KA TAWN HRIAT MAK KA TIH LEH HRILHFIAH NGAIHNA KA HRIAT LOH TE

Thil mak tak tak sawi fiah ngaihna ka hriat siloh te tun tumah hi chuan ka han pho lang ve ange! Tu emaw chuan thil mak tak tak in tawng ve fo in a rin awm a, sawifiah ngaihna awmlo te a ni ve nuk hlawm in ka ring. Chutiang bawk chuan ka tawn hriat sawi fiah ngaihna ka hriat loh te ka rawn tarlang dawn ani.

KA HMUSUAL EM NI? = 2007 kum khan lo a ka pu te lo a riah ka ngaih avangin ka riak lut ve ta poh a, mak tak maiin ka awm a nuam theilo reng reng mai a,khawsik ser ser ang deuh a awmin a zan khatna chu ka hmang zo ve thei ta hram a, a tuk mai chu lo zawh kan tum ni tur a nih tawh avangin chu ni chu ka duhthaw in ni pawh rei ka tilo hle, ka piah lawk vauah chuan pitar ni awm tak kal deuh zu zu chu ka hmu thut mai a, ka phu chiang hle, tlai lam thim dawn tawh ah chutia ram a pitar awm ta chuan ka ngaih a ti thalo in zan mut pawh a tui theilo

A tuk khua alo var a, zualko pahnih an rawn lang ta ngei mai! Kan thenawm nu pi zami a boral thu leh haw ve nghal tura min duh thu min lo hrilh a, zan riaklo in ka haw nal nal a ni, pi zami  khan a thih tur min lo hrilh tihna em ni ang? Nge ka hmu lawk zawk? Ni ta ang vawin thleng hian enge a nih tunge a nih ka hre zui talo.

MOTOR DING THEILO = kum 2011 kum khan sialsuk a tanga ka hawthla kha kawng sirah ka thianpa nen kanin hmuh hlauh avangin kan chawl a, chutih lai chuan tlangval leh nula upa vaklo hian aizawl pan tur an nih  thu leh ka motor a chuan ve min rawn dil a, an motor chuanna a chhiat thu leh a accident tak thu chu an sawi ta mai a, ka thianpa chuan a en chik hle!

Kha tih lai khan engmotor mah accident a awmlo mai pawh nilo vin kha mi kawngah khan keini lo kha chu kal kan awmlo hrim hrim ani. Aizawl lam panin muang changin ka in khalh haw ta a, ka thianpa erawh a kal zel thung.aizawl luh dawn melthum leh saikhama kawn inkar ah chuan ka motor chu ka rap ding thei ta hauh lo mai, a brake athalo ti dawn i la ka rah zawngin man ang tak chuan a awm tho bawk si a, mi sut aiah tiin ko chhak lam chu ka hrut thla ta a, kawng chhak lama cement dawr chu ka su deuh bur nghe nghe ani

Mak tak maiin ka mi phur pahnih te kha ka hmu ta hauh lo mai, ka talbuai lai khan an lo chhuk ani ang han tih dawn chuan motor tlan lai atanga chhuk chu ka hre ngei tur a ni si a, chutia ka buai lai chuan ka thianpa khan min lo phone a, motor accident a awm thu leh thi zingah chuan ka phurh te ni awm tak ruang pawh a hmuh thu a rawn sawi ta mai a, mak ka ti hle. Accident tur hrilhlawkna a ni thei mai angem?

THAWM MAKSAK  = 2010 kum khan favang laiin aizawl tlak lamah huan pal chhia hung turin ka thawk chhuak ve a, a hmun ka thlen hian ni a sang hle, mahse ka awmna chu a thim deuh ruih in ka hria a, khua alum bawk nen, thlamah chuan ka lut ta a. 

Minute nga vel ka thu hman awrh tih ah chuan thlam hnuai chu a ri ta sur sur mai a,tawng nauh nauh thawm te, za vaklo a nui tih hriat tak te, ha thial ri bab bab thawm ni awm tak te, tin chhia in khawng ni awm tak te chu a ri nawk nawk mai a, chhun pachang ah ka han en thin engmah lah chu a awm bawk silo ka ngaih tha zanlo chu ka haw ta ringawt a, engemaw hmuh theih siloh hian min zui haw ngiin ka hria, in ka han thleng a, in hnuaia ka ar khawi pahnih chu an lu alo bung rum mai. Eng thawm nge ni ta ang?

