NIRBHAYA PAWNGSUAL THU BUAI A TAWP TA, MI 4 TE TUKIN ZINGAH KHAIHLUM AN NI TA E

Nirbhaya pawngsual thu buaia thiam loh chantir mi 4 te chu tukin zing khan Tihar Jail Delhi ah khaihlum a ni ta nge nge. Pawngsual tuartu nu leh pa leh an chhungte leh pawngsual dote tan chuan thawk hawkna a tling ngei ang.

Pawngsualtu mi palite hian December 16, 2012 zanlaia mihring tiha mawi lo leh rawng taka physiotherapy zirlai (intern) a hming lem Nirbhaya an pawngsual avanga thu buai sawi hlawh leh rei tak ngaihtuah, khaihlum tura thu pek pawh hemi hma hian vawi thum lai lo siam tawh chu a tawpah chuan an pawi khawihna rah chu sengin Court-in a lo ruat lawk ang ngeiin ZIRTAWPNI ZING DAR 5:30 khan khaihlum an ni ta nge nge a a ni.

Khaihlumte hming chu :

Mukesh Singh (32) Pawan Gupta (25)

Vinay Sharma (26) Akshay Kumar Singh (31) 

Tihar Jail-in musual leh pawikhawihtu țum khata mi pali a khaihlum vawikhatna a ni. Tihar Jail hi South Asia- ah Jail lian leh zau ber a ni a, mihring 16,000 tan theihna a ni.

Pawngsualtute hian khaihlum hun a muang thei ang bera kalpuina turin Court thu tlukna a inchhawkin ențha tura dilna an thlen chhawk chhen avang leh khaihlum pumpelh tumin nizan thleng pawhin zanlaiah thu buai ngaihtuah (midnight hearing) neih anih avang khan a hun tura Court-in ni a ruat pawh hi țhulh leh a nih ngei ring an tam hman hle a, a tawp tak takah zawng misual leh pawikhawihtute vanneihna puansin chu pawh fan zel theih a ni ta lo, tukin zing dar 5:30 am khan rawng lehhur uchuak leh tenawm taka an chetna rah chu an seng ta nge nge a ni. January 22 a khaihlum tawh tura tih kha a ni tawh a, an vanneihna puansin chu an pawtfân zel thei ta bik lo, hrui hrual valh chuan thim leh sual zawng zawng bul Diabola lal hrawtna hremhmun lamah a tir liam lui ta nge nge a ni.

Tihar Jail, Director General, Sandeep Goel chuan zing dar 5:30 ah chiah khaihlum an ni a ti.

Pawngsualtute hi paruk an ni a, an zinga mi pakhat Ram Singh chuan a chunga Court rorelna pawh nghak hman lo khawpin a lo inawkhlum tawh. An zinga pakhat chu kum tling lo (Juvenile) anih avangin correctional home ah kum 3 a awm hnuin chhuah zalen a ni.

Kum 7 aia rei, thu buai ngaihtuah, khaihlum hun pawh vawi 3 lai sawn a ni hman a, he pawngsualna rawng taka thu buai kal chhoh dan hi India ram Dan (Law) zirtuten an chhiar nawn fo a ni ngei ang.

An ruang hi post mortem anih hnuin hal a ni ang.

Pawngsualtute ukil AP Singh kha chu kan hre fur maithei, mahse he nu zahawm tak erawh kan hre fo lo maithei thung.  Adv Seema Kushwaha, Nirbhaya rape case a victim ukil, justice hlenchhuah a nih theihna tur a tha zawng zawng sengtu hian, blog hi han mawi teh se.

Huna kawlvawm

Source :

Times of India
March 20, 2020
@ 06:48 AM IST

Blog share and subscribes enjoy.