KHAWVEL MI ROPUITEN BIBLE AN FAKNA TAWNGKAM LAWRKHAWM

23 oct 2019 : Khawvel mi ropui leh thiamna sang tak tak ten a BIBLE an lo hmuh dan te tawi te te in ka han tarlang ve ange. Whatsapp khawlai a ka chhar a ni a, thangthar zel ten a hlutna hre ve se la tih pah ni si in ka han dah tha ve leh phawt ange.

Mi thiam rual pawhin he ti khawp a an hlut chu lehkhabu satliah a ni lo tih a chiang thei viau awm e.

1. Ka mut a chhuahin Bible hi ka khum a ni a, thim hnuaiah Bible hi ka êng a ni a, ka ril atamin Bible hi ka chaw.a ni a, hlauhna hmunah ka ralthuam a ni a, ka dam loh laiin Bible hi ka damdawi a ni. Ka khawharna hmunah ka thian tha a ni. Hna ka thawhin Bible hi ka hmanraw hriam a ni a, hla ka sakin Bible hi ka rimawi a ni a, mawlna zan thimah Bible hi min tifingtu a ni a, bo pilna kawngah min hruai ngiltu a ni a, vawtin min hmehin Bible hi ka mei lum a ni.

- John Milton.

2. Bible hian lehkhabu dangin min pek theih loh hlimna min pe a, harsatna min hnehsak a, hlauhna hmunah thlamuanna min pe a, thihna lui daikai dan min hrilh a, ka dam chhungin by-heart vek ka tum a ni.

- By Billy Graham.

3. Bible hi fin nan chhiar la, inhumhim nan hmang la, thianghlim nan nunpui rawh.

- By.Pransis de Sales.

4. Bible chhiar fimkhur ngai lo chu a nung fimkhur ngai lo.

- By. Max Rech.

5. Lehkhabu dangte chuan hriat zauna min pe a, Bible erawh chuan nun danglamna min pe.

- Dela Adams.

6. Khawvela mi ropui ka hmuh ve phak 95-te zinga zaa 87-te chu Bible ngainatute hlir an ni.

- William E. Gladstone.

7. Kan rama mi ropui zawng zawng deuh thawte hi Bible zirtirna a innghat tlatte an ni.

- Franktin D Roosvete.

8. Mi ten an chhiar ngei ngei tur lehkhabu palite zingah Bible hi a pawimawh berah ka dah a, Bihle-ah hian kan harsatna zawng zawng chin felna a awm a ni.

- Bernard Baruch.

9. Ka nuih chuan Sam-in min nuihpui a, ka tah chuan Sam-in min tahpui a, ka hausak chuan Sam-in min hausak pui a, ka retheih chuan Sam-in min trtheih pui bawk.

- D.L. Moody.

10. Ka nun hian Bible hrilhfiah theih loh khawp harsatna a la tawk ngai lo.

- Robert E. Lee.

11. Lekhabu dang chu a chhiarin ka chhiar thin a, Bible erawh chuan min chhiar zawk thin.

- William W. Ayer.

12. Bible hi nun famkim nei tura inkaihhruaina hlawhchham thei lo a ni a, a chhung thute hi zawm tum tlat ila, nun a hum ang.

- J. Edger Hoover.

13. Bible hi zawhna siam theih loh khawpa bulpui ber, thu ril leh thuk ber, khawvel pumin an pawm rawn theih, thu dik nghing ve thei lo chu a ni.

- Dr. Robert A.

14. Millikan-a dam leh dam lote tan pawh Bible hi thlamuanna hnar a ni a, mi mal nun leh hnam nunah kawng ngil laka bo lova min hruai thintu awm chhun a ni.

- Dr. Charles W. Mayo.

15. Kan Scientist-te thlarau leh ram hmangaihtute thlarau vawrtawp hi Bible-a luang khawm vek a ni a, kan hma thlir zawng zawng hi Bible thu anga lo thleng tur a ni a, chuvangin Bible hi kan innghahna lungpui leh kan inphenna kulhbing sang chu a ni.

- Sir. Winston Churchill.

16. Bible hi khawvela thil awma thil hlu ber a ni a, hei hi lal chhungkaw dan bu a ni a, Pathian thusawi nung a ni.

- Queen Elizabeth -II.

17. Bible hian ka phur rit min tizangkhai a, ka khawvel lungngaihna hi min hnawh bosak a, sawifiah theih loh lawmna min thlen a, Thlarau Thianghlim aw min hriattir a ni.

- Chiang Kai Shek.

18. Lal Isua hnen atanga thil tha kan dawn zawng zawng hi Bible kal tlanga kan neih a ni a, Bible hi Pathianin mihringte hnena a thil pek ropui ber a ni.

- Abraham Lincoln.

19. Mi tu pawh Bible kaltlanga a zirlai thiam chu mi thiam (educated) a ni.

- William Lyon Phelps.

20. Lehkhabu dang reng reng hetianga thiltihtheihna nei lehkhabu nung a awm ve lo va.(, mi tu pawhin Bible a chhiar a, zawm a tum tlat chuan mi rethei a ni ngai lo vang.

- Henry Van Dyke.

21. Bible tel lo chuan tunlai khawvela naupang kan zirtirna hian kan society-ah awmzia a nei thei lo vang.

- Count Leo Tolstoy.

22. Ka ziak tawh leh ka ngaihtuahna kal liam tawh, khawvela ka pho chhuah zawng zawngte kha ka naupan laia ka nuin Bible chang min vawntir atanga lo luang chhuak vek a ni.

- John Ruskin.

23. Thil lei nan sum maktaduai tam tak ka seng tawh a. chumi zingah chuan kum 11 ka nih laia cheng 2/- man Bible kawm sen ka lei kha a hlu ka la ti ber mai.

- John Vanamaker.

24. Bible chhiar ka taimak chinah ka nun chhiar dan ka thiam ta a ni.

- Syngman Rhee

I ngaihdan comment lamah han thai lang ve ta che? Ka blog min share sak la , min lo subcribes ve dawn nia, enjoy.