ZAK KHA TIH REH DAN AWLSAM CHI 4

Kan hnung khan zak kha rim tih reh dan tur post ka’n tum zet a, zak hmul tih reh dan hi sawi hmasak a ngai a nih hi tiin, post title thleng ta si lo khan ka post ta ṭhuai mai a. Zia lo mah mah a ni.

Hei, tunah hun remchang neih lai takin ka rawn ziak leh ta a. In lo hmang ṭangkai dawn nia aw.

A bikin nula/tlangvalte phei chuan tih chhin ngei chi a niin ka hria. Mi karah zak han kau deuh hleka hâng deuh riauva a lo lan chuan a chi chiah loh. Tlangvalte bula zak rim a tui vak loh phei chuan rin aiin in inthlahrung zel a nih kha.

Heng a hnuaia tips kan sawi turte hi a tichhin tawhte chuan a ṭha viau niin an sawi a. Taimak ve deuh erawh a ngai ang. Eng le khaw le, bialpate leh tlangvalte bula inthlahrunna awm miah lova awm theihna chu a ni chiang mai. Tin, i lo confi deuh bawk ang a, i inchhir lo ngei chuan ka ring.

Zak kha leh hâng rawngkai hi a buaithlak a, tih thianghlim peih a ngai hle a ni. A hnuaia kan sawi turte hi hmanruaah i hmang ang a, i zak hmul tih reh nan, i zak khuar hâng tih mawi nan leh i zak rim chhe tur zawng zawng ven nan lo tive rawh le.

Tips Chi Lite Chu:

Tip 1. Vaimim Rawt Dip leh Artui Pawn Var : Artui chhungmu i paih vek ang a, a pawn var chauh kha i la ang. Artui pum khata a pawn lang var (a mu lo zawng) leh vaimim her phut thirfian khat, chini thirfian khat pawlh khawmin uluk takin chawk kàwi la. Tichuan i zakah hnawih rawh.

A ro thleng i nghak ang a. A ro fel hunah tui lumin i sil ang. Hetia i tih chuan rei lo têah i zak hmul a fai mai bakah, i zak rawng hâng leh rim chhia kha a bo vek mai ang.

Tip 2. Aiêng leh Bawnghnutê : Hei hi chu zak hmul tih reh dan aimahin zak kha rim tihrehna, zak rim chhia venna a ni leh zual.

Aiêng thirfian thum leh bawng hnute thirfian khat pawlh la, uluk taka i chawhpawlh hnuah i zakah i hnawih ang.

Minute 20 vel i nghaha a lo hul fel hnuah tui lum pip pepin i sil fai leh ang. Tichuan i zak rim chhia chu a bo vek mai ang.

Tip 3. Thingfanghma leh Aiêng : Hei pawh hi ṭha tak niin an sawi. Thingfanghma hmin zai phel la, phel khat (keih theih zel tur ang vela phel) kha aiêng thirfian khat nen pawlh la, a chunga kan sawi ang khian uluk deuh tak khan chawk kawi rawh. Tichuan i zakah i hnawih leh mai ang.

Hetia i tih ṭhin chuan rei lo têah i zak hmul a lo bo mai bakah i zak rawng pawh i taksa dang ang bawkin a lo mawi em em ang a, rim chhia engmah a awm lo vang.

Tip 4. Chini Tui leh Ser Thûr Tui : Hei hi chu tlemin a buaithlak deuh va. Tih peih chuan a ṭha em em bawk.

Chini tui leh khawizu thirfian khat ve ve, leh ser thur tui (lemon juice) thirfian hnih i chawhpawlh ang a, minute 2 chhung vel meiah i chhuang ang. Minute 2 vel chutia i tih sat hnuah i suan ang a, i nghak dai leh ang. Tichuan i zakah khan i hnawih mai ang.

Hei hi chu chhah deuh taka hnawih tawk tawk mai tur a ni. Chutia chhah deuh taka i hnawih hnu, rei vak lovah i silfai leh mai ang. Hei hi a buaithlak deuh na a, zak bawr vela bacteria thahna a nih nghal avangin a ṭha hle. I zak hmul a lo reh mai bakah zak rim tichhetu an awm tawh loh avangin i zak rim a lo thiang hle tawh dawn a ni.

Awle, zak kha chauh ni lo, zak rim chhia tih reh nan, zak rawng hâng deuh tih mawi nan leh zak hmul mawi lo tihfai nana tih dan tur kan sawi a nih hi. A hmangte chuan an zawngchhang viau a ni awm e.

Share and subscribes Enjoy. Follow facebook pages KA HRIAT RUKTE I TAN