HUN AWLAH SAWHTHING KA BIH KUAL A...

Kozhikode, Kerela-a ICAR - INDIAN INSTITUTE OF SPICES RESEARCH khuan thlalak a kan hmuh ang hian sawhthing hi rem leh rem loin an ching a, lo neitute chintirin hlawk takin sum hmuh nan an kalpui mek.

Kan India ram chhungah ngei hian a chi quality tha deuh phei chu kg 1 Rs 300 te'n an lei ngam a nih chu maw le. Hei hi an thlai chi, (Sawhthing chauh ni lo) Price List a nih hi - http://www.spices.res.in/sites/default/files/Sale%20price%20of%20planting%20materials%20of%20Spices.pdf

Tichuan tunah hian a hring a hrana leiin Sawhthing kg 1 hi Rs 170 (discount hnuah lehnghal) a ni mek! (I awihloh chuan hei hi en la - https://www.bigbasket.com/pd/10000338/fresho-ginger-1-kg/?nc=as&q=ginger).

Her dip a, a diak emaw, a phut emaw a siam chhuah a hralh phei chuan buru tak tur a ni. Kan hre deuh fur awm e.

Ginger Paste (Sawhthing a diaka siam) man hi Kg 1 hi Rs 340 te a ni a.

Ginger Powder (Sawhthing dip) man a nih hi, Kg 1 Rs 870/- a ni daih bawk. (I awih loh chuan hei hi click la - https://www.bigbasket.com/pd/40026654/turn-organic-organic-dry-ginger-powder-100-gm-pouch/?nc=as&q=ginger%20powder)

KHINGTE A NIH AVANG KHIAN :

Ramdang Kg 1 Rs 75 vela hralh thin chuan Kg-ah Rs 23 te a nih chuan an buai fo a, India ram chanchinbu lianin an chanchin an ziah sak fo reng a sin (Hei hi lo bih ve la - https://www.thehindu.com/todays-paper/tp-national/tp-kerala/low-price-worries-ginger-farmers/article6300206.ece)

Minute 10 pawh hun hman hmain India ram chhung ngeiah hian Sawhthing hi a lo va hlu tak tih hmuh tur a awm tuar zel a. India ram khawpui lian zual 8 vela in zarpharh, Airport leh Bussiness hmun liana thingpui dawr lun ber ni chho mek CHAI POINT te chuan nitina an hralh tam ber chu GINGER TEA niin, Thingpui no 1 Rs 60 te a ni nawk a, Airport-ah te phei chuan No 1 Rs 170 ten zu han zuar a mawle.

I Awih loh chuan an menu Google la a lang tuar ang. Kei chuan a hmun ngeia kalin ka va zawt a link ka rawn dah tawh lo mai. :)

A that zia sawi tur a va tam ve...

A tawp nan chuan ti tawh mai ang - Sawhthing hi chinna ngaiah a chin theih zia chu Agriculture lama mithiam leh hre tak tak in tam a, kan ram hi thlalera chantirna tur a ni lo. Thlalera chang tur ni se Chawngtlai khua khi a rate chhiat lai pawha Sawhthing ching nasa, mi taima khua an ni a, an khua khi thlalerah an channa a rei tawh ngawt ang. A rate a chhiat la pawhin an bei hram hram a, Sawhthing hralhna atanga Concrete-in sa an awm teuh tawh.

Tin, a hringa hralh theih loh pawhin a enkawlna tha tak tak siamin a phut emaw, a diak emaw kan siam chhuak tam dawn lutuk.

Sawhthing kg 1 a Rs 50 hi Mizorama mi retheite tan damdawi tha ber a ni a. Hmarchate hi sawhthing hmunah a chin theih teuh.

Fu huan tihte hi Hand Holding Policy hnuaia bul tan duh tan chuan luhchilh fe tham a awm.

SEDP-a Rs 3,00,000 sem ngawt aia ro tling zawk leh hnathawh in zirtirna te a nih avangin leh, SEDP hian M.I.P anga ram sem a, thlai rate nei miah lo in chin tir nawn leh kha a tum ber a nih avangin ZPM hi sawrkar se Mizorama kuthnathawk leh mi rethei zawkte hi chu an damin, an dingchhuak hma zawk ngei ang tih hi ka ring bur.

ka thu lak chhawnna ka hre ta mailo. aziaktu in min hrethiam mai tehse.