NAGALAND STATE CABINET IN CAB-2016 HNAWL!!

Nagaland State Cabinet chuan tribal organization-te leh zirlai pawl hrang hrangte nawrna angin Citizenship Amendment Bill an hnawl.

Chief Minister Neiphiu Rio leh Chief Secretary Temjen Toy-te chuan Nagaland chuan Citizenship Amendment Bill chu an hnawl thu leh an dodal tih an sawi a, chu chu mipuite duhdan leh thlakhlelh pawh a nih thu an sawi.

Cabinet hian a hma pawhin CAB chu Nagaland-ah a hman ve theih loh thu an lo sawi tawh bawk. National Democratic People's Party kaihhruai People's Democratic Alliance (PDA) sorkar chuan India Constitution Article 371 (A) hnuaiah CAB chu Nagaland-ah a hman ve theih loh tih an sawi a ni.

January 8-a Lok Sabha in an pawm, CAB hi hmarchhak hmun hrang hrangah dodalna a nasa hle a, Nagaland-ah pawh hian pawl hrang hrangin an dodal nasa hle a ni.

Thawhlehni-a Guwahati-a CAB duh loh vanga hmarchhak political party hrang hrang an punkhawm pawh khan NDPP president Chingwang Konyak chu an Party aiawhin tel ve bawk! 

HETIH RUAL HIAN PRIME MINISTER NARENDRA MODI CHUAN BJP HIAN ASSAM MIPUITE DUHDAN HI BJP IN A HUMHIM ANG" ALO TI VE MEK BAWK! 

Prime Minister Narendra Modi chuan Thawhlehni khan Assam mipuite duhdan chu BJP in an humhim zel dawn tih a sawi.

Narendra Modi chuan tribal autonomous Council pathum inthlanna awm tura Assam mmipuiten Bharatiya Janata Party (BJP) an thlawpna thu an tweet avangin Assam mipuite hnenah lawmthu a sawi a, Assam hmasawnna turin BJP chuan theihtawp an chhuah dawn tih a sawi bawk.

Modi chuan Sorkar laipui leh State sorkar hmalakna thenkhat chuan Assam mipuite nunphung a thlak danglam tih a sawi bawk.

source : VANGLAINI