KA RIL A TAM = zing hma takah tho in ka ui vulh lai lian zet mai kai chhuakin hna thawk turin ka chhuak a, hetih lai hian khua avawt hle a, misual pawh an huang tau vin misual laka in venna atan ui pawh hruai ka ni reng a, chanmari ka pel phei a zarkawt ka lut tep tawh, a reh pawh a reh tha khawp mai.

Mahni chauh vin ka lo kal hauhlo mai, naupang pakhat riltam hmel deuh tak hian ka hnung lam atangin ka pu eitur minlo pe ka ril atam emai a rawn ti ta a! A hma zawngin min zuitu awmin ka hre silo, chutih laiin zing karah hma lutuk ah naupang leh nghal lo awm chu mak ka ti hle, ka eitur pai ang te chu pe in min kalsan ve mai a, ka ngaih thalo in a kalna lam en ka tum chuan a lo awm tawh hauhlo mai? Tunge a nih a? Tu fa nge tih chu hriat ngaihna reng reng a awm ta lo, pen na mai tur awm silo ah chuan khawi lam nge a pan tak ang?

KHAWHAR IN AH = kum 2014 kum ni ta in ka hria, khawhar in riah ve tumin ka in pulut ve a, ka luh zan chuan ka thla pawh a muang hle, ka thian hnai tak a nih avangin riahloh chi ah ka ngailo, a zan hnihna thim thet thet tawhah ka chaw ei kham khawhar in lam pan a ka kal chu ka hma lamah hian um phak theih silo vin tu emaw a kal ve zel a, ka ko va, min chhanglo! Kawr senduk lam a ha tih erawh ka chiang. Khawhar in ah a lut ve ngei mai a, keipawh ka lut chawpchilh ve mai bawk.

Mahse ka hmaa kal ni a ka hriat kawr senduk lam ha chu ka zawng ru a, hmuh tur reng reng a awmlo, a in thlak hman tih dawn chuan minute khat em pawh in kan in thlau lo a, in thlak hman ngaihna a awm lo hrim hrim a ni, tunge ni ta ang? 

THINGKUNG TLU KAR = Sairang ah balu la a ka kal chu sairang atanga ka haw chho lam kawng chanve velah thing liantak kawnga lo in kham ruah hi ka hmu a, a hnu lawkah sumo a mah chiah chuangin a lo thleng ve nghal bawk a, kan tang dun ta ran mai.sumo driver hi ka hmelhriat a ni nghe nghe. (no year)

Kan thlang mai chu thingpui dawr ang deuh a siam a ni a, hnathawk tu te biak tur an awm mai siloh avangin kan chhuk thla ta a, sumo driver chuan meizial lak tuma a motor a pan chho chu thing tlu hmuh tur reng reng a lo awm tawhlo, an lo nawrsawn tih dawnin hnathawhna hnuhma a awmlo a, thing tlukar lian zet mai chu han put zawh rual a ni bawk silo. Engtia awmlo ta nge a nih vawin thleng hian ka hre dawn talo a ni.

THLANMUAL KAWNGAH = 2017 kum khan kan venga haw tur in thlanmual ka paltlang a ngai a, ka phur lo hle, thlanmual ka thlen chuan zan dar 7 vel a ni a, thla pawh a engin kawng pawh a lang deuh ruih thei hial ani. Thlanmual ka paltlang tep tih ah kawng chhaklam ah hian thim deuh ruih mihring ruangam ni awmtak a thim chinah ka han hmu thuak a, zu in mi te an awm leh tawh a nih hi ti a kal ka tum leh mek lai chuan beng khawk rum rum khawpin ka thilhmuh na lam chu a ri ta rawk rawk mai.

Ka hriat dan chuan khawl ri fiak tha tak ring em em si beng bulah dah ta i la, chutiang chu ni berin ka hria , eng ri nge ni ta ang?

KAWNPUI DAI = kawnpui dai aia sawi hran hi a awm awmlo e, mahse sawi hran lam ai mahin ka thil tawn mak ka tih em em mai chu zanlawn atanga ka chhuak chho chu tlai dar thum vel a ni tawh ang, chawlhna awmah khan ka chawl a, mei ka zu deuh hlat hlat a, motor lo tlan phei car sen ni awm tak ka piah hla fe ah chuan kawng thlang a tlan liam ka hmu hman tawk a ,a ri thla deuh rawk rawk pawh ka hria, na tuar thawm ni awm tak te ka hre zui nghal bawk a ! Puih tumin hmanhmawh takin ka in khalh phei a, a liamna zawn ni a ka hriat ka thlen phei chuan engmah hnuhma ka hmulo.

