaha eng emaw harsatna avanga tlanbo thei dawn lo ngei nia rin chu kutkawl buntir a ngai lem lo.


Tin, kutkawl buntir ngai lo nia hriat ni tho mahse , mi mante hruaina chu a hlat tham emaw , mi mante chu an thathnem viau bawk si chuan kutkawl hman mai tur a ni.