KUM 40 LAI IN HMUTAWH LO, CHHUNGKHAT FB A TANGIN AN IN CHHAR

Vawiin lamah Facebook group țhenkhat ah post a ni a. Tam tak chuan in hre tawh tho anga. La hre lo țhenkhat leh Kolasib lam te a lo rik tel bakah an chanchin hian ngaihven a hlawh em avangin kan post veleh hrim2 ange. 

Thlalak hlui zawk(B&W) ah khian mi pathum an lang a. Mipa khi mizo tlangval Hmingliana, CRPF a țang a ni a. A hming dik tak hi Lianzara a nia, Hmingliana tih hmingin in CRPF ah a lut a nih hmel. A bul a hmeichhia khi a nupui Kamala-i a nia, hmeichhe naupang khi Kamala-i nute-i fanu(cousin) Jyothi Edla Rudrapathi a ni. Tichuan, thlalak pakhat khi tuna Kamala-i thlalak tharlam ber a ni. 

Hmingliana khi a tlangval lai in CRPF ah lutin Telangana(S.India) a a duty na ah Kamala-i nen hian intawng in an innei a. Kum 1978 vel khan Mizoram ah an rawn chuang chhuak a. Sialsuk khuaah awm in hemi hnu hian Aizawl Lawipu vengah an khawsa zui ta a ni awm e. Fa pathum an nei a, vanduaithlak takin Pu Hmingliana hian kum 2013 khan a boral san a ni. Pi Kamala-i(Pi Kamla-i an ti mai țhin) hian a fate hi țul puiin rawra te chhu in ei an zawng a. A fa naupang ber paw'n pasal a nei tawh a. A fapa Zorammawia hian a nu chhungte lam hi zawn chhuah a chak țhin a, mahse, hma han lak vak ngaihna a hre lo a ni awm e. Hetih mek lai tho hian Pi Kamla-i chhungte pawh hian an fanute Mizoram an rawn chuan chhuah hnuah hian an chanchin an ngaihven țhin a, mahse, an be pawp hlei theilo a ni.

Thlalak hlui B&W a hmeichhe naupang Jyothi Edla Rudrapathi khi pasal fanau neiin USA ah hna thawk in an awm a, Kristian an ni nghe2 a ni. A u chanchin hi a ngaihven reng a. Vawiin khan FB group pakhat Mizoram News(In English) tih ah a u te chanchin hi a rawn post a. Hria an awm leh awm loh a rawn zawt a ni. He group ah nimin piah mai chauh a awm a ni a, a u te a zawnchhuah duh vanga awm pawh a ni mai thei. An diary a a u pasal Hmingliana address ziah chu la dah țha rengin sialsuk khua angin a rawn zawng a. An chanchin hian ngaihven a hlawh bawk a, a post ațanga darkar hnih chhungin a u nen hian an in be hman a ni. Kum 40 zet zawt chanchin an in hriat tawh loh hnua an han inbia chu an lawm lutuk hi an au rawih2 mai a ni awm e. 

Pi Kamla-i fapa Zorammawia phone number hi Pi Jyothi te khi an pe a. Pi Kamla-i hian kan țawng ka hre tlem tawh em mai a a tia. Mahse, Hindi a lo la thiam hlauh a, Hindi in an inbia a ni. Jyothi hian a nu(Pi Kamla-i nute i a nih chu) kum 86 mi chu a fanu chanchin hi vawiin khan an hrilh a, a hlim hle mai a, khawvel a mihlim ber a ni ang tih khawp hial in a hlim a ni an ti. Jyothi hian kan awmna inhlat viau mahse intlawhchhuah dan kan ngaihtuah dawn e a ti.

Pi Kamla-i hi tunlai hian Kolasib ah a awm a, a chanchin hria emaw a chhungte kan awm a nih chuan han sawi zau thei se a lawmawm ngawt ang.

Source KOLASIB.COM