Mizo journal
May 20, 2021 : Rei deuh tawh mahse kan dah tha ve leh mai mai ange. Hmuh theihloh leh thil tih theihna turu tak nei ni ta la engthil ber nge i tih dawn le? He pa rilruah chuan pawisa lakkhawm nan mi in rawk a thlang thung a nih dawn hi!
He mihring rukruk lama mi bik hi, mi in leh lo rawka vak kual thin chu a tawpah North Jakarta police Precinct unit-ten ni reivakloah khan an man tih hriat a ni. Press lama a chanchin tawi an tarlannaah he pa thil thiam leh zeizia chu an sawi ai mahin rinphak bakin a nasa niin an sawi.
Tribunnews in a tarlanna-ah Police chief Budhi Herdi Susianto sawi danin he rukru HL tia hriat lar hi a birthday kawrmawi tak nen mi inah a lut niin a sawia, ama rindan chuan a ruk chhung zawng saruaka a awm khan miten an hmu lo turah a ngai tlat peka chet a lak hmain a engkim a thawmhnaw zawng zawng pawh a phelh fai vek a ni. Tianga a inphelh ruah hian tumahin an hmu thei lo turah a ngai a nih chu.
Vanduaithlak takin a rindan atthlak tak chuan engmah awmzia a nei tlat lo mai. A chetlai leh a khawsak dante chu CCTV in chiang em em maiin a lo record vek maia a ngaihdan atthlak tak chu a vanduaina thlentu a ni hlauh thung.
He CCTV record atang hian an zawng ta a, a awmna hmun dik tak chu an hrethei ta a ni. Rukru HL tia koh hi Tanjung Pirok velah drug a lo khawih mek laiin chhunpachangah an man ta tih an sawi. HL hi damdawi hmansualna avangin jailah an lo khung tawha a chhuahna pawh a rei lo niin an sawi bawk.
Thil a ruk lai hian amah chauh a nilo niin an sawia a thian a kawppui erawh a tlanchhuak hman hlauh niin an sawia Police-ten an zawng mek a ni.
Blog share and subscribes enjoy.
0 Comments
I ngaihdan han thawh ve teh le!