SUNDAY PUALIN (Page 3 Model Hmasa Chuan A Uipa (Golden Retriever) Chu Pasal-ah Neiin A Hlimpui Hle)

August 4, 08.2019 ; Page 3 Model lo ni tawh nu pakhat chuan pawn lama pasal tur zawnga a vah chhuah tam ngaihtuahin a hlawhchham deuh reng bawk sia a ning ta deuh nge ni live in TV ah a ui pa chu a nei hmiah mai.

Ascot, Berkshire a cheng Elizabeth Hoad, kum 49 mi hi 1980s chho vel khan model hlawhtling tak a lo ni tawh a ni.

Elizabeth hi ITV ah tukin lam khan in lanin mal taka awm reng chu a ning ta deuh ni ngei tur a ni, a golden retriever kum 6 a upa Logan chu a nei ta a ni. Logan hi a thi tur chu a lo chhanchhuak tawh a ni.

An pahnih hian nupui leh ui-ah puan an ni ta hmak mai. He inneihnaah hian Ruth leh Eammon te sawm an ni a, Alison Hammond chu inneihtirtuah ṭangin Love Island, Kem chu mo thianah a chang ve thung. Elizabeth chuan Logan hnenah “Cupboard ah ui tana ka thil neih zawng zawng chu ka pe vek ang che tih ka tiam a che” tiin a thu a chham nghe nghe.

Live show lama a inlan lai hian Elizabeth chuan kawrvar fual tak leh puanvar pangpar anga chei chu a luah khumin, Logan ve thung chuan hunbi neia incheina thuamhnaw inbelin lukhum dum a khum ve thunga an thutiamte chu an chham dun vel a nih chu.

Elizabeth chuan a ui Logan nena an inlaichinna chungchang chu sawiin amah ngei hi a duh leh a lunglai kuaitu chu a ni a ti a ni.

Vawi 221 zet mipa chhaithluk a tum chu a fail tak avangin kum khat kal ta khan Logan chu Cupboard chhungahte khungin an vaw thin tih sawiin a chhanchhuah dante a sawi.

Khawvel hi zawng a mak thin zawng a nih hi. Ran nen meuha ‘tiam tlat e’ han tih mai chu a bawnra lam deuh chu nih hi maw.an â kan ti dawn nge ni a? ahmu zolo ti dawn ila anih hmel chiah silo, hremhmun lam mual chu zawh leh poh ang hmiang tihna tlukah ka ngai .

khawvel pian ve manah hetiang em hi chu lo ni ve lul suh ang che, ka blog a thu awm te hi min lo share sak ve dawnnia enjoy.