TLEIRAWL ZINGA SAM SEI BER

Indian tleirawl kum 16-a upa chuan Guinness World Records khawvela tleirawl zinga sam sei ber record a siam. Nalanshi Patel, kum 16, sam chu feet 5 leh inches 7 a sei a ni a, hei hi Guinness World Records-in an chhinchhiah danin tuna khawvela tleirawl zingah sam sei ber record a ni.

Gujarat, India a cheng, Nalanshi Patel hi kum 6 a nih laiin a sam an tan a, chuta a sam an tan dan chu mawi a ti lo em em mai a, tichuan a sam a tan duh ta reng reng lo va, a sam chu a sei thei ang bera zuah a tum ta a, kum 10 chhung zet a zuah ta a ni.

Hetiang khawpa sam sei neih chu a buaithlak ve dawn khawp mai, a enkawl pawh a hautak hle ang. Ni tin a sam khuih nan minute 30 vel tal a hmang ziah. Chutiang khawpa buaipui ngai chu ni mah se, pawi a ti lo. Tunah chuan Guinness World Records bu tharah a thlalak a chuang ve ta vâng mai le.

A sam chu 'ka vanneihna' tiin a ni chuan a chhuang hle a, a lu sûk leh tihro vel chhung pawh rei thei hle mah se a ning lo va, tunah hian tan tumna rilru pawh a la pu chuang lo, "A theih chen chen chu ka zuah ang," a ti. Kar khatah a lu vawi khat a su ṭhin a, a tihro nan darkar chanve a ngai a, a lu su zo a khuih mam nan darkar khat vel a ngai bawk. "Ka nuin ka sam min khuih pui ṭhin," a ti.

Patel-i sam hi sei hle mah se, tleirawl chauh ni lo, puitling te pawh huap chuan sam sei ber sam sei zawng chu la pha lo tak a ni. Tunah hian Guinness World Record, sam sei ber chu Chinese hmeichhia Xie Qiuping, niin, a sam sei zawng chu feet 18 a tling. Ani hi 2004 aṭang khan khawvela sam sei ber a la ni ta char char ani. S : marova tahan.

Blog subcribes and share enjoy.