Indonesia Rawlthar Kum 14 Miin Arpui Angin A Tui Thin. Pum 20 A Tui Dêr Tawh!

Monday 24 December : Indonesia, Gowa khua ah rawlthar Akmal kum 14 mi chuan Artui pum ang a tui thin avangin khuaa mi chengte an mang ang tak zet tih hriat a ni. Kum 2 chhungin artui pum 20 a tui chhuak tawh a ni. A pain “A tui hmasa ber chu ka tikeh a, artui nen chuan a in ang chiah lo. A chhung lam chu tuiril rawng eng a ni” tiin a sawi.

A tui 2-na chu a nuin a tikeh leh a, a chhunglam a var leh vek thung. Tianga an fapain a tui fo avang hian a nu leh pate chu an mangang tak zet a, damdawi in lamah hruaiin an va entir a, doctor-te chuan an rinloh em avangin X-ray an tihsak nghal tih an sawi. A kawchhung lam chu engmah danglamna a awm lo tih an sawi.

Damdawi ina a awm lai ngei pawh in pum 2 a tui belh tih an sawi a, doctor-te mangang lutuk chuan damdawi in a lo kal dawnin a mangkuaah artui a dahlut sa a ni ang tiin an puh hial a ni. Damdawi ina a tui pawh chu artui chiah chiah a ni tiin an sawi. Doctor-te chuan mihringin an tui theihna dan a awm lo an ti nachungin Akmal erawh chuan artui a tui ngei a ni a ti ve thung.

Rawlthar danglam tak Akmal chu Syekh Yusuf Hospital-ah an dah lut nghal a, pawn lam mite nen intlawh pawh thei lo turin an khung hrang ta ani. An khung hran hnuah a tui leh tho a nih chuan a taksa chhunglam awmdan zirchianna an kalpui dawn tih an sawi a ni.

He thu hi i rin leh rin loh erawh i ngaihdan ah a innghat e. A mak ema kan han tarlang ve mai ani e. (Express.co.uk).

Blog share and subscribe enjoy.