CHINA THUP BO RIH SUPERSONIC SPY DRONE THLALAK PHOLAN A NI

17th September SR - Kum 2015 hmalam deuh atang tawh khan China hian mihring chuan ngailo thlawhna chak turu lutuk, hmelmate enthlakna tur supersonic spy drone, U.S territory pawh thleng thei neiturin hma an la niin hriatchhoh tan a ni a, a nihphung thenkhat te phei chu zep hleihtheihloh a tarlan tawh te pawh lo nimahse China chuan spy drone chungchang hi a puangzar ngailo. A tak thlalak hi hmuhtur a awmlo a, China top-secret an ti fo thin a ni.

Hetih rual hian China hian an top-secret supersonic spy drone hi an siam hlawhtlinga hmantlak a ni tak tak a nih chuan ala show ngei hi rin a ni tho a, mite rin lawk ang ngeiin China spy drone thar, U.S lam pawhin a tak hmuh an chak ruk em em a chu October 1. 2019 a China in National Day parade an neihna tura rehearsal an neihna bawrvelah a thla lo lak fuh niin Chinese military fans ten an ti darh ta nghal a ni. China chuan October nikhat khian an anvanced weapon dangte zingah pholan a tum tawh nipawhin a lang thei awm e. 

China top-secret supersonic spy drone hi a hming chu Wuzhen-8 niin Mach 3.3 vel zeta chak nitura sawi a ni a, chak turu lutukin Western Pacific a U.S territory Guam vel thlawk thleng daih thei tura siam niin tarlan a ni bawk a ni. Hetiang spy drone turu tak mai tarlan theiha lo awmta hi a takramah engchiah nge a tihtheih tih chu hriat ni rihlo mahse, test flight pawh hi hlawhtling takin China hian an lo nei dim diam tawh niin rin a ni a, khawvel ram dangte mit la hle tura ngaih a ni.

He China thup rih drone bakah hian stealth attack drone leh DF -41 leh hypersonic DF-17 thla te pawh a lolang bawk a ni. DF-17 hypersonic missile hi darkar khata mel 7,680 zet a chaka thlawk thei niin nuclear warhead paithei a ni bawk a ni tihte pawh hi han belh ila.

China chuan kumin National Day vawi 70-na tur hi tum dang zawng aiin hman ropui an tum nite pawhin a langa, ralthuam tunlai ber ber phochhuak turte leh parade tur thlengin an inbuatsaihna a hautakin an beih ngawrh hle niin hriat a ni.AZ

Blog share and subcribes enjoy.