A bul vel ah chutiang hnu hma ka zawn ngial pawh in a awm reng reng lo mai, ka hawi ka hawi ringawt mai a ni, enge ka hmuh kha ni ta ang?

MISUAL PAHNIH = min chhan ru ka duhlo ti a au thawm ka hriatna lam chu hman hmawh takin ka pan a, hmeichhe tleirawl hmeltha ve tak mai chu mi pahnih misual ni ngei te chuan khuaikhem tum in anlo phelh ruak lo chauh tawh a, chu mite chu an pa len lemloh avangin ka hlau bik lemlo, hei, thlah rawh u ! Tih pahin ka tlan phei nghal a, ka thawm hriain mi pahnih te chu hman hmawh takin an tlan chhe zui a.

Ka umzui a, kalvat chhunga an tlan lut chu ka hmu zui hman hram a,he an kalvat luhna hi kei pawhin ka hre chiang in bihruk nan leh zan riah nan te pawh a kalo hman zeuh zeuh thin tawh a nih avangin ka chiang thawkhat hle, an lo chhuah tak mai siloh ah chuan ka luh chilh ta ringawt a, a chhung ah chuan tumah reng an lo awmlo! Hmundang han chhuah na tur eih a awmlo tih ka chiang a, a chhungah han luh a tawm rukna tur a awm eihlo bawk, puk dang ruk a nei a ni ang ti dawn ila, chutiang a ruka verh kuak a awmlo a, a bang cement chang tak in a daidan karah a chhak tui luanluhna chu bawlhlawh in a hnawh khawm te an ni mai a.

Chhuah rukna tur eih awm silo an bo ta hmak chu khawiah nge an awm tak ang? Chu hmeichhia chu ka zawh lah in ka hmuh hnu an nilo, tunge ka hrelo a ti bawk si ! Vawin thlengin tunge an nih a khawi lam mi nge ? ka hre dawn talo a nih hmel hle.

TUIKHUR AH = Ri deuh burh burh thawm ka hriat chuan ka thla amuang huai a, a zan rei deuh tawh bawk a, mahni in tuikang ka nghak dawn talo a nih hi ka tih chuan ka lawm hle mai.

Tuikhur ka thleng thla a, nu pakhat tui lo thal keuh keuh ka hmuh chuan ngaih tha takin ka chhuk ve mai a ,nu pangai ve tak hmel chhe lemlo tih ka sihdet ken atang chuan ka hmu thei a,mahse chutiang tur hmeichhia kan khuaah ka hmu ngai hauhlo ,mikhual a nih te ka ring leh ta zawk a,mikhual tui chawitir an awm ngai meuhlo a, buai fe te a nih ngawt loh chuan, an buai viau a nih dawn hi ka ti rilru a, kan tuikhur hi a fal deuh avangin hmeichhia hi chu an kal ngam meuhlo a, chu nu chu mak ka ti lek lek mai.Tui chu a kang rat lemlo bawk a, ka chawi tawk a awm tho bawk nen, minlo nghak ve la, kan chho rual dawnnia ,ka tih chuan engmah sawilo vin minlo nghak ve mai bawk a. 

Ka chawi zo kan in zui chho a, kawi ah a pil chiah chu ka han hmu pha vuaih vuaih a, ka kawi ve tur ka in her chu ka hmuzo ta reng renglo mai, a kal liam tawh tih dawn chuan kal liamna hman a awmlo hrim hrim a, tlangval chak tha tan pawh tui kawt chungin kal ta se minute 3 vel lai chu a thang tho turah ka ngai hmeichhia leh nghal chutia a awm talo chu min ti hlau deuh viau nghe nghe ani. Tunge a nih tak anga, khawi lam khual nge? Vawin thlengin ka hre dawn talo a ni.

Heng bakah hian thil mak tak tak sawi tur ka hre nual mai, chung te chu a rem dan a zirin ka rawn pho chhuak leh ang. Vawi khatah chuan a thui lutuk dawn a ka ziak hman lo.

Ka blog min share sak la, minlo subcribe ve dawnnia, enjoy.