India a aber kan nih na te chu aids vei tam ah pakhatna kan ni a,zuk leh hmuamah pakhatna tho kan ni, hmanlai kan pi leh pu te atang tawh in zuk leh hmuam hi chu kan duh viau niin a lang! Eng vang nge?
Ram lamah tho si leh vangvat karah hnathawk thin kan pi leh pu te khan an duh avang renga zu an ni in a langlo a, tho si karah rim taka thawkin zuk chi te kha chu tho si leh vai hmite hnawh bo na tha an neih ve chhun niin a lang a, tuibur kan tih te pawh a na zawngin an hmuam meuh lo va, ha na te tana damdawi a an hman a nih avangin mi nazawng in an hmuam lemlo.
Tun lai nen khai khin ta ang ila, tunah chuan tuibur chu man tlawm takin kan lei thei ta a, a nazawngin hmuam chhin kan tum ni berin a hriat a,ka hlei vang ni pawhin a hriat lemloh vir vanga hmuamta ni berin kan lang in ka hre tlat pek, vaihlo zial te erawh ni e u zawk tena zuk luih tir avanga zu hlen ta te an awm nawk a, hei erawh sawi mai a har tawh.
Khawvel changkang zelah ruihhlo a chhuak thar zel a, chutih lai karah hnam tlem leh mang mai hlauh awm tawh kei ni mizo te hian kan lo duh ve zel mai bawk a, a tangkaina lam ai mah chuan a thatlohna lam hi kan awn zel mai bawk , ruih hlo a vangin nakin lawkah chuan nitin kan la in vuiliam dawn chiang khawp mai.
Thalai te Kan thi phuk phuk anga ,sadah avanga thi nih chu thil zahthlak vakah pawh kan ngaih loh hun a la thleng thuai ang,chutih mek laiin kan hnam el pui vai ho te an rawn lian zel anga, an thu hnuaiah kan la kun thuai ang! Chutah zet chuan hnam zatve tehmeuh deuhthaw chuan mual kan liam tawh in a rin awm a, ala awmchhun te pawh vai ho thu hnuaiah an tuibur paih te,an zu in duhloh hnu te, an sahdah hmuam dak tawh pawh hmuam mai pawi tilo in kan chang thap tawh ngei ang.
Ruihhlo avanga tha thawh tur nei talo mizo te tiin min hre kumkhua tawh anga, kum 20 vel a liam leh meuh chuan chim ral tur awmlo vin mahni in kan in ti ral anga, khawvelah mizo te an awm ve thin a ni tih tu mah reng in an hre tawhlo ang. Kan thlan khur chungah te chuan leirawhchan in sang tak tak te a ding khep khup anga, chu erawh kan ta ni lo vin vai ngal ria deuh, hmelchhe deuh kan hmuhsit em em te ta a ni tawh thung ang.
Kan biakin pawisa tamtak senga sak te chu zu dawrah a nihloh vek pawhin lam tualah an hmang tawh anga, kan YMA hall te chu vai pathian biakin ah an chang zo tawh ang. Mizo hmun pawimawh leh hmingthang te chu an tan pawimawhna reng a neih tawh dawnloh avangin an company lian pui pui thutphahah an nawr chhe duai duai anga, a awm ve thin ani tih reng an hre tawhlo ang.
Engvanga mizo te hi pung theilo nge kan nih tih hi ka ngaihtuah fo thin! A bul berah chuan ruih hlo kan khawih hi ka puh ta ber mai. Aids vei te endawng mailo vin tuamhlawm zel ila,aids veite hian endawng an ni tih hi in hrelo tur khawpin kan tuam hlawm thei ani. ruihhlo ti thin ten midang pek tum buai lo bawk sela, khaini,sahdah etc mizo te hian dahbo thei bawk ila, hnam chak tak leh huaisen tak ni thin te ah bawk khan let lehin hma kan sawn ngeiin a rinawm.
Vai hi hmusit ngawt lo vin thianah siam teh zawk ang u khai, an finna te chhawrin an thiamna te hmang zawk ila, an ni pawhin chim ral lam ngaihtuah lo vin thianah min ngai ngei ang. Keini mizo te chu a tul hunah pawh tangrual tur kan awm ta meuhlo a, bul tan tha turin thil harsa a ni zo ta, vai finna kan chelh zo tawhlo a, buai chang apianga zoram pum tam kan hmachhawn ta fo mai.
Thianah kan siam theih chuan thil man man zawk leh tha zawk kan chawlut in kan hriatna te pawh a zau zawk ngeiin ka ring, vawin thlenga vai ho vin min chim ral tur anga kan in ngai tlat te pawh hi a awm viau, hnam tlem kan ni a thil hlauhawm tak pawh ani. Mahse israel ram zimte mizoram pawh tiat manglo khu an chim ral chuang em maw ni?
A thenawm ram te thianah siamin a kawm ngaih miau a, in chimral aiin sumdawnna lamah te engkimah an tang ho daih a, hma pawh an sawnin vawin ah chuan khawvela a ber an ni ta hial a nih hi. An ni chu pathian in aveng a lawm ilo ti a ni mai thei e, pa thian venloh ram chu tlem te bak a nih ka ringlo. Keini mizo te hi min veng ber zawkin kei chuan ka hria . Hmun ralmuang a kan awm theihna chhan hi pathian vang chauh ani.israel ram chu buai loh lai a awm meuhlo zawk a nih khu. Min venglo se zawng silai mu sur karah zan pawh thin thiin i mu hauhlo ang!
Vaiho an rimchhe si thianah ka siam awmlo i ti a nih pawhin ka dem hauhlo che. A ziaktu ngei pawh hian ka duh bik hleinem! Chuti ngati si nge vaiho thianah siam rawh i tih si? i tih chuan hei a chhanna chu-
Thian tha leh thian satliah a awm tih chu tu hrilh i ngailo a,thian a siam ka sawi awmzia chu an thluak ang kan hmang ve dawn ani.sum an hmuhna tur a nih phawt chuan thianah an siam thei mai zel a,an mi huat em em pawh vawin ah chuan an kawmngaih viau thiam em em mai bawk, sum an hmuhna dal thei chu an duhlo hrim hrim ani. Phakar takin kan dawr ve anga, thianthat na hma chhawp in a derin thianah kan siam anga,sumdawng mite tan vanneihna a nih bakah ei leh barah kan hnianghnar sawt zawkin a rinawm ani.
A tawp ber atan chuan ruihhlo mawlh mai hi kan sim tlan a hun ta, mizo te a zahve dawn aia tam mah hi ruihhlo ngai kan ni tawh a, a ni telin kan liam belh zel bawk a,na kin lawkah chuan a chunga kasawi ang khi kan awm dan tur a ka hmuh lawk dan chu ani.
Zoram tho la harh rawh! Ti ti lo in mahni in siamtha hmasa zel i la, zoram chu zoram harh rawh tih sawi sawi ngailo in a lo harh ve mai dawn a ni.
0 Comments
I ngaihdan han thawh ve teh